A Ch'an̈ Schab'il Libro Yic Yab'ixal Eb' Rey 10:6 - Chuj San Mateo Bible

⁶ Ix stz'ib'anxib'at junxo carta vin̈aj Jehú chi' d'a eb', ix yalan vin̈: Tato tze nib'ej tzex och ved'oc, ol e c'anab'ajan tas svala', a q'uic'an tzeyic'cot sjolom eb' yin̈tilal vin̈ eyajalil chi', tzex javi d'ayin d'a Jezreel tic, xchib'at vin̈ d'a eb'. A eb' 70 yin̈tilalcan vin̈ rey chi', junn̈ej yaj eb' yed' eb' yichamtac vinaquil chon̈ab' ix ilan q'uib' eb' d'a Samaria chi'.

Chuj San Sebastian Bible

⁶ 'Ix stz'ib'n pax 'at Jehú junx ch'an̈ carta 'a scha'ejmal. 'Ix yaln 'at 'ixtic: Toto tze nib'j tzex 'och wet'oc, ax eyiclni tas 'oj wala', to 'ixta', tzeyij cot sjolm eb' yunnal jun eyajlil chi 'ayn 'a Jezreel tic, 'a 'icha hora tic q'uic'an, xchi. Ax eb' 70 yunnal win rey cha, jun yaj eb' yet' eb' yichm wincal chon̈b' cha, atn eb' 'ix q'uib'tzan eb'.

A Ch'an̈ Schab'il Libro Yic Yab'ixal Eb' Rey 10:6 Referans Kwoze

Lc 9:50

—Man̈ e cach vin̈, yujto a eb' man̈ ajc'oloc d'ayon̈, qued' ayoch eb', xchi Jesús d'a eb' vin̈.

Mt 12:30

A eb' man̈ ayococh ved'oc, ajc'ool eb' d'ayin. A eb' max molb'ancot eb' anima d'ayin, a eb' spechan saclem eb' anima chi'.

Job 21:19

A eyalani to ato eb' uninab'il stupan smul smam. Palta a in tic svala' to smoj a val lac'an eb' stupan smul chi', yic syojtaquejel eb' to yuj smul eb' icha chi' tz'aj eb'.

A Ch'an̈ Schab'il Libro Yic Yab'ixal Eb' Rey 9:32

Ix q'ue q'uelan vin̈aj Jehú chi' d'a jun ventena chi', ix yalan vin̈: —¿Mach ayoch ved'oc? xchi vin̈. Ay chavan̈ oxvan̈ eb' vin̈ munlajvum d'a yol spat ix, ix elta d'an̈an eb' vin̈ yila'.

Dt 5:9

Man̈ ex em n̈ojan d'ay, man̈ eyaq'uem e b'a d'ay, yujto a in Jehová e Diosal in, ste cot voval d'ayex tato tzex och ejmelal d'a junocxo tasi. Ol vac'och syaelal eb' mamab'il malaj velc'och d'ay, ol vac'anpax yaelal d'a yib'an̈ yuninal eb', yixchiquin eb' yed' yin̈tilal eb'.

Nm 25:4

ix yalan d'a vin̈aj Moisés icha tic: —Molb'ej masanil eb' ix cuchb'anb'at eb' anima tic d'a juntzan̈ chucal chi', val d'a vichan̈ yed' d'a yichan̈ eb' etchon̈ab' tza d'un̈b'ejq'ue eb'. Icha chi' ol aj sicb'iem yoval in c'ol d'a chon̈ab' Israel tic, xchi d'a vin̈.

A Ch'an̈ Schab'il Libro Yic Yab'ixal Eb' Rey 10:5

Axo vin̈ tz'ilan spalacio vin̈ rey chi' yed' vin̈ sgobernadoral chon̈ab' chi', masanil eb' yichamtac vinaquil chon̈ab' yed' pax eb' ix ilan q'uib' eb' yuninal vin̈aj Acab chi', ix yalb'at eb' d'a vin̈aj Jehú chi': A on̈ tic ayon̈ ec' d'a yol a c'ab'. Masanil tas ol ala' ol co c'anab'ajej, man̈ ol cac'ochlaj junocxo co reyal. Ujocab' icha tas vach' tz'aj a naani, xchib'at eb'.

A Ch'an̈ Schab'il Libro Yic Yab'ixal Eb' Rey 10:7

Ayic ix schaan jun carta chi' eb', ix syaman eb' 70 yin̈tilal vin̈ rey chi' eb', ix xicjiel sjolom eb' yuj eb'. Ix yac'anem sjolom eb' chi' eb' d'a yol juntzan̈ mooch, ix yac'anb'at eb' d'a vin̈aj Jehú d'a Jezreel chi'.

A Ch'an̈ Schab'il Libro Yic Yab'ixal Eb' Rey 10:9

Axo d'a junxo c'u, ix b'at vin̈aj Jehú chi', ix och lin̈an vin̈ d'a ti' chon̈ab' chi', ix yalan vin̈ d'a masanil eb' anima: —A ex tic, malaj e mul. A in ix in milcham vin̈ co reyal yuj vic'anel vin̈ d'a yopisio, palta ¿mach ix milancham masanil juntzan̈ eb' tic?