1 Cr 9:1 - Chuj San Mateo Bible

¹ Icha tic ix aj stz'ib'chajcan masanil eb' israel d'a stzolal tas yaj yin̈tilal eb' b'aj aycan yab'ixal eb' sreyal Israel. A eb' anima ay d'a Judá, ic'chajnacb'at eb' d'a Babilonia yuj schucal.

Chuj San Sebastian Bible

¹ 'Ixtn tic 'ajnc stz'ib'x can smasnil eb' israel 'a ch'an̈ slibroal yic yab'xil eb' sreyl chon̈b' Israel. Palta a pax eb' 'anma 'ay 'a Judá, 'ix 'ijx 'at eb' 'icha presoal 'a Babilonia, yuj smaysch'olnilal eb'.

1 Cr 9:1 Referans Kwoze

Nehemías 7:5

Ix lajvi chi', a Dios ix ac'an in na' to tzin molb'ej eb' vin̈ vinac nivac yelc'ochi, eb' vin̈ yajal yaji yed' masanil eb' chon̈ab', yic stz'ib'chaj eb' d'a ch'an̈ libro, icha syal yin̈tilal smam yicham eb'. Ix chax pax ch'an̈ b'aj tz'ib'ab'il sb'i eb' b'ab'laj janacxi, icha syal sb'i smam yicham eb', ata' tz'ib'ab'il eb' tic:

Esdras 2:59

A vin̈aj Delaías yed' eb' yin̈tilal vin̈aj Tobías yed' eb' yin̈tilal vin̈aj Necoda, 652 eb'. A eb' tic ix cot eb' d'a Tel-mela, d'a Tel-harsa, d'a Querub, d'a Addán yed' d'a Imer. A eb' tic, maxtzac yal-laj sch'oxanel sb'a eb' tato yin̈tilal Israel eb'.

Dn 1:2

A Dios Cajalil ix ac'anoch vin̈aj rey Joacim chi' d'a yol sc'ab' vin̈aj Nabucodonosor chi' yed' juntzan̈xo eb' anima aj Judá yed' jantac yamc'ab' sc'anchaj d'a stemplo Dios. A juntzan̈ yamc'ab' chi', ix yic'cot vin̈, ix javi d'a Babilonia tic, ix schecan vin̈ ac'chajoch d'a spatil sdiosal b'aj sic'chaj tas tz'ac'ji d'a sdiosal vin̈ chi'.

Jeremías 39:9

Axo vin̈aj Nabuzaradán yajal d'a eb' stan̈vumal vin̈ sreyal Babilonia chi', ix yic'b'at masanil eb' aj Judá vin̈ d'a Babilonia chi', aton eb' ixto can d'a yol chon̈ab' chi' yed' eb' ix yac'och sb'a yed' eb' aj Babilonia chi' yed' masanil eb' anima.

2 Cr 33:11

Yuj chi' a Jehová ix ac'ancot eb' yajalil eb' soldado vin̈ sreyal Asiria d'a eb', ix yamchaj vin̈aj Manasés chi' yuj eb'. Ix yac'anoch gancho eb' d'a sn̈i' vin̈, ix tzec'chaj vin̈ d'a q'uen cadena nab'a bronce, ix yic'anb'at vin̈ eb' d'a Babilonia.

1 Cr 8:40

A eb' vin̈ yuninal vin̈aj Ulam chi', te tec'an eb' vin̈ yac'an oval, yojtac val eb' vin̈ sjulvaji. Tzijtum yuninal eb' vin̈ yed' yixchiquin, 150 sb'isul eb' vin̈ d'a smasanil. Masanil juntzan̈ eb' vin̈ chi', a vin̈aj Benjamín ay yin̈tilal eb' vin̈.

A Ch'an̈ B'ab'el Libro Yic Yab'ixal Eb' Rey 14:19

A juntzan̈xo yab'ixal vin̈aj rey Jeroboam, ayic ix yac'an oval vin̈ yed' juntzan̈xo tas ix sc'ulej vin̈ d'a yol stiempoal, tz'ib'ab'ilcan b'aj aycan yab'ixal eb' vin̈ sreyal Israel.

A Ch'an̈ Schab'il Libro Yic Yab'ixal Eb' Rey 24:14

Ix schecan vin̈ ic'chajb'at masanil anima cajan d'a Jerusalén chi' yed' eb' yajal, eb' soldado te jelan, eb' vin̈ jelan sb'oan tastac yed' eb' vin̈ tenum q'ueen. 10 mil eb' ix ic'jib'at d'a Babilonia chi' d'a smasanil. Man̈xa mach ix cani, axon̈ej eb' meb'a' ixto cani.

A Ch'an̈ Schab'il Libro Yic Yab'ixal Eb' Rey 24:15

A vin̈aj rey Joaquín chi', ix snun vin̈, eb' ix yetb'eyum vin̈, eb' ayoch yajalil yed' vin̈ yed' eb' anima nivac yelc'och d'a yol smacb'en vin̈ chi', ix ic'jib'at eb' yuj vin̈aj Nabucodonosor chi' d'a Babilonia.

A Ch'an̈ Schab'il Libro Yic Yab'ixal Eb' Rey 24:16

A d'a scal masanil anima ix ic'chajb'at chi', ay 7 mil eb' vin̈ soldado, ay pax mil eb' vin̈ syal sb'oan tastac yed' eb' vin̈ tenum q'ueen. Masanil eb' vin̈ tic te tec'an eb' vin̈, te jelan pax eb' vin̈ d'a oval.

Esdras 2:1

Aton slistail eb' aj Judá ic'b'ilb'at yuj vin̈aj Nabucodonosor sreyal Babilonia, eb' ix jax d'a Jerusalén yed' d'a juntzan̈xo lugar d'a yol yic Judá. Junjun eb' ix c'ochxican d'a schon̈ab'. Axo eb' vin̈ cuchb'um d'a eb', aton eb' vin̈ tic: Vin̈aj Zorobabel, vin̈aj Jesúa, vin̈aj Nehemías, vin̈aj Seraías, vin̈aj Reelaías, vin̈aj Mardoqueo, vin̈aj Bilsán, vin̈aj Mizpar, vin̈aj Bigvai, vin̈aj Rehum yed' vin̈aj Baana.

Nehemías 11:1

A eb' yajal d'a co chon̈ab' tic ix cajnaj eb' d'a Jerusalén. Axo juntzan̈xo eb', lajun̈e' macan̈ ix laj aj eb', ix och suerte d'a yib'an̈ eb' mach junoc macan̈ eb' ol cajnaj d'a Jerusalén tic, aton d'a jun chon̈ab' to yic Dios yaji. Axo b'alun̈ macan̈xo eb' sb'atxican eb' d'a schon̈ab' junjun.

Is 3:2

Aton eb' vin̈ yajalil eb' soldado, eb' vin̈ juez, eb' schecab' Dios, eb' ajchum, eb' yichamtac vinaquil chon̈ab',

Jeremías 13:19

A juntzan̈ chon̈ab' d'a Neguev ol macchaj yuj eb' soldado, ol oymaj eb' d'a spatictac, man̈xa mach ol yal yochi. Masanil eb' aj Judá, ol ic'chajcanb'at eb' d'a najat.