1 Cr 24:4 - Chuj San Mateo Bible

⁴ Axo ix yilan eb' vin̈ to a eb' vin̈ yin̈tilalcan vin̈aj Eleazar chi' tzijtum sb'isul eb' vin̈ d'a yichan̈ eb' vin̈ yin̈tilalcan vin̈aj Itamar, yuj chi' 16 macan̈ ix aj eb' vin̈, axo eb' vin̈ yin̈tilalcan vin̈aj Itamar chi', vajxac macan̈n̈ej eb' vin̈.

Chuj San Sebastian Bible

⁴ Palta 'ix yil cot eb', chajtlto a eb' yin̈tl Eleazar 'ec'b'al sb'isl eb' 'a yib'n̈ eb' yin̈tl Itamar, yuj cha, 'ix pojx 'ec' eb', waclajn̈ macn̈ eb' xcan yet' eb' yin̈tl Eleazar, ax wajxc macn̈ eb' xcan yet' eb' yin̈tl Itamar cha.

1 Cr 24:4 Referans Kwoze

1 Cr 23:24

Aton juntzan̈ eb' vin̈ chi' yin̈tilal vin̈aj Leví, icha syal smacan̈il ix aj stz'ib'chaj eb' vin̈ ec'alxo d'a 20 ab'il sq'uinal, aton juntzan̈ eb' vin̈ chi' ayoch yopisio d'a templo.

1 Cr 24:3

Macquiltac ix aj eb' vin̈ sacerdote yuj vin̈aj rey David chi', yuj vin̈aj Sadoc yin̈tilal vin̈aj Eleazar yed' vin̈aj Ahimelec yin̈tilal vin̈aj Itamar.

1 Cr 24:5

D'a sorteoal ix aj yochcan junjun macan̈ eb' vin̈ d'a stzolal smunlaji, yujto a d'a scal eb' vin̈ yin̈tilalcan vin̈aj Eleazar yed' d'a scal eb' vin̈ yin̈tilalcan vin̈aj Itamar ay eb' vin̈ nivac yajal sic'b'iloch d'a yopisio d'a templo d'a yichan̈ Dios.

2 Cr 1:2

Ix yavtan masanil eb' yetisraelal vin̈: Aton eb' nivac yajalil eb' soldado, eb' juez, eb' yichamtac vinaquil chon̈ab' yed' eb' yajal yaj d'a scal eb' sc'ab' yoc.

Nehemías 12:12

A sb'i eb' vin̈ sacerdote yajal d'a junjun macan̈ eb' yetsacerdoteal d'a stiempoal vin̈aj sat sacerdote Joiacim, aton eb' vin̈ tic: A vin̈aj Meraías yajal d'a eb' yin̈tilal vin̈aj Seraías. A vin̈aj Hananías yajal d'a eb' yin̈tilal vin̈aj Jeremías. A vin̈aj Mesulam yajal d'a eb' yin̈tilal vin̈aj Esdras. A vin̈aj Johanán yajal d'a eb' yin̈tilal vin̈aj Amarías. A vin̈aj Jonatán yajal d'a eb' yin̈tilal vin̈aj Melicú. A vin̈aj José yajal d'a eb' yin̈tilal vin̈aj Sebanías. A vin̈aj Adna yajal d'a eb' yin̈tilal vin̈aj Harim. A vin̈aj Helcai yajal d'a eb' yin̈tilal vin̈aj Meraiot. A vin̈aj Zacarías yajal d'a eb' yin̈tilal vin̈aj Iddo. A vin̈aj Mesulam yajal d'a eb' yin̈tilal vin̈aj Ginetón. A vin̈aj Zicri yajal d'a eb' yin̈tilal vin̈aj Abías. A vin̈aj Piltai yajal d'a eb' yin̈tilal vin̈aj Miniamín yed' d'a eb' yin̈tilal vin̈aj Moadías. A vin̈aj Samúa yajal d'a eb' yin̈tilal vin̈aj Bilga. A vin̈aj Jonatán yajal d'a eb' yin̈tilal vin̈aj Semaías. A vin̈aj Matenai yajal d'a eb' yin̈tilal vin̈aj Joiarib. A vin̈aj Uzi yajal d'a eb' yin̈tilal vin̈aj Jedaías. A vin̈aj Calai yajal d'a eb' yin̈tilal vin̈aj Salai. A vin̈aj Eber yajal d'a eb' yin̈tilal vin̈aj Amoc. A vin̈aj Hasabías yajal d'a eb' yin̈tilal vin̈aj Hilcías. A vin̈aj Natanael yajal d'a eb' yin̈tilal vin̈aj Jedaías.