1 Cr 21:3 - Chuj San Mateo Bible

³ Palta ix tac'vi vin̈aj Joab chi' icha tic: —Aocab' Jehová tz'ac'an q'uib' sb'isul schon̈ab' masanto maxtzac yal sb'ischaji. Mamin rey ayoch eb' d'a yol a c'ab' smasanil, ¿tas yuj tza nib'ej jun tic? A d'a jun tic ol och smul co chon̈ab' tic uuj, xchi vin̈.

Chuj San Sebastian Bible

³ Palta xta'w Joab 'ixtic: —A cab' Jehová tz'a'n q'uib' sb'isl schon̈ab', man̈x b'ischjb'enoc cab' tz'aj eb', a 'a yol 'a c'ab' 'aych eb' smasnil. ¿Tom man̈ a checb'oc eb' tic smasnil? ¿Tas yuj tzac' ep 'e'n chan̈ sb'isl eb'? Yuj ton wal jun tic ax yoch smul qui chon̈b' tic, xchi.

1 Cr 21:3 Referans Kwoze

Dt 1:11

Aocab' Jehová co Diosal, sDiosal pax eb' co mam quicham, a tz'ac'an q'uib' co b'isul d'a smilalxo, ec'b'al d'a yichan̈ icha co b'isul ticnaic. Yac'ocab' val svach'c'olal, icha val ix aj yac'an sti'.

Is 48:19

Man̈xom b'ischajb'enoc eb' eyin̈tilal, icha yarenail sti' a' mar. Maj am viq'uemta e b'isul, maj am in b'at mican d'ayex, xchi Jehová.

Is 26:15

Mamin, a ach ix ac' levanb'oc co macb'en yic vach' tzach ic'jichaan̈, a ach ix a nitzb'at stz'acan̈il.

Pr 14:28

Tato ay eb' rey ayoch reyal d'a jantac anima, sb'inaj val eb'. Tato jayvan̈n̈ej anima b'aj ayoch eb' reyal jun, slajviel eb'.

Salmos 115:14

Aocab' Jehová tz'ac'an q'uib' sb'isul eb' cuninal yed' eb' qui co chiquin.

1 Cr 19:13

Tec'b'ej a b'a, cac' oval yuj co colan eb' quetchon̈ab', aton schon̈ab' co Diosal. Yac'ocab' Jehová tas tz'el d'a sc'ool, xchi vin̈aj Joab chi'.

A Ch'an̈ B'ab'el Libro Yic Yab'ixal Eb' Rey 14:16

A Jehová ol on̈ ac'anb'at d'a yol sc'ab' junxo nación yujn̈ej smul vin̈aj Jeroboam syac'och chi'. A vin̈ scuchb'anb'at co chon̈ab' tic d'a chucal, xchi vin̈aj Ahías chi' d'a ix.

A Ch'an̈ B'ab'el Libro Samuel 2:24

Maay ex vuninal, te chuc tas syal eb' schon̈ab' Jehová tic d'a eyib'an̈ yuj tas tze c'ulej chi'.

Ex 32:21

Ix yalan vin̈ d'a vin̈aj Aarón chi': —¿Tas yuj ach montaj yuj juntzan̈ anima tic ix a cuchb'an eb' sc'ulan jun nivan chucal tic? xchi vin̈.

Gn 20:9

Ix lajvi chi' ix schecan vin̈ rey chi' avtaj vin̈aj Abraham chi', ix yalan vin̈: —¿Tas yuj icha tic ix in utej? ¿Tas in mul d'ayach, yuj chi' ijan tzic'cot jun nivan mul tic d'a vib'an̈ yed' d'a yib'an̈ jantac eb' in chon̈ab' tic? Man̈ vach'oc ix in utej.

1 Cr 21:4

Palta majxo schalaj yab' vin̈ rey chi' tas ix yal vin̈aj Joab chi', yuj chi' ix b'at eb'. Ayic ix lajvi yic'anchaan̈ sb'isul masanil eb' soldado Israel chi' eb', ix meltzaj eb' d'a Jerusalén.

Ex 30:12

Ayic ol ic'anchaan̈ sb'isul eb' etchon̈ab' israel chi', junjun eb' ol stup d'ayin yuj sq'uinal, yic malaj junoc ilya te ov ol javoc d'a yib'an̈ eb' to scham eb' yuuj, yuj b'aj sb'ischaj chi'.

Josué 22:15

Masanil juntzan̈ eb' chi', ix b'atn̈ej eb' d'a Galaad b'aj ayec' nan̈al yoxil in̈tilal eb' chi', ix yalan eb' icha tic:

A Ch'an̈ Schab'il Libro Yic Yab'ixal Eb' Rey 12:7

Yuj chi' ix avtaj vin̈aj Joiada yed' juntzan̈xo eb' vin̈ sacerdote yuj vin̈, ix yalan vin̈ d'a eb' vin̈: —¿Tas yuj manta jab'oc templo tic tze b'o'o? A ticnaic d'a quichan̈b'at tic, man̈xooc ex laj ol e cha q'uen tumin d'a eb' anima tic. A jantac q'uen tumin ol ac'joc, yovalil scan q'uen yic sb'oji templo chi', xchi vin̈.