A Ch'an̈ B'ab'el Libro Samuel 8:4 - Chuj San Mateo Bible

⁴ Yuj chi' ix smolb'ej sb'a masanil eb' yichamtac vinaquil chon̈ab', ix b'at eb' yil vin̈aj Samuel chi' d'a Ramá.

Chuj San Sebastian Bible

⁴ Yuj cha, 'ix syamn sb'a smasnil eb' yichm wincal chon̈ab', 'ix 'at eb' sc'umc Samuel 'a chon̈b' Ramá.

A Ch'an̈ B'ab'el Libro Samuel 8:4 Referans Kwoze

A Ch'an̈ B'ab'el Libro Samuel 7:17

Slajvi chi', smeltzaj vin̈ d'a Ramá, b'aj cajantaxoni. Ata' sch'olb'itejpax eb' yetchon̈ab' vin̈. Ix sb'oanq'ue jun altar yic Jehová vin̈ ta'.

A Ch'an̈ Schab'l Libro Samuel 5:3

Yacb'an ayec' eb' ta', axo eb' yichamtac vinaquil chon̈ab' Israel ix lolon yed' vin̈aj David chi' yic sb'oancan strato vin̈ yed' eb' d'a yichan̈ Jehová. Ix lajvi chi', ix ac'jicanq'ue aceite d'a sjolom vin̈ yic sic'jicanoch vin̈ sreyaloc masanil eb' israel.

Ex 24:1

Ix yalan Jehová d'a vin̈aj Moisés chi' icha tic: —Tzach q'ueta d'a lum vitz b'aj ayinec' tic yed' vin̈aj Aarón, vin̈aj Nadab yed' vin̈aj Abiú yed' pax 70-oc eb' yichamtac vinaquil e chon̈ab'. A eb' chi' najatto scan eb' yaq'uem sb'a d'ayin.

Ex 3:16

Ixic, tza molb'an eb' yichamtac vinaquil Israel, tzalani: A Jehová co Diosal yed' eb' co mam quicham, aton vin̈aj Abraham, vin̈aj Isaac yed' vin̈aj Jacob, a' ix sch'ox sb'a d'ayin, ix yalani to syila' tas tzex utaj d'a Egipto tic.

A Ch'an̈ B'ab'el Libro Samuel 8:10

Ix lajvi chi', ix yalan vin̈ d'a eb' ix c'anan sreyal chi', icha ix aj yalan Jehová chi'.

A Ch'an̈ B'ab'el Libro Samuel 11:3

Ix tac'vi eb' yajalil chon̈ab', ix yalan eb': —Tato icha chi', tzac' uqueocxo c'ual co permiso, ol cac'b'at co checab' d'a masanil eb' quetisraelal, tato malaj mach ol javoc on̈ scolo', ol cac'anoch co b'a d'a yol a c'ab', xchi eb'.

A Ch'an̈ Schab'l Libro Samuel 3:17

Yacb'an chi', ix laj lolon vin̈aj Abner yed' eb' yichamtac vinaquil Israel, ix yalan vin̈ d'a eb' icha tic: Ayxo stiempoal ix e na' a ex tic to a vin̈aj David tz'och e reyaloc.

A Ch'an̈ B'ab'el Libro Samuel 1:19

Axo d'a junxo c'u ayic ix sacb'i, ayic ix lajvi yochcan eb' ejmelal d'a Jehová, ix meltzaj eb' d'a spat d'a Ramá. Ayic ix vay vin̈aj Elcana chi' yed' ix Ana chi', ix nachajcot slesal ix yuj Jehová.