A Ch'an̈ B'ab'el Libro Samuel 8:11 - Chuj San Mateo Bible

¹¹ Ix yalan vin̈ icha tic: —Icha val tic ol ex yutoc jun vin̈ e reyal ol yac' yajalil d'a e cal chi': Ol smolb'ej masanil eb' eyuninal vin̈, ay eb' ol yac'och vin̈ d'a yol carruaje yic oval, ay eb' ol q'ue d'a yib'an̈ chej yic sb'at d'a oval, ay pax eb' ol ochcan stan̈vumaloc vin̈.

Chuj San Sebastian Bible

¹¹ 'Ix yaln 'ixtic: —'Ixtc wal 'oj ex yutc jun rey 'oj yac' yajlil 'a eyib'n̈ cha: 'Oj yec syam sb'a eb' eyunnal. 'Ay eb' 'oj ya'ch 'a yojl jun tzo'n̈ caruaje yic owal, 'ay eb' 'oj q'ue 'a yib'n̈ chej ax s'at eb' 'a owal, 'ay pax eb' 'oj ya'ch win stan̈maloc.

A Ch'an̈ B'ab'el Libro Samuel 8:11 Referans Kwoze

A Ch'an̈ B'ab'el Libro Samuel 14:52

Yacb'an ayoch vin̈aj Saúl chi' reyal d'a scal eb' yetisraelal, ix yac'n̈ej oval vin̈ yed' eb' filisteo. Yuj chi' a eb' quelemtac jelan, te ay pax yip, ix och eb' d'a soldadoal yuj vin̈aj Saúl chi'.

A Ch'an̈ B'ab'el Libro Samuel 10:25

Ix lajvi chi', ix yalan vin̈aj Samuel chi' sleyal yic rey d'a eb' chon̈ab' israel. Ix stz'ib'ejcan vin̈, ix yac'anoch vin̈ d'a yol scajnub' Jehová. Ix lajvi chi', ix stac'lancan sb'a eb', ix pax eb' d'a spat.

A Ch'an̈ Schab'l Libro Samuel 15:1

Ayic ix ec' jun tiempoal, ix aj jun scarruaje vin̈aj Absalón stoc'ji yuj noc' chej, ix sayan 50 eb' soldado vin̈ yic stan̈vaj vin̈ yuj eb'.

A Ch'an̈ B'ab'el Libro Yic Yab'ixal Eb' Rey 10:26

Ix smolb'an jantac carruaje yic oval yed' noc' chej vin̈aj Salomón chi'. Ay mil 400 carruaje yed' 12 mil noc' chej sq'ue eb' soldado d'a yib'an̈. Ay carruaje yed' noc' chej chi' ayec' d'a juntzan̈ chon̈ab' to yictaxon juntzan̈ chi' yaji. Ay pax juntzan̈xo carruaje chi' ayec' yed' eb' soldado stan̈van vin̈ rey chi' d'a Jerusalén.

A Ch'an̈ B'ab'el Libro Yic Yab'ixal Eb' Rey 18:46

Axo Jehová ix och yed' vin̈aj Elías chi', elan̈chamel ix stoc'chaan̈ sjucan pichul vin̈, ix sch'apanq'ue vin̈ d'a stzec'ul snan̈al, ix b'at lemnaj vin̈. B'ab'el sb'at vin̈ yuj vin̈aj Acab chi' masanto ix c'och vin̈ d'a Jezreel.

A Ch'an̈ B'ab'el Libro Yic Yab'ixal Eb' Rey 12:10

Ix tac'vi eb' vin̈ quelemtac chi' d'a vin̈: —A eb' tz'alan chi' to tziq'uel jab'oc munlajel aycanoch d'a yib'an̈ eb' yuj vin̈ a mam chi', al d'a eb' icha tic: Ya munlajel b'aj yac'nac ex och vin̈ in mam chi', a inxo pax tic, ec'alto syail b'aj ol ex vac'ochi.

A Ch'an̈ B'ab'el Libro Yic Yab'ixal Eb' Rey 12:4

—A vin̈ a mam te ec'al ya munlajel ix yac' vin̈ co c'ulej. Axo ticnaic jun, sco nib'ej to tziq'uel jab'oc juntzan̈ munlajel te ya chi' d'a quib'an̈, yic ol cac'och co b'a d'a yalan̈ a mandar, xchi eb'.

A Ch'an̈ B'ab'el Libro Yic Yab'ixal Eb' Rey 1:5

Axo vin̈aj Adonías yuninal vin̈aj David yed' ix Haguit, ix yac'och sb'a vin̈ reyal yalani. Ix yic'an juntzan̈ carruaje vin̈ yed' eb' soldado ayq'ue d'a yib'an̈ chej yed' 50 eb' soldado tz'ec' yed' vin̈.

A Ch'an̈ B'ab'el Libro Samuel 8:9

Yuj chi', c'anab'ajej tas syal eb'. Palta yovalil tzac' yojtaquejel eb' tastac ol utaj eb' yuj jun sreyal ol och chi', xchi d'a vin̈.

A Ch'an̈ B'ab'el Libro Yic Yab'ixal Eb' Rey 14:27

Ix lajvi chi', axo q'uen bronce ix schec b'ojoc vin̈aj Roboam chi' sq'uexuloc juntzan̈ maclab' jul-lab' nab'a oro chi', ix yac'ancan vin̈ d'a eb' yajalil eb' soldado ayoch stan̈vumaloc sti' spalacio vin̈.

A Ch'an̈ B'ab'el Libro Samuel 22:7

Yuj chi' ix yal vin̈ d'a eb' soldado oyanoch d'a spatic chi': —Ex vetchon̈ab' yin̈tilal Benjamín, ab'ec tas ol vala': ¿Tom tzeyac'och d'a e c'ool to a vin̈ yuninal vin̈aj Isaí chi' ol ac'an e luum yed' te' eyuva? ¿Tom e masanil ol ex och d'a comandanteal yed' d'a capitanil yuj vin̈?