A Ch'an̈ B'ab'el Libro Samuel 6:2 - Chuj San Mateo Bible

² Ix lajvi chi', ix avtaj eb' sacerdote sdiosal eb' chi' yed' eb' naumel lolonel yuj eb' filisteo chi'. Ix sc'anb'an eb' d'a eb': —¿Tas scutej te' scaxail strato Jehová chi'? ¿Tas val tz'aj cac'an meltzaj te'? xchi eb'.

Chuj San Sebastian Bible

² Xlajw cha, 'ix sc'anb'n eb' filisteo chi 'a eb' ya'mal 'och sti eb' 'a sdiosal, yet' 'a eb' jeln snan 'el junc tas, xyaln eb' 'ixtc 'a eb': —¿Tas wal tzcutjec te scaxail strato Jehová? Alc 'ayn̈ on̈ tas tz'at cutj ca'n can pax te 'a yet'l on̈, xchi eb'.

A Ch'an̈ B'ab'el Libro Samuel 6:2 Referans Kwoze

Ex 7:11

Ayic ix yilan vin̈ rey icha chi', ix schec vin̈ avtaj eb' vin̈ aj Egipto, eb' vin̈ jelan yed' juntzan̈ yic yajb'alil, ix sc'ulan eb' vin̈ icha ix sc'ulej vin̈aj Aarón chi'.

Gn 41:8

Axo ix sacb'i, te tacnaquel sc'ol vin̈ yuj svayich chi'. Ix schecan vin̈ avtajcot masanil eb' syal snaan el lolonel d'a Egipto yed' eb' te yojtac yalani. Ix och ijan vin̈ rey chi' yalan svayich chi' d'a eb', palta malaj junoc eb' syal yalani tas syalelc'och svayich vin̈ chi'.

Dn 5:7

Elan̈chamel ix el yav vin̈, ix yavtancot eb' naumel lolonel vin̈, eb' schuman yed' q'uen c'anal yed' eb' ajchum. Ix yalan vin̈ d'a eb': —A mach syal yilan juntzan̈ tz'ib'ab'iloch chi', syalan d'ayin tas syalelc'ochi, tz'ac'chajoch junoc pichul púrpura d'ay, tz'ac'chajoch junoc cadena oro d'a sjaj, tz'och d'a yoxil yajalil d'a in macb'en tic, xchi vin̈.

Dn 2:2

Axo masanil eb' vin̈ syal yuj yalani, eb' vin̈ ajb'aal, eb' vin̈ jelan yed' eb' vin̈ schuman yed' q'uen c'anal, ix checji avtajcot eb' vin̈ yuj vin̈ rey chi', yic tzul yal eb' vin̈ tas syalelc'och jun svayich vin̈ chi'. Axo yic ix javi eb' vin̈ d'a yichan̈ vin̈,

Mt 2:4

Ix yavtancot masanil eb' vin̈ sat sacerdote vin̈ yed' eb' vin̈ c'ayb'um d'a ley Moisés. Ix sc'anb'an vin̈ d'a eb' vin̈: —¿B'ajtil ol aljoc vin̈ Cristo? xchi vin̈ d'a eb' vin̈.

Is 2:6

Mamin Jehová, ix on̈ actej val can a on̈ a chon̈ab' Israel on̈ tic, a on̈ yin̈tilon̈can vin̈aj Jacob tic, yujto b'ud'jinaquel co chon̈ab' yuj eb' schuman yed' q'uen c'anal scot d'a stojolal b'aj sjavi c'u yed' eb' naumel lolonel icha syutej sb'a eb' filisteo. Sb'oan strato eb' yed' eb' ch'oc chon̈ab'il ay scomon dios.

A Ch'an̈ B'ab'el Libro Samuel 6:1

Uque' ujal ix ec' te' scaxail strato Jehová d'a scal eb' filisteo chi'.

A Ch'an̈ B'ab'el Libro Samuel 5:8

Yuj chi' ix laj yalb'at eb' d'a eb' yajalil eb' filisteo chi' to smolb'ej sb'a eb' sloloni. Ix yalan eb': —¿Tas scutej te' scaxail strato sDiosal eb' israel tic? xchi eb'. —Iq'uecb'at te', b'at eyac'ancan te' d'a chon̈ab' Gat, xchi eb'. Yuj chi' ix yic'b'at te' eb'.