A Ch'an̈ B'ab'el Libro Samuel 4:13 - Chuj San Mateo Bible

¹³ Axo ix javi vin̈, c'ojanem vin̈aj Elí d'a sc'ojnub' d'a ti' b'e smaclan junoc ab'ix, yujto ayoch vin̈ d'a ilc'olal yuj te' scaxail strato Dios. Axo ix javi jun vin̈ soldado chi', ix och ijan vin̈ yalan d'a eb' chon̈ab' tas van yuji. Ayic ix yab'an jun chi' eb', ix q'ue n̈ilnaj eb' yel yav.

Chuj San Sebastian Bible

¹³ Ax yic xjaw winac, wocn 'ejm Elí 'a jun sc'an̈tz 'a sti b'e tz'och 'a yol chon̈b' cha, yujto caw wal tacnc sc'ojl yuj te scaxail strato Dios. Ax win soldado cha, 'ix 'och win 'a yol chon̈b' cha, 'ix yaln jun 'ab'x chi 'a eb' 'anma 'ayc' ta'. Cojn xyab'n eb' jun 'ab'x cha, 'ix q'ue somnjoc eb' yel yaw.

A Ch'an̈ B'ab'el Libro Samuel 4:13 Referans Kwoze

A Ch'an̈ B'ab'el Libro Samuel 1:9

A junel ayic ayec' eb' d'a Silo chi', ayic ix lajvi sva eb', ix q'ue vaan ix Ana chi', ix b'at ix d'a scajnub' Dios. A d'a yol sti' scajnub' Dios chi', ata' c'ojanem vin̈aj sacerdote Elí d'a jun sc'ojnub'.

A Ch'an̈ B'ab'el Libro Samuel 4:18

Ayic ix yab'an vin̈aj Elí tas ix aj te' scaxail strato Dios chi', ix b'at pac'naj vin̈ d'a spatic sc'ojnub' d'a sti' spuertail chon̈ab' chi', ix c'occhaj sb'aquil sjaj vin̈, yujto al snivanil vin̈, te icham vinacxo pax vin̈, yuj chi' ix cham vin̈. 40 ab'il ix yac' yajalil vin̈ d'a Israel.

Salmos 26:8

Mamin Jehová, tzin xajanej a templo b'aj cajan ach eq'ui. Ata' tz'alchajel snivanil elc'ochi.

Josué 7:9

Axo eb' cananeo yed' masanil chon̈ab' cajan d'a juntzan̈ lugar tic, ol yab' specal eb' tas ix sc'ulej eb' a chon̈ab' tic, ol smolb'an sb'a eb', axo on̈ satanel eb' chi', man̈xo ol on̈ b'inaj d'a sat lum tic. Axo eb' anima, chuc ol yal eb' d'a a patic, xchi vin̈.

A Ch'an̈ B'ab'el Libro Samuel 4:14

Ayxo 98 ab'il sq'uinal vin̈aj Elí chi', maxtzac yal-laj yilan vin̈. Ayic ix yab'an vin̈ yel yav eb' anima chi', ix sc'anb'an vin̈: —¿Tas yaj juntzan̈ anima tz'el yav chi'? xchi vin̈. Axo jun vin̈ soldado chi' yelc'olal sc'och b'aj ayec' vin̈ chi'.

Jeremías 48:19

Ex aj Aroer, ochan̈ec lin̈an d'a titac b'e, tzeyilani. C'anb'ejec d'a eb' aj Dibón ixto yal yeli tas ix uji.