A Ch'an̈ B'ab'el Libro Samuel 4:1 - Chuj San Mateo Bible

¹ Ayic slolon vin̈aj Samuel chi', axo masanil eb' chon̈ab' smaclej val eb' yab'i. A d'a jun tiempoal chi' ix smolb'ej sb'a eb' filisteo, yic syac'an oval eb' yed' eb' israel, ix sb'oanq'ue scampamento eb' d'a Afec. Yuj chi' ix smolb'ejpax sb'a eb' israel chi', ix och eb' smac sat eb', ix sb'oanq'ue scampamento eb' d'a slac'anil Eben-ezer.

Chuj San Sebastian Bible

¹ A 'a jun tiempoal cha, ata 'ix 'elt eb' israel scol sb'a 'a eb' filisteo, axta xc'och eb' sb'o chan̈ scamplamento 'a sla'nil jun lugar tzcuch Eben-ezer. Ax eb' filisteo cha, ata 'ay scamplamento eb' 'a jun lugar tzcuch Afec.

A Ch'an̈ B'ab'el Libro Samuel 4:1 Referans Kwoze

A Ch'an̈ B'ab'el Libro Samuel 29:1

Ayic mantzac b'at eb' soldado filisteo d'a Sunem, molanxoec' eb' d'a Afec, axo eb' israel ayec' eb' d'a sjaj a a' yic Jezreel.

A Ch'an̈ B'ab'el Libro Samuel 7:12

Ix lajvi chi', ix sayan jun q'uen q'ueen vin̈aj Samuel chi', ix yac'anem q'uen vin̈ d'a scal Mizpa yed' Sen. Eben-ezer ix yac' vin̈ sb'iej, ix yalan vin̈: Masanto ticnaic ix colvajn̈ej Jehová qued'oc, xchi vin̈.

A Ch'an̈ B'ab'el Libro Samuel 5:1

A d'a Eben-ezer ix yiq'uec' te' scaxail strato Dios eb' filisteo chi', ix c'och te' yuj eb' d'a Asdod.

A Ch'an̈ B'ab'el Libro Yic Yab'ixal Eb' Rey 20:30

Axo juntzan̈xo eb' soldado chi', ix b'at eb' elelal d'a chon̈ab' Afec. Axo smuroal jun chon̈ab' chi' ix cot lan̈naj d'a yib'an̈ eb', 27 mil eb' soldado ix el chi' ix chami. Ix pax lemnaj vin̈aj Ben-adad chi', ix c'och vin̈ d'a jun chon̈ab' chi', tzuli tz'ec' vin̈ sc'ub'ejel sb'a d'a yoltac pat.

A Ch'an̈ B'ab'el Libro Samuel 3:11

Ix yalan Jehová d'a vin̈ icha tic: —Ay jun tas ol in c'ulej d'a chon̈ab' Israel tic, ol te somchajchaan̈ eb' anima yab'ani.

Josué 13:4

scan d'a sur yed' masanil slum eb' cananeo, sb'atn̈ej d'a Mehara d'a yol yic Sidón, masanto sc'och d'a Afec, d'a smojonal yic eb' amorreo.

A Ch'an̈ B'ab'el Libro Samuel 4:2

Ix sb'oanoch sb'a eb' filisteo chi' d'a yichan̈ eb' israel chi' yuj yac'an oval eb'. Ix ac'ji ganar eb' israel yuj eb', ay am 4 miloc eb' ix chami.

Salmos 83:7

eb' aj Gebal, eb' aj Amón, eb' aj Amalec, eb' filisteo yed' eb' cajan d'a Tiro.

Dt 29:10

A ticnaic, tic val molan on̈ ec' d'a yichan̈ Jehová co Diosal. Masanil eb' yajal d'a eyin̈tilal, eb' yichamtac vinaquil chon̈ab', eb' ay yopisio yed' masanil eb' quetisraelal:

A Ch'an̈ B'ab'el Libro Samuel 10:19

Palta axo ticnaic tze patiquejel co Diosal ix on̈ ic'anelta b'aj ix on̈ ec' d'a syaelal yed' d'a cusc'olal chi'. Ix e patiquejcaneli, ix ex och ijan e c'anan junoc co reyal yuj yac'an yajalil d'a quib'an̈. Yuj chi' jun, tzex och d'a yichan̈ Jehová, d'a junjun in̈tilal yed' d'a junjun macan̈il tz'aj eyochi.

A Ch'an̈ B'ab'el Libro Yic Yab'ixal Eb' Rey 20:26

Ayic ix ec' jun ab'il chi', ix yac'an lista eb' soldado vin̈aj Ben-adad chi', ix javi eb' d'a chon̈ab' Afec yic syac'an oval eb' yed' eb' israel chi'.