A Ch'an̈ B'ab'el Libro Samuel 31:4 - Chuj San Mateo Bible

⁴ Ix yalan vin̈ d'a vin̈ ed'jinac syamc'ab': —Ic'q'ueta q'uen espada chi' tzin a tecanchamoc, yic vach' a juntzan̈ ch'oc chon̈ab'il tic, man̈ ol in sb'uch eb' ayic ol in smilancham eb', xchi vin̈aj Saúl chi'. Palta ix te xiv vin̈ ed'jinac syamc'ab' vin̈ chi', maj stac'laj vin̈ stecancham vin̈. Yuj chi' ix syumb'at n̈ojnaj sb'a vin̈ d'a yib'an̈ q'uen yespada, ix cham vin̈.

Chuj San Sebastian Bible

⁴ Yuj cha, 'ix yaln 'ixtc 'a win schecb' 'et'jnac syamc'ab' tzmacn sat jul-lab': —'Ij q'uet espada, tzin a tecn cham yet'oc, sec a jun tzo'n̈ chuc chon̈b'al tic, ma'oj tzaljoc eb' in smilni, xchi Saúl. Palta ax win 'et'jnac syamc'ab' cha, ma'ix syiclj tas xyala, yujto caw tzxiw winac. Yuj cha, xyi'n q'uet Saúl chi yespada, sjuln 'ejm lachn̈joc sb'a 'a yib'n̈ q'uen espada cha.

A Ch'an̈ B'ab'el Libro Samuel 31:4 Referans Kwoze

A Ch'an̈ Schab'l Libro Samuel 1:20

Man̈ eyal yab' eb' aj chon̈ab' Gat tas ix uji, man̈ eyalel d'a yoltac scalleal Ascalón, yic vach' max tzalaj eb' ix filistea, yic vach' max q'ue chennaj eb' ix ch'oc chon̈ab'il chi' yuj tzalajc'olal.

A Ch'an̈ Schab'l Libro Samuel 1:6

Ix tac'vi vin̈: —Q'uin̈ val ayinec' d'a vitzal Gilboa, ix vilani to toxon̈ej n̈ojanem vin̈aj Saúl chi' d'a yib'an̈ q'uen slanza. Tzac'anxo val sc'och eb' ajc'ol chi' d'a spatic vin̈ yed' scarruaje eb' yic oval yed' eb' ayq'ue d'a yib'an̈ chej.

Jueces 9:54

Elan̈chamel ix yal vin̈ d'a jun vin̈ scuchumal syamc'ab' yic oval: Ic'cot q'uen espada, milinchamoc, malaj in gana ol alchajoc to a junoc ix ix, ix in milani, xchi vin̈. Yuj chi' ix yic'cot q'uen yespada vin̈ chi', ix stecanoch q'uen vin̈ d'a vin̈aj Abimelec chi', ix cham vin̈.

A Ch'an̈ B'ab'el Libro Yic Yab'ixal Eb' Rey 16:27

A jantacto yab'ixal vin̈aj Omri yed' tas ix sc'ulej yed' tastac ix yac' ganar vin̈, tz'ib'ab'ilcan b'aj aycan yab'ixal eb' vin̈ sreyal Israel.

A Ch'an̈ Schab'l Libro Samuel 17:23

Ayic ix yilan vin̈aj Ahitofel chi' to maj ochlaj yopisio tas ix yal vin̈, ix yac'anoch stz'um schej vin̈, ix pax vin̈ d'a spat d'a schon̈ab' b'aj aljinac. Masanil tastac ay d'a vin̈, ix sb'ocan yumal vin̈. Ix lajvi chi' ix sd'un̈b'anq'ue sb'a vin̈, ix cham vin̈. Icha chi' ix aj scham vin̈aj Ahitofel chi', ix mucchaj vin̈ b'aj mucan smam.

A Ch'an̈ Schab'l Libro Samuel 1:14

—¿Tas yuj ix a tec'b'ej a b'a a milancham vin̈ sic'b'ilel yuj Jehová chi'? xchi vin̈aj David chi'.

A Ch'an̈ B'ab'el Libro Samuel 17:36

Yuj chi', taxon̈ej a junoc noc' choj, ma junoc noc' oso, schamn̈ej noc' vuuj. Icha chi' ol vutej jun vin̈ ch'oc chon̈ab'il chi'. ¿Tas yuj sb'uchvaj vin̈ d'a eb' soldado yic Dios Pitzan?

A Ch'an̈ B'ab'el Libro Samuel 17:26

Ix sc'anb'an vin̈aj David d'a eb' ayec' d'a stz'ey: —¿Tas tz'ac'ji d'a junoc mach tz'ac'an ganar smilancham vin̈ filisteo chi', yic syactej vin̈ on̈ sb'uchani? ¿Tas yaj jun vin̈ ch'oc chon̈ab'il chi', yuj chi' sb'uchvaj vin̈ d'a eb' soldado yic Dios Pitzan? xchi vin̈.

A Ch'an̈ B'ab'el Libro Samuel 14:6

Ix yalan vin̈aj Jonatán chi' d'a vin̈ ed'jinac syamc'ab' chi': —A ticnaic con̈ em d'a sat q'uen tic yic tzon̈ q'uec'och d'a scampamento eb' ch'oc chon̈ab'il chi'. Tope val ol colvaj Jehová qued'oc. Man̈ ajaltacoclaj scolvaj qued'oc tato syal sc'ool, vach'chom man̈ nivanoc co b'eyi, xchi vin̈.

Jueces 14:3

Ix tac'vi smam snun vin̈ chi', ix yalan eb' icha tic: —¿Tas yuj a d'a scal eb' ch'oc chon̈ab'il ol b'at a say ix etb'eyum? ¿Tom man̈xa junoc ix ix vach' ic'an d'a scal eb' ayto cuj co b'a yed'oc, mato d'a scal eb' quetchon̈ab' tic? xchi eb' d'a vin̈. Ix tac'vi vin̈ icha tic: —A val jun ix chi' in gana. A ix b'at e c'an vic'a', xchi vin̈.

1 Cr 10:4

Yuj chi' ix yal vin̈ d'a vin̈ ed'jinac syamc'ab' icha tic: Ic'q'ueta q'uen espada chi', tza tipanoch q'uen d'ayin, yic vach' man̈oc juntzan̈ ch'oc chon̈ab'il tic ol tzalaj in smilani, xchi vin̈. Palta a vin̈ ed'jinac syamc'ab' vin̈ chi', maj yal-laj sc'ol vin̈ ix sc'ulej icha ix yal vin̈ chi', yujto xiv vin̈. Yuj chi' a vin̈ ix ic'anq'ueta q'uen yespada, ix syumanb'at n̈ojnaj sb'a vin̈ d'a yib'an̈ sn̈i' q'ueen.

A Ch'an̈ B'ab'el Libro Samuel 31:5

Ayic ix yilan vin̈ ed'jinac syamc'ab' vin̈ chi' to toxo ix cham vin̈, ix smilanpaxcham sb'a vin̈ icha ix aj smilancham sb'a vin̈aj Saúl chi'.

A Ch'an̈ Schab'l Libro Samuel 21:12

ix schecan vin̈ b'at ic'joccot sb'aquil vin̈aj Saúl yed' yic vin̈ yuninal, aton vin̈aj Jonatán, d'a chon̈ab' Jabes d'a yol yic Galaad. Yujto a eb' aj Jabes chi' xid' ic'jinaccot d'a slac'anil mercado yic Bet-sán, b'aj locancanq'ue yuj eb' filisteo, ayic smiljicham eb' d'a oval d'a Gilboa.

A Ch'an̈ B'ab'el Libro Yic Yab'ixal Eb' Rey 16:18

Axo ix yilan vin̈aj Zimri chi' to van yac'ji ganar jun chon̈ab' chi', ix och vin̈ d'a yol scuartel d'a yol spalacio, ix yac'anoch sc'ac'al vin̈. Icha chi' ix aj scham vin̈.

A Ch'an̈ B'ab'el Libro Samuel 26:10

A in tic svac' in ti' d'a Dios to aocab' ol ic'anel sq'uinal vin̈ ayic ol c'och stiempoal scham vin̈, mato d'a scal oval ol cham vin̈.

A Ch'an̈ Schab'l Libro Samuel 1:1

Ayic ix ac'ji ganar eb' amalecita yuj vin̈aj David, ix meltzaj vin̈ d'a Siclag. Axo d'a schab'jial sc'ochxi vin̈ ta', ix c'och jun vin̈ quelem spetoj d'a scampamento vin̈aj Saúl, toxo ix sn̈ic'chitejb'at spichul vin̈ ayochi, aypaxq'ue lum luum d'a scal xil sjolom vin̈, yic sch'oxanel vin̈ to ay scusc'olal vin̈. Axo ix c'och vin̈ d'a yichan̈ vin̈aj David chi', ix em n̈ojan vin̈.