A Ch'an̈ B'ab'el Libro Samuel 30:7 - Chuj San Mateo Bible

⁷ Ix lajvi chi', ix yalan vin̈ d'a vin̈aj sacerdote Abiatar yuninal vin̈aj Ahimelec: —Ac' pavor, ic'cot c'apac chaleca d'ayin, xchi vin̈. Ix yic'ancot c'apac vin̈aj Abiatar chi'.

Chuj San Sebastian Bible

⁷ 'Ix yaln 'ixtc 'a win ya'mal 'och sti eb' 'anma 'a Dios, atn Abiatar yunnal Ahimelec: —Tzin tew wal 'ayach, 'ij cot te camx chaleco 'ayin, xchi 'a 'a. 'Ix yi'n cot Abiatar te 'a David cha.

A Ch'an̈ B'ab'el Libro Samuel 30:7 Referans Kwoze

A Ch'an̈ B'ab'el Libro Yic Yab'ixal Eb' Rey 2:26

Ix yalanpax vin̈ rey chi' d'a vin̈aj sacerdote Abiatar: A ticnaic sval d'ayach to tzach b'at d'a a chon̈ab' Anatot. Smoj val tzach chami, palta man̈ ol ach in milchamlaj yujto a ach ec'nac ach yilumaloc te' scaxail strato Jehová d'a stiempoal vin̈ in mam. A jun ach pax ab'nac syail d'a masanil b'aj yab'nac syail vin̈ in mam chi', xchi vin̈aj Salomón chi'.

Mr 2:26

Xid'nac ec' vin̈ d'a scajnub' Dios ayic ayoch vin̈aj Abiatar sat sacerdoteal. Ata' svanac juntzan̈ ixim pan vin̈ yic Dios yaji, yac'anpax ixim vin̈ d'a eb' ajun yed'oc. A juntzan̈ ixim pan chi', an̈ej eb' sacerdote ay yalan yic svaan ixim. Palta a jun sc'ulejnac eb' chi', man̈ muloclaj d'a sat Dios.

A Ch'an̈ B'ab'el Libro Samuel 14:18

A d'a jun tiempoal chi' ayec' te' scaxail strato Jehová d'a scal eb' israel, yuj chi' ix yal vin̈aj Saúl chi' d'a vin̈aj Ahías: —Ic'cot te' scaxail strato Jehová yic sco c'anb'ej d'ay, xchi vin̈.

Ex 28:6

A jun chaleca chi', a an̈ lino b'ayb'il sb'ochaj yuj junoc jelan sch'alvi, tz'och oro icha ch'al d'a scal yed' lana ch'al q'uic'mutz'inac, yaxmaquinac yed' chacchac.

A Ch'an̈ B'ab'el Libro Samuel 10:22

Yuj chi', ix sc'anb'an eb' d'a Jehová tato ayec' vin̈ ta'. Ix yalani to ayec' vin̈, to ix sc'ub'ejel sb'a vin̈ d'a scal juntzan̈ spa eb'.

A Ch'an̈ B'ab'el Libro Samuel 14:19

Yacb'an van slolon vin̈ yed' vin̈ sacerdote chi', ix te vach' somchajq'ue eb' filisteo chi', yuj chi' ix yal vin̈ d'a vin̈ sacerdote chi': —Actej, man̈xo ol co c'anb'ej d'a Jehová chi', xchi vin̈.