A Ch'an̈ B'ab'el Libro Samuel 29:6 - Chuj San Mateo Bible

⁶ Yuj chi' ix avtajcot vin̈aj David chi' yuj vin̈aj Aquis chi', ix yalan vin̈: —Syil Jehová to te vach' a pensar. Ix scha val in c'ool a b'eyb'al ayic ach ec'n̈ej ved'oc. Malaj jab'oc a paltail ix vila' yictax ach javi d'a tic, masanto ticnaic. Palta a eb' vetyajalil tic, max schalaj sc'ol eb' tzach b'at qued' d'a oval.

Chuj San Sebastian Bible

⁶ 'Ix yawtn cot win Aquis win David, 'ix yaln win 'a 'ixtic: —Tzyil Jehová to caw wal wach' a nab'en. Caw 'ix chaj in c'ojl a b'eyb'al, yic tzach 'ec' wet' 'a owal. May jac a paltail x'ilchj wu'uj, yic ach jaw 'ayin masnto ticnec. Ax eb' wit yajlil matz chaj sc'ojl eb' tzach 'at quet' 'a owl on̈,

A Ch'an̈ B'ab'el Libro Samuel 29:6 Referans Kwoze

A Ch'an̈ Schab'il Libro Yic Yab'ixal Eb' Rey 19:27

Vojtac masanil tas tza c'ulej yed' tas nab'il uuj tzach eq'ui. Vojtacpaxi to te aycot oval d'ayin.

A Ch'an̈ Schab'l Libro Samuel 3:25

Mamin rey ¿tom man̈ ojtacoc to a vin̈aj Abner chi' ton̈ej tzul smusej a sat vin̈ yic syil vin̈ tas tza c'ulej yed' tas aji? xchi vin̈.

Salmos 121:8

A' ol ach tan̈vanoc ayic tzach b'ati yed' pax ayic tzach jaxi, ticnaic yed' d'a masanil tiempo.

A Ch'an̈ B'ab'el Libro Samuel 20:3

Ix och ijan vin̈aj David chi' yalani: —Yojtac vin̈ a mam chi' to te vach' cac'ani, yuj chi' max yal-laj vin̈ d'ayach, max yal-laj sc'ol vin̈ tzojtaquejeli, yic max ach cusi. Palta yojtacxo Jehová to ayxo och chamel d'a vib'an̈, xchi vin̈.

A Sb'ab'el Carta San Pedro 3:16

yujto ayoch co pensar d'a Cristo chi'. Vach' scutej co b'eyb'al yic vach' malaj tas syal jun tz'ac'an cojtaquejeli tas vach' yed' tas chuc, yic vach' a eb' tzon̈ b'uchan yuj co vach' b'eyb'al yujto creyente on̈, ol q'uixvoc eb'.

A Sb'ab'el Carta San Pedro 2:12

Vach'n̈ejocab' tzeyutej e b'eyb'al yil eb' manto ojtannacoc Dios. Yuj chi', vach'chom syal eb' ticnaic to te chuc ex. Palta tato syil eb' to vach' e b'eyb'al, ol yal vach' lolonel eb' d'a Dios ayic ol javoc sc'ual sch'olb'itan tas caj co masanil.

Mt 5:16

Icha yaj jun candil chi', icha chi' eyaji. Ch'oxequel saquilq'uinal d'a eb' anima, syalelc'ochi, aton e vach' b'eyb'al tze ch'ox yil eb', yuj chi' ol yal vach' lolonel eb' d'a co Mam Dios ayec' d'a satchaan̈.

Jeremías 12:16

A juntzan̈ chon̈ab' chi' ix c'ayb'an in chon̈ab' yac'an sti' d'a sb'i Baal. Axo ol ajoc, tato ol sc'anab'ajej sc'ayb'ub'al in chon̈ab' tic eb', ol slocan in b'i eb' d'a tas syala', tato icha chi' ol yal yaj eb' d'a scal eb' in chon̈ab' tic.

Is 65:16

Yaln̈ej mach d'a jun chon̈ab' tic sc'an vach'ilal d'a yib'an̈, a d'ayin ol sc'ana', a in Dios in svaq'uelc'och tas svala'. Yaln̈ej mach syac' sti' d'a junoc tasi, a in b'i ol yac' b'inajoc. A d'a jun tiempoal chi', jantac yaelal toxo ix ec'b'ati, ol b'atcan satc'olal, man̈xo ol in nacoti.

Is 37:28

Vojtacn̈ej b'ajtac tzach eq'ui yed' tastac tza c'ulej. Vojtac to ix cot val oval d'ayin.

A Ch'an̈ B'ab'el Libro Samuel 29:3

A eb' vin̈ yajalil eb' soldado filisteo chi', ix sc'anb'ej eb' d'a vin̈aj Aquis chi': —¿Tas yaj juntzan̈ eb' hebreo ayec' d'a co cal tic? xchi eb' vin̈. Ix tac'vi vin̈ d'a eb' vin̈: —Aton vin̈aj David tic schecab' vin̈aj Saúl, sreyal eb' israel. Palta ayxo yajec' vin̈ ved'oc. Atax yic sjavinac vin̈, malaj jab'oc spaltail vin̈ svila', xchi vin̈.

A Ch'an̈ B'ab'el Libro Samuel 28:10

Ix yac'an sti' vin̈aj Saúl chi': —Svac' in ti' d'a yichan̈ Jehová to malaj tas ol ach ic'anoc, xchi vin̈.

Josué 22:30

Ayic ix yab'an vin̈aj sacerdote Finees yed' eb' yajalil chon̈ab', aton eb' yajal yaj d'a junjun in̈tilal, tas ix yal eb' yin̈tilal Rubén, eb' yic Gad yed' nan̈alxo eb' yin̈tilal Manasés, vach' ix yab' eb'.

Dt 10:20

An̈ejocab' Jehová co Diosal nivan yelc'och d'a yol co sat. An̈ej d'ay tzon̈ och ejmelal, sco c'anab'ajann̈ej. Tato ay b'aj scac' co ti' d'a junoc tasi, an̈ejocab' d'a sb'i Jehová chi' scala'.

Nm 27:17

yic scuchb'ejb'at eb' yic sb'atn̈ej eb', yic max satec' eb' icha noc' calnel malaj stan̈vumal, xchi vin̈.

Gn 16:6

Ix tac'vi vin̈aj Abram chi' icha tic: —A ix a criada tic, yol a c'ab' ayoch ix. A ach tza na' tas tzutej ix, xchi vin̈ d'a ix. Yuj chi' ix och ix Sarai ajc'olal d'a ix masanto ix elta ix.

A Ch'an̈ B'ab'el Libro Samuel 5:8

Yuj chi' ix laj yalb'at eb' d'a eb' yajalil eb' filisteo chi' to smolb'ej sb'a eb' sloloni. Ix yalan eb': —¿Tas scutej te' scaxail strato sDiosal eb' israel tic? xchi eb'. —Iq'uecb'at te', b'at eyac'ancan te' d'a chon̈ab' Gat, xchi eb'. Yuj chi' ix yic'b'at te' eb'.

A Ch'an̈ B'ab'el Libro Samuel 29:7

Yuj chi', meltzajan̈ d'a tzalajc'olal, yic vach' man̈ chucoc syab' eb' uuj, xchi vin̈.