A Ch'an̈ B'ab'el Libro Samuel 29:4 - Chuj San Mateo Bible

⁴ Palta ix cot yoval eb' vin̈ yajal chi' d'a vin̈ rey chi', ix yalan eb' vin̈: —Al d'a eb' to smelzajcan eb' d'a schon̈ab' ix ac' chi', max b'atlaj eb' qued'oc d'a oval, axo talaj tz'aji a d'ayon̈ smeltzajoch eb' ajc'olal d'a scal oval chi'. Q'uinaloc sna vin̈aj David tic scanxi vach'il d'a vin̈aj Saúl, smilancham eb' co soldado tic vin̈.

Chuj San Sebastian Bible

⁴ Yuj cha, xcot yowl eb' syajlil eb' filisteo 'a win Aquis cha, 'ix yaln eb' 'a win 'ixtic: —Al 'a eb', to tzmeltzj can pax eb' 'a schon̈b' chi xac' cha, matz 'at eb' quet'ec 'a owal; ax 'oj 'ajoc 'oj meltzjc 'och eb' 'ajc'ojlal 'ayn̈ 'a scal owl cha. Toto tznib'j David wach' tzcanx 'a sat win Saúl cha, smil cab' cham jaywn̈oc qui soldado tic.

A Ch'an̈ B'ab'el Libro Samuel 29:4 Referans Kwoze

A Ch'an̈ B'ab'el Libro Samuel 14:21

Ay juntzan̈ eb' israel ayxo tiempo yajec' yed' eb' filisteo chi', ayic ix yilan eb' tas van yuji chi', ix och eb' yed' vin̈aj Saúl yed' vin̈aj Jonatán chi'.

1 Cr 12:19

Ay pax juntzan̈xo eb' vin̈ soldado yin̈tilal Manasés, ix och eb' vin̈ yed' vin̈aj David chi' ayic ix b'at vin̈ yed' eb' vin̈ filisteo yac' oval yed' vin̈aj Saúl yalani. Axo ix smolb'an sb'a eb' vin̈ yajalil eb' filisteo chi', ix yalan eb' vin̈ to max yal-laj sb'at vin̈aj David chi' yed' eb' vin̈, yuj chi' ix schec meltzaj vin̈ eb' vin̈ d'a Siclag. Yujto ix yal eb' vin̈ icha tic: Axo talaj tz'aji, a yed' vin̈aj Saúl syac'och sb'a vin̈, yujto yajal vin̈aj Saúl chi' vin̈, a on̈ xo tzon̈ smilcham vin̈ d'a scal oval chi', xchi eb' vin̈.

Lc 16:8

Ix yalan vin̈ patrón chi' to te jelan ix yutej sb'a jun vin̈ mayordomo chi' d'a elc'al. Yujto a eb' ay d'a yolyib'an̈q'uinal tic, te jelan syutej sb'a eb' d'a yichan̈ eb' ayoch saquilq'uinal Dios d'ay.

A Ch'an̈ B'ab'el Libro Samuel 27:6

A d'a jun c'u chi', ix yac' chon̈ab' Siclag vin̈aj Aquis chi' d'a vin̈. Yuj chi' a chon̈ab' Siclag chi' ix cann̈ej d'a yol yic eb' vin̈ sreyal Judá.

A Ch'an̈ B'ab'el Libro Samuel 29:9

Ix tac'vi vin̈aj Aquis chi', ix yalan vin̈: —Vojtac val to te vach' ach, lajan ach icha junoc yángel Dios, palta a eb' vetyajalil tic, toxo ix yal eb' to max yal och d'a co cal d'a oval.

A Ch'an̈ B'ab'el Libro Samuel 30:1

Axo d'a schab'jial chi', ix c'ochxi vin̈aj David chi' yed' eb' soldado d'a Siclag. Axo ix yilan eb' toxo ix elc'ajb'at masanil tastac ay d'a yol yic Neguev yed' d'a Siclag yuj eb' amalecita. Ix sn̈uscantz'a chon̈ab' Siclag chi' eb'.

Ex 1:10

A ticnaic yovalil sco na' tas tz'aj eb', yic vach' man̈ ol te q'uib' sb'isul eb', yujto talaj ay b'aq'uin̈ ay mach scot ul yac' oval d'ayon̈, syac'anoch sb'a eb' yed' eb' cajc'ol chi', axo eb' vin̈ smolan sb'a yac'an oval chi' qued'oc. Tzam elcan eb' libre d'a tic, xchi vin̈ rey chi'.

1 Cr 12:20

Ayic van sjaxcan vin̈aj David d'a Siclag chi', ata' ix c'och eb' vin̈ yin̈tilal Manasés chi' yic syac'och sb'a eb' yed' vin̈, aton eb' vin̈ tic: Vin̈aj Adnas, vin̈aj Jozabad, vin̈aj Jediaiel, vin̈aj Micael, vin̈aj Jozabad, vin̈aj Eliú yed' vin̈aj Ziletai. Yajal yaj eb' vin̈ d'a junjun mil soldado d'a scal eb' yin̈tilal Manasés chi'.