A Ch'an̈ B'ab'el Libro Samuel 28:3 - Chuj San Mateo Bible

³ A d'a jun tiempoal chi', chamnacxo vin̈aj Samuel, masanil eb' israel oc'nac yuj vin̈. A d'a Ramá schon̈ab' vin̈, ata' mucb'il vin̈. Axo vin̈aj Saúl spechnaquel eb' ajchum vin̈ yed' eb' tz'avtan spixan eb' chamnac d'a scal chon̈ab' Israel chi'.

Chuj San Sebastian Bible

³ A yic scham Samuel, smasnil eb' israel 'o'n̈c eb' yu'uj, smucn eb' 'a schon̈ab' atn 'a Ramá. Ax Saúl yajn̈ej spechn 'el eb' cob' jeln snan 'el junc paxti', yet' eb' tzcob' yal to tzc'umj spixn eb' chamnc 'anma 'a scal chon̈b' Israel.

A Ch'an̈ B'ab'el Libro Samuel 28:3 Referans Kwoze

A Ch'an̈ B'ab'el Libro Samuel 25:1

Ix cham vin̈aj Samuel, ix smolb'an sb'a masanil eb' israel. Ix te' oc' eb' yuj schamel vin̈ chi'. A d'a schon̈ab' vin̈ d'a Ramá ix mucchaji. Ix lajvi chi', ix b'atcan vin̈aj David d'a tz'inan luum d'a yol yic Parán.

Lv 20:27

Tato ay junoc vin̈ vinac ma junoc ix ix d'a e cal sc'uman spixan eb' chamnac yalani, yovalil sjulq'uenajchamoc. A val tz'ic'ancot schamel chi' d'a yib'an̈, xchi Jehová, xa chi, xchi d'a vin̈aj Moisés chi'.

Lv 19:31

Man̈ ex b'at e c'anb'ej e b'a d'a eb' ajchum, ma d'a eb' sc'uman spixan eb' chamnac yalani, yic vach' max eyixtejb'at e b'a. A in Jehová e Diosal in svala'.

Ex 22:18

Masanil eb' ajb'aal, yovalil scham eb'.

A Ch'an̈ B'ab'el Libro Samuel 28:9

Ix tac'vi ix d'a vin̈: —Ojtac tas ix utaj eb' ajchum yuj vin̈aj Saúl yed' eb' sc'uman spixan eb' chamnac, ix pechjiel eb' d'a yol chon̈ab' tic yuj vin̈. ¿Tas yuj tza say tas tz'aji yic tzin miljichamoc? xchi ix.

A Ch'an̈ B'ab'el Libro Samuel 15:23

Tato sco pitej co b'a d'a Jehová, lajan co mul icha smul eb' naumel lolonel. Tato squic'chaan̈ co b'a, max co c'anab'ajej tas syala', lajan val co mul icha smul eb' tz'em cuman d'a comon dios. Yujto ix a patiquejel tas ix yal Jehová, yuj chi' ol ach spatiquejpaxel yed' a reyal tic, xchi vin̈.

A Ch'an̈ B'ab'el Libro Samuel 7:17

Slajvi chi', smeltzaj vin̈ d'a Ramá, b'aj cajantaxoni. Ata' sch'olb'itejpax eb' yetchon̈ab' vin̈. Ix sb'oanq'ue jun altar yic Jehová vin̈ ta'.

Lv 20:6

Tato ay mach sb'at sc'anb'ej sb'a d'a eb' ajb'aal, ma d'a eb' sc'uman spixan eb' chamnac yalani, sc'anab'ajan tas syal eb' chi', ol vac' yovalil d'a jun anima chi', ol in satel d'a scal yetchon̈ab'.

Ex 22:17

Tato max yal sc'ol smam ix to syic' jun vin̈ chi' ix, palta yovalil syac' q'uen tumin vin̈ d'a smam ix ix chi', ichataxon sb'eyb'al eb' anima a smojc'aj eb' ix cob'estac.