A Ch'an̈ B'ab'el Libro Samuel 26:8 - Chuj San Mateo Bible

⁸ Ix yalan vin̈aj Abisai chi' d'a vin̈aj David chi': —A val ticnaic toxo ix yac'och jun vin̈ ajc'ool tic Dios d'a yol a c'ab'. Ac' in permiso tzin milcham vin̈. A q'uen slanza vin̈ tic tzin tipem d'a sc'ool masanto tz'emc'och q'uen d'a yol luum, junn̈ej svac' d'a vin̈, scham vin̈ d'a juneln̈ej, xchi vin̈.

Chuj San Sebastian Bible

⁸ Xlajw cha, 'ix yaln win Abisai 'ixtc 'a David: —A ticnec tox 'ix ya'ch Dios jun 'ajc'ojl tic 'a yol a c'ab'. 'Ac' in permiso yic tzin miln chamoc. A slanza tic tzin tec 'ejm 'a sc'ojol, masnto tzc'axw 'ejm 'a yol lu'um. Junn̈j tzwac' 'a 'a, ax schami, xchi Abisai.

A Ch'an̈ B'ab'el Libro Samuel 26:8 Referans Kwoze

A Ch'an̈ B'ab'el Libro Samuel 24:4

Yuj chi' ix yal eb' vin̈ ajun yed' vin̈aj David chi': —A ticnaic ix elc'och tas ix yal Jehová to syac'och vin̈ ajc'ool d'a yol a c'ab'. A ach tza na'a tas tzutej, xchi eb' vin̈ d'a vin̈. Ix q'ue vaan vin̈, te c'ojanc'olal ix cot vin̈, ix spolanel jab' sti' sjucan pichul vin̈aj Saúl chi' vin̈.

A Ch'an̈ B'ab'el Libro Samuel 26:23

A Jehová tz'ac'an spac d'ayon̈ junjun on̈ ato syala' tato tojol scutej co b'a icha d'a smojal. Vach'chom a ticnaic, ix ach yac'och d'a yol in c'ab', palta malaj in gana ix vac'och in c'ab' d'ayach, yujto a Jehová ach sic'anoch reyal.

A Ch'an̈ B'ab'el Libro Samuel 23:14

Yuj chi' ix aj vin̈aj David chi' d'a juntzan̈ q'uen n̈aq'ueen d'a siquil luum d'a yol yic Zif. Vach'chom ix saychajec' vin̈ yuj vin̈aj Saúl chi' d'a junjun c'u, palta maj ac'jilaj vin̈ yuj Dios d'a yol sc'ab' vin̈.

Jueces 1:4

Icha chi' ix aj yac'an oval eb' yed' eb' cananeo yed' pax eb' ferezeo, axo Jehová ix ac'anoch eb' d'a yol sc'ab' eb'. A d'a Bezec ix ac'ji ganar 10 mil eb' cananeo yuj eb'. Ajun pax vin̈ sreyal Bezec chi' d'a scal eb'.

Josué 21:44

Ix eln̈ejc'och b'aj yac'nac sti' Jehová chi', ix can eb' ta' d'a junc'olal d'a masanil jun luum chi'. Majxo yal-laj stec'b'an sb'a eb' ajc'ol d'a yichan̈ eb', yujto a Jehová ix ac'anoch eb' d'a yol sc'ab' eb' israel.

Dt 32:30

¿Tas yuj ix el lemnaj mil eb' israel d'a junoc eb' yajc'ool? ¿Tas yuj lajun̈e' mil eb' ix el lemnaj d'a chavan̈oc eb'? A eb' ajc'ol chi' malaj jab'oc tas syal yuj eb', palta a in Jehová in Scolumal in eb' israel chi', ix vac'och eb' d'a yol sc'ab' eb', xchi Jehová.

Ro 11:32

A d'a yichan̈ Dios, max co c'anab'ajejlaj co masanil a on̈ anima on̈ tic. Icha chi' ix on̈ yutej, yic vach' jun lajann̈ej tz'aj yoc' sc'ol d'ayon̈ co masanil.

Nahúm 1:9

Ex aj Nínive, ¿toc val ay yelc'och jab'oc tas tze na d'a spatic Jehová? A' ol ex satanel d'a juneln̈ej. Malaj mach syal stec'b'an sb'a chaeloc d'a yichan̈.

Salmos 31:8

Maj in ac'canoch d'a yol sc'ab' eb' vajc'ool. Te levan b'aj ix in can uuj.

A Ch'an̈ B'ab'el Libro Samuel 26:7

A d'a jun ac'val chi', ix b'at vin̈aj David yed' vin̈aj Abisai chi' d'a campamento chi'. A vin̈aj Saúl chi' chamnac el vin̈ svayi. A d'a sjolomtac vin̈, ata' tipancanem q'uen slanza vin̈ d'a yol luum. Axo pax vin̈aj Abner yed' masanil eb' soldado, vaynac eb' d'a stz'eytac vin̈.

A Ch'an̈ B'ab'el Libro Samuel 26:9

Palta ix tac'vi vin̈aj David chi', ix yalan vin̈: —Man̈ a milcham vin̈, yujto yaln̈ej mach smilancham vin̈ rey sic'b'ilel yuj Jehová, yovalil sjavi yaelal d'a yib'an̈.

A Ch'an̈ Schab'l Libro Samuel 16:9

Ix yalan vin̈aj Abisai yune' ix Sarvia d'a vin̈aj rey David chi' icha tic: —Mamin rey, ¿tas yuj sb'ajvajcot jun vin̈ icha noc' chamnac tz'i' tic d'ayach? Cha in b'ati, b'at in xiquel sjolom vin̈, xchi vin̈.

Jeremías 40:15

Yuj chi' d'a c'ub'eltac ix yal vin̈aj Johanán d'a vin̈aj Gedalías chi': —Cha in b'ati yic b'at in milcham vin̈aj Ismael chi'. Malaj junoc mach ol ojtacaneloc mach ix milancham vin̈. ¿Tas yuj ol ach co cha smilcham vin̈? Tato ol ach cham yuj vin̈, ol saclemcanb'at masanil eb' ayxoec' tic ed'oc, axom somchajb'at eb' toxo ix can d'a Judá tic junelxo, xchi vin̈.

A Ch'an̈ B'ab'el Libro Samuel 24:5

Ix lajvi yutan vin̈ icha chi', ix cuspaxq'ue sc'ool vin̈.