A Ch'an̈ B'ab'el Libro Samuel 25:23 - Chuj San Mateo Bible

²³ Ayic ix yilanb'at vin̈aj David ix Abigail chi', ix emta ix d'a yib'an̈ noc' b'uru chi', ix em n̈ojan ix d'a sat luum.

Chuj San Sebastian Bible

²³ Palta ax yic schan sb'a 'ix Abigail yet' David cha, 'ix 'emt 'ix 'a yib'n̈ no b'uru, 'ix 'em n̈ojn 'ix, masnto squil 'ejm 'ix snan̈l sat 'a sat lu'um, yuj sch'oxn 'eli, to niwn yel'ch David chi 'a 'ix.

A Ch'an̈ B'ab'el Libro Samuel 25:23 Referans Kwoze

A Ch'an̈ B'ab'el Libro Samuel 20:41

Ixn̈ej b'atcan vin̈ quelem chi', ix elcancot vin̈aj David d'a spatic q'uen q'ueen. Ixn̈ej elta vin̈ chi', oxel ix em n̈ojan vin̈ d'a yichan̈ vin̈aj Jonatán chi'. Ix lajvi chi' ix stz'ub'lanelta sti' eb' vin̈, ix oc' eb' vin̈ schavan̈il, ix sic'sic'an val vin̈aj David chi' yoq'ui.

Jueces 1:14

Axo yic ix lajvi yic'lan sb'a eb' chi', ix yalan vin̈aj Otoniel chi' d'a ix Acsa chi' to sc'an sluum ix d'a vin̈ smam chi'. Yuj chi' ix emta ix d'a yib'an̈ noc' b'uru, ix sc'anb'an vin̈ smam ix chi' d'ay icha tic: —¿Tas tza nib'ej? xchi vin̈ d'a ix.

Josué 15:18

Axo yic ix lajvi yic'lan sb'a eb' chi', ix yalan vin̈aj Otoniel chi' d'a ix Acsa chi' to sc'an slum ix d'a vin̈ smam chi'. Yuj chi' ayic ix emta ix d'a yib'an̈ noc' b'uru, ix sc'anb'an vin̈ smam ix chi' d'ay icha tic: —¿Tas tza nib'ej? xchi vin̈ d'a ix.

A Ch'an̈ B'ab'el Libro Samuel 24:8

Ix lajvi chi', ix elta vin̈aj David chi' d'a spatic vin̈, ix avajb'at vin̈: —Mamin rey, xchib'at vin̈. Axo ix meltzajb'at q'uelan vin̈aj Saúl chi' d'a spatic, ix em n̈ojnaj vin̈aj David chi', ix yalan vin̈:

Rt 2:10

Ayic ix yab'an ix icha chi', ix em n̈ojan ix d'a sat luum, ix yalan ix d'a vin̈ icha tic: —¿Tas yuj te vach' tzutej a c'ool d'ayin, ina to a in tic ch'oc chon̈ab'il in? xchi ix.

A Ch'an̈ B'ab'el Libro Samuel 25:24

Elan̈chamel ix em n̈ojnaj ix d'a yichan̈ vin̈, ix yalan ix: —A chucal ix sc'ulej vin̈ vetb'eyum, cotocab' d'a vib'an̈. Tzin tevi d'ayach to tzin a cha lolon jab'oc, tzab'an tas ol vala'.

A Ch'an̈ B'ab'el Libro Samuel 25:41

Ix em n̈ojan ix, ix yalan ix: —A in tic schecab' in vin̈, te b'ecan in c'ol in b'ican yoc eb' schecab' vin̈, tato icha chi' syal vin̈ d'ayin, xchi ix.

A Ch'an̈ Schab'l Libro Samuel 14:4

Ix b'at ix d'a yichan̈ vin̈ rey chi', ix em n̈ojan ix d'a sat luum yuj sch'oxanel yemnaquilal ix d'a vin̈, ix yalan ix: —Mamin rey, colvajan̈ ved'oc, xchi ix.

A Ch'an̈ Schab'l Libro Samuel 18:28

Axo yic ix javi vin̈aj Ahimaas chi' d'a yichan̈ vin̈ rey chi', ix em n̈ojan vin̈, ix yac'an stzatzil sc'ol vin̈ rey chi' vin̈, ix yalan vin̈ icha tic: —Mamin rey, aljocab' vach' lolonel d'a Jehová co Diosal, yujto a eb' ix meltzajoch ajc'olal d'ayach, toxo ix satjiel eb' yuj Jehová, xchi vin̈.

1 Cr 21:21

Ayic ix yilan vin̈aj Ornán chi' to van sc'och vin̈ rey d'a slac'anil, ix elta vin̈ b'aj van stec'vi trigo chi', ix em n̈ojan vin̈ d'a yichan̈ vin̈ rey chi'.