A Ch'an̈ B'ab'el Libro Samuel 25:13 - Chuj San Mateo Bible

¹³ Yuj chi' ix yal vin̈aj David chi' d'a masanil eb' vin̈ ajun yed'oc: —E masanil, iq'uec q'uen eyespada, xchi vin̈. Masanil eb' vin̈ svinac vin̈ chi', ix yac'och yespada eb' vin̈ d'a snan̈al, icha ix yutej yic vin̈ chi'. Chan̈e' ciento eb' vin̈ vinac chi' ix b'at yed' vin̈, axo chab' cientoxo eb' vin̈ jun, ix can eb' vin̈ stan̈vej sc'ael eb' vin̈.

Chuj San Sebastian Bible

¹³ Yuj cha, 'ix yaln David 'ixtc 'a eb' winc ajun yet'oc: 'Ijc eyespada e masnil, xchi. Yuj cha, xya'n 'och ewin yespada 'a snan̈l smasnil, 'ix ya'n 'och pax David yico'. Chan̈e ciente eb' x'och tza'n yu'uj. Ax chab' ciente eb' xcancn stan̈wc syamc'ab' eb'.

A Ch'an̈ B'ab'el Libro Samuel 25:13 Referans Kwoze

A Ch'an̈ B'ab'el Libro Samuel 23:13

Yuj chi' ix el vin̈aj David yed' eb' soldado chi', ay am junoc 600 eb'. Ch'occh'oc b'aj ayec' eb' d'a juntac el. Ayic ix c'ochxi yab'ixal d'a vin̈aj Saúl chi' to toxo ix el eb' d'a chon̈ab' Keila chi', majxo b'atlaj vin̈ ta'.

Pr 25:8

A tas tzeyila', man̈ eyic'b'at d'a yichan̈ eb' juez d'a elan̈chamel, talaj ay junocxo ol c'ochoc ol yalan tas yaji, axo ol ajoc, toxon̈ej ol ex te q'uixvoc.

Pr 19:11

A eb' syamanoch vaan yoval sc'ool, ay spensar eb', sb'inaj eb' d'a vach'il tato ton̈ej smaq'uec' eb' yuj tas tz'utaji.

Pr 19:2

Man̈ vach'oc tato d'a smasanil co c'ol sco comon b'oej junoc tas man̈ cojtacoc. A tas sco c'ulej d'a elan̈chamel ay b'aj man̈ vach'oc tz'ajelc'ochi.

Pr 14:29

Tato ay co nivanc'olal, syalelc'ochi to ay co pensar, tato c'un scot coval jun, syalelc'ochi to malaj co pensar.

Josué 9:14

Ix schaanec' svael eb' chi' eb' yajalil israel yic sch'oxanel eb' to sb'o junoc strato eb', palta mantalaj tas sc'anb'ej eb' d'a Jehová yuj jun strato eb' sb'o chi'. Ix och vin̈aj Josué chi' junc'olal yed' eb', yic max satjiel-laj eb' yuj vin̈. Icha pax chi' eb' yajalil eb' israel chi', ix yac' sti' eb' d'a yichan̈ Jehová.

Pr 16:32

Yelxo te vach' tato nivan scutej co c'ool d'a yichan̈ pax to ste tec'ton quip. Yelxo te vach' tato sco yamoch vaan yoval co c'ool d'a yichan̈ b'aj scan junoc chon̈ab'il anima d'a yalan̈ co mandar.

A Ch'an̈ B'ab'el Libro Samuel 22:2

Ix c'ochpax eb' tz'ixtaxi, masanil eb' ay sb'oc yed' eb' ay schab'c'olal. A vin̈aj David chi' ix och yajaliloc eb'. Ay am junoc 400 eb' vin̈ vinac d'a smasanil.

A Ch'an̈ B'ab'el Libro Samuel 25:12

Icha chi' ix aj smeltzajxi eb' vin̈ schecab' vin̈aj David chi'. Ayic ix c'och eb' vin̈ d'a vin̈, ix yalan eb' vin̈ masanil tas ix yal vin̈aj Nabal chi'.

A Ch'an̈ B'ab'el Libro Samuel 27:2

Yuj chi' ix b'at vin̈ yed' vaque' ciento eb' vin̈ vinac ajun yed'oc, yic b'at yac'och sb'a eb' vin̈ schecab'oc vin̈aj Aquis sreyal Gat yuninal vin̈aj Maoc.

A Ch'an̈ Schab'l Libro Samuel 15:18

Masanil eb' yetyajalil vin̈, ix c'och eb' d'a stz'ey vin̈. Axo pax eb' soldado stan̈van vin̈, aton eb' cereteo yed' eb' peleteo, d'a stzolal ix b'at eb' d'a yichan̈ vin̈ yed' vaque' ciento eb' soldado cotnac yed' vin̈ d'a Gat.

Pr 20:22

Malajocab' b'aq'uin̈ scala': Ol co pac co b'a, mocab' xco chioc. An̈ej to scac'och Jehová d'a co c'ool, yic A' ol on̈ colanoc.