A Ch'an̈ B'ab'el Libro Samuel 23:19 - Chuj San Mateo Bible

¹⁹ Axo eb' cajan d'a Zif chi' ix b'at alan d'a vin̈aj Saúl d'a Gabaa, ix yalan eb': —A vin̈aj David, ayec' vin̈ sc'ub'ejel sb'a d'a yol co macb'en, d'a juntzan̈ q'uen n̈aq'ueen d'a svitzal Haquila, d'a Hores, d'a stojolal sur d'a chon̈ab' Jesimón.

Chuj San Sebastian Bible

¹⁹ Ax eb' cajn 'a Zif, 'ix 'at eb' paxtinc yet' Saúl 'a Gabaa, 'ix yaln eb' 'ixtc 'a 'a: —A David ata 'ayc' sc'ub'c 'el sb'a 'a qui lum on̈, 'a jun q'uen n̈aq'uen 'ay 'a jolm witz Haquila 'a Hores, 'a stojlal sur 'a chon̈b' Jesimón.

A Ch'an̈ B'ab'el Libro Samuel 23:19 Referans Kwoze

A Ch'an̈ B'ab'el Libro Samuel 26:1

A eb' cajan d'a Zif ix b'at alan d'a vin̈aj Saúl d'a Gabaa icha tic: A vin̈aj David ayec' vin̈ sc'ub'ejel sb'a d'a jolom vitz yic Haquila, d'a stojolal b'aj sjavi c'u d'a yichan̈b'at chon̈ab' Jesimón, xchi eb'.

A Ch'an̈ B'ab'el Libro Samuel 26:3

Ix sb'oanq'ue scampamento eb' d'a tzalan Haquila chi' d'a ti b'e, axo vin̈aj David chi' ayec' vin̈ d'a tz'inan luum chi'. Ix yab'an vin̈ to van sayjiec' vin̈ yuj vin̈aj Saúl ta'.

Pr 29:12

A eb' yajal schaan yab' es, masanil eb' ayoch yed' eb' d'a yopisio, tz'och eb' esalvumal.

A Ch'an̈ B'ab'el Libro Samuel 24:1

Ayic ix lajvi yac'an oval vin̈aj Saúl yed' eb' filisteo chi', ix alji d'a vin̈ to a d'a tz'inan luum d'a En-gadi ayec' vin̈aj David chi'.