A Ch'an̈ B'ab'el Libro Samuel 23:10 - Chuj San Mateo Bible

¹⁰ Ix yalan vin̈aj David chi' icha tic: —Mamin Jehová, co Diosal ach a on̈ israel on̈ tic, a in a checab' in tic ix vab'i to a vin̈aj Saúl van snaan vin̈ ul satel chon̈ab' Keila tic vuuj.

Chuj San Sebastian Bible

¹⁰ 'Ix yaln David 'ixtic: —Mamin Jehová ach qui Diosal an̈ Israel on̈ tic on̈, an a checb' in tic 'ix wab'i, chajtlto a Saúl wan snani, to wu'uj ax wul ya'nc lajwc jun chon̈b' Keila tic.

A Ch'an̈ B'ab'el Libro Samuel 23:10 Referans Kwoze

Pr 28:15

A eb' chuc spensar ayoch yajalil d'a junoc chon̈ab' meb'a', lajan eb' icha junoc noc' choj tz'el yav, ma icha junoc noc' oso ay svejel.

Ester 3:6

Toxo ix yab' vin̈ to israel vin̈aj Mardoqueo chi', yuj chi' ix snaan vin̈ to man̈ocn̈ej vin̈ smiljichamoc, palta ix sna vin̈ tas tz'aj satjiel masanil eb' israel ayec' d'a yol smacb'en vin̈aj rey Asuero chi'.

A Ch'an̈ B'ab'el Libro Samuel 23:8

Ix lajvi chi', ix yavtan masanil eb' soldado vin̈, yic sb'at oymitaj vin̈aj David chi' yed' eb' soldado d'a Keila yuj eb' yalani.

A Ch'an̈ B'ab'el Libro Samuel 22:19

D'a elan̈chamel, ix ochpax vin̈ d'a yol chon̈ab' Nob, aton schon̈ab' eb' vin̈ sacerdote chi', a yed' q'uen espada ix smilcham masanil eb' vinac vin̈, eb' ix ix, eb' unin yed' eb' ato yalji. Ix smilpaxcham noc' vacax vin̈, noc' b'uru yed' noc' calnel.

Gn 18:24

Q'uinaloc ay 50-oc eb' vach' d'a jun chon̈ab' chi', ¿tom ol a satel eb'? ¿tom man̈ ol ac' nivanc'olal yuj eb' 50 malaj smul chi'?

A Ch'an̈ B'ab'el Libro Samuel 23:9

Palta ix yojtaquejel vin̈aj David chi' to van scot vin̈aj Saúl yac' oval yed' vin̈, yuj chi' ix yal vin̈ d'a vin̈aj sacerdote Abiatar to syic'cot c'apac chaleca vin̈ yic sc'anb'ej eb' d'a Jehová.

A Ch'an̈ B'ab'el Libro Samuel 23:11

¿Ol am javoc vin̈ icha ix aj vab'ani? ¿Ol am in yac'och eb' cajan d'a chon̈ab' Keila tic d'a yol sc'ab' vin̈? Tzin tevi d'ayach Jehová co Diosal a on̈ israel on̈ tic, to tzal d'ayin, xchi vin̈. Ix yalan Jehová chi': —A vin̈aj Saúl chi' van scot vin̈, xchi.