A Ch'an̈ B'ab'el Libro Samuel 22:2 - Chuj San Mateo Bible

² Ix c'ochpax eb' tz'ixtaxi, masanil eb' ay sb'oc yed' eb' ay schab'c'olal. A vin̈aj David chi' ix och yajaliloc eb'. Ay am junoc 400 eb' vin̈ vinac d'a smasanil.

Chuj San Sebastian Bible

² Smasnil eb' caw tz'ixtxi, eb' 'ay sb'oc, yet' eb' 'ay schab'c'ojlal, c'uxn xc'och eb' yet'oc, ax 'ix 'och syajlilc eb'. A sb'isl eb', 'aym chan̈e'oc ciente eb'.

A Ch'an̈ B'ab'el Libro Samuel 22:2 Referans Kwoze

Mt 11:28

Cotan̈ec d'ayin masanil ex tz'el eyip e munlaji yed' ex te al eyaj yuj eyicatz, ol vac' eyic' eyip.

A Ch'an̈ B'ab'el Libro Samuel 30:6

Ix te och vin̈aj David chi' d'a ilc'olal, yujto ijan sjulq'uenajcham vin̈ yuj eb' soldado chi'. Masanil eb' te chab'xo sc'ol yuj tas ix utaj eb' yuninal eb' chi', palta axo vin̈aj David chi', ix yac'val och spensar vin̈ d'a Jehová sDiosal.

A Ch'an̈ B'ab'el Libro Samuel 25:13

Yuj chi' ix yal vin̈aj David chi' d'a masanil eb' vin̈ ajun yed'oc: —E masanil, iq'uec q'uen eyespada, xchi vin̈. Masanil eb' vin̈ svinac vin̈ chi', ix yac'och yespada eb' vin̈ d'a snan̈al, icha ix yutej yic vin̈ chi'. Chan̈e' ciento eb' vin̈ vinac chi' ix b'at yed' vin̈, axo chab' cientoxo eb' vin̈ jun, ix can eb' vin̈ stan̈vej sc'ael eb' vin̈.

A Ch'an̈ B'ab'el Libro Samuel 23:13

Yuj chi' ix el vin̈aj David yed' eb' soldado chi', ay am junoc 600 eb'. Ch'occh'oc b'aj ayec' eb' d'a juntac el. Ayic ix c'ochxi yab'ixal d'a vin̈aj Saúl chi' to toxo ix el eb' d'a chon̈ab' Keila chi', majxo b'atlaj vin̈ ta'.

A Ch'an̈ B'ab'el Libro Samuel 9:16

A q'uic'an yab' icha tic, svac'cot jun vin̈ vinac d'ayach, a d'a yol yic Benjamín scot vin̈. Tzac'q'ue aceite d'a sjolom vin̈, a vin̈ ol och yajalil d'a chon̈ab' Israel tic. A vin̈ ol colan in chon̈ab' tic d'a yol sc'ab' eb' filisteo, yujto toxo ix cus in c'ol yuj b'aj ix tevi eb' d'ayin, xchi d'a vin̈.

A Ch'an̈ B'ab'el Libro Samuel 1:10

Ayic ix c'och ix ta', ix te oc' ix sic'lab'il, ix syamanoch ix slesalvi d'a Jehová.

Jueces 11:3

Icha chi' ix aj yel vin̈aj Jefté d'a eb' yuc'tac chi', ix b'atcan vin̈ d'a yol yic Tob. Ata' ix smolb'ej jun n̈ilan̈ eb' vin̈ vinac vin̈. Ton̈ej ayec' juntzan̈ eb' vin̈ chi', max munlajlaj jab'oc eb' vin̈. A eb' vin̈ chi' ix och yed' vin̈aj Jefté chi', axo elc'al ix yac' eb' vin̈.

A Ch'an̈ Carta D'a Eb' Hebreo 2:10

Masanil tas b'ob'il yuj Dios, yuuj aypaxeq'ui. Snib'ej to masanil eb' yuninal ol c'och b'aj ay stziquiquial. Yuj chi' yovalil ix yab' syail Jesús co Columal, icha chi' ix aj stz'acvielc'och yuj Dios. A Jesús chi' ix ac'anem yich co colnab'il.

Mt 11:12

Atax ix och ijan vin̈aj Juan chi' yac'an bautizar, masanto ticnaic, tzijtum eb' anima yelc'olal tz'och d'a yol sc'ab' Dios. Ay eb' tec'tec' syutej sb'a, syac' val pural sb'a eb' yac'anoch sb'a d'a yol sc'ab'.

Pr 31:6

Yuc'ocab' an̈ eb' ayoch d'a syaelal. Yuc'ocab' an̈ an̈ te ov, eb' te ayoch d'a ilc'olal.

A Ch'an̈ Schab'il Libro Yic Yab'ixal Eb' Rey 20:5

Meltzajan̈, b'at al d'a vin̈aj Ezequías yajal in chon̈ab': Icha tic yalan Jehová co Diosal, sDiosal pax vin̈ a mam icham aj David: Toxo ix vab' a lesal, ix vil yel yal a sat oq'ui. Ol vac' b'oxoc a c'ool, axo chab'ej syalxo a b'at d'a templo.

A Ch'an̈ Schab'l Libro Samuel 17:8

A ach tic ojtac val to a' vin̈ a mam te jelan vin̈ d'a oval yed' masanil eb' vin̈ ajun yed' vin̈. A ticnaic te ay am cot yoval vin̈ yed' eb' vin̈, icha junoc noc' nun oso tz'ic'jiec' yune', icha chi' yaj eb' vin̈. An̈ejtona' pax vin̈ a mam chi' te c'aynac vin̈ yac'an oval, man̈oclaj d'a scal eb' anima chi' ayec' vin̈ d'a jun ac'val tic.

A Ch'an̈ Schab'l Libro Samuel 5:2

D'a yalan̈taxo ayic aytooch vin̈aj Saúl co reyaloc, a ach on̈ a cuchb'ejnac d'a oval. An̈eja' pax Jehová alannac d'ayach to a ach ol on̈ a cuchb'ej yed' och co reyaloc, xchi eb'.

Jueces 18:25

Ix yalan eb' d'a vin̈: —Malaj co gana to sq'ue a jaj avaj d'ayon̈, yujto a d'a co cal tic ay eb' vin̈ utzin sc'ool, axo ta tz'aji tzach satel eb' vin̈ yed' eb' ajun tic ed'oc, xchi eb'.

A Ch'an̈ B'ab'el Libro Samuel 22:3

Spetoj vin̈aj David d'a Adulam chi', ix c'ochcan vin̈ d'a Mizpa, d'a yol yic Moab. Ix yalan vin̈ d'a vin̈ sreyal Moab chi' icha tic: —Tzin tevi d'ayach to scan vin̈ in mam yed' ix in nun ed'oc masanto ol vil tas ol in yutej Dios, xchi vin̈.

A Ch'an̈ Schab'il Libro Yic Yab'ixal Eb' Rey 4:1

Ay jun ix ix yetb'eyumcan junoc eb' vin̈ schecab' Dios, ix b'at ix yal sb'a d'a vin̈aj Eliseo icha tic: —A vin̈ vetb'eyum chamnacxo vin̈, ojtac to te ay xivc'olal vin̈ d'a Jehová. Axo ticnaic ay jun vin̈ ac'annac q'uen tumin smajnej vin̈ vetb'eyum chi', ix javi vin̈ d'ayin, snib'ej vin̈ syic'b'at chavan̈ eb' vune' tic schecab'oc yuj q'uen tumin chi', xchi ix.