A Ch'an̈ B'ab'el Libro Samuel 21:10 - Chuj San Mateo Bible

¹⁰ An̈eja' d'a jun c'u chi' ix b'atn̈ej vin̈aj David chi' sc'ub'ejel sb'a d'a vin̈aj Saúl chi', ix c'och vin̈ d'a chon̈ab' Gat b'aj rey vin̈aj Aquis.

Chuj San Sebastian Bible

¹⁰ Xlajw cha, x'atx David chi 'elc 'a Saúl 'a jun c'u cha, axta xc'och 'a win Aquis sreyl Gat.

A Ch'an̈ B'ab'el Libro Samuel 21:10 Referans Kwoze

Jeremías 26:21

A vin̈aj rey Joacim yed' eb' ayoch yajalil yed'oc yed' eb' nivac yopisio, ix yab' eb' tas ix yal vin̈. Ix snib'ej vin̈ rey chi' smilcham vin̈. Axo yic ix yab'an vin̈aj Urías chi' tas yaji, ix xivb'at vin̈, ix b'at vin̈ elelal d'a Egipto.

A Ch'an̈ B'ab'el Libro Yic Yab'ixal Eb' Rey 19:3

Ayic ix yab'an vin̈aj Elías to ay smay jun chi', ix b'at vin̈ elelal. Ayic ix c'och vin̈ d'a Beerseba d'a yol yic Judá, ata' ix yactejcan jun vin̈ schecab' vin̈.

Salmos 56:1

Ach in Diosal, oc'oc val a c'ool d'ayin, ay eb' anima tzin pechaneq'ui. Ayn̈ejoch eb' yac'an oval d'ayin, man̈xo animaoc tzin ajcan yuj eb'.

A Ch'an̈ B'ab'el Libro Samuel 17:2

An̈ejtona' pax vin̈aj Saúl, ix smolb'ejpax sb'a vin̈ yed' eb' yetisraelal d'a sch'olanil Ela, yic smacan sat eb' filisteo chi' eb'.

A Ch'an̈ B'ab'el Libro Samuel 17:51

yuj chi' ix b'at lemnaj vin̈ b'aj ayec' vin̈ filisteo chi', ix yic'anq'ueta q'uen yespada vin̈ vin̈ d'a yol yatut. A yed' q'ueen ix xiquel sjolom vin̈ filisteo chi' vin̈. Ayic ix yilan eb' filisteo to toxo ix cham jun vin̈ nivan yelc'och d'a scal eb' chi', ix el lemnaj eb'.

A Ch'an̈ B'ab'el Libro Samuel 22:10

A vin̈aj Ahimelec chi', ix sc'anb'ej vin̈ d'a Jehová yuj vin̈aj David chi', ix ac'ji svael vin̈ yuj vin̈. Ix yac'anpax q'uen yespada vin̈aj Goliat vin̈ filisteo vin̈ d'a vin̈, xchi vin̈aj Doeg chi'.