A Ch'an̈ B'ab'el Libro Samuel 20:21 - Chuj San Mateo Bible

²¹ Slajvi chi', svalan d'a vin̈ in checab': Ixic b'at ic'cot in jul-lab' chi', xin cham d'a vin̈. Tato sval d'a vin̈ icha tic: A d'a yichan̈cot tic ay, ic'cot te', ta xin chi, tzach cot d'a junc'olal, malaj tas ol ach ic'an syal chi'. Toxo ix vac' in ti' d'a yichan̈ Jehová to icha chi' ol vutej.

Chuj San Sebastian Bible

²¹ 'Oj lajwc cha, ax in checn 'at junc in checab', ax waln 'a 'ixtic: 'Ixc 'at sayc' jun tzo'n̈ in jul-lab' cha, 'oj in chic 'a 'a. Toto 'oj wal 'a 'ixtic: Yaj jun tzo'n̈ jul-lab' chi 'a ojltac coti, 'ij cot eb', toto 'oj in chic 'a 'a, toto 'ixta', tztac' a cot 'a junc'ojlal, yujto may tas 'oj e'ni. Wal 'a sb'i Jehová tzwa'n can in ti 'ayach.

A Ch'an̈ B'ab'el Libro Samuel 20:21 Referans Kwoze

Am 8:14

Icha chi' ol aj eb' syac' sti' d'a juntzan̈ yechel q'uixvelaltac ay d'a Samaria, aton eb' tz'alan icha tic: Svac' in ti' d'a sb'i sdiosal eb' aj Dan, ma d'a sb'i sdiosal eb' aj Beerseba, xchi eb'. Yuj chi' man̈xa b'aq'uin̈ ol q'ue vaan eb', xchi Jehová.

Jeremías 12:16

A juntzan̈ chon̈ab' chi' ix c'ayb'an in chon̈ab' yac'an sti' d'a sb'i Baal. Axo ol ajoc, tato ol sc'anab'ajej sc'ayb'ub'al in chon̈ab' tic eb', ol slocan in b'i eb' d'a tas syala', tato icha chi' ol yal yaj eb' d'a scal eb' in chon̈ab' tic.

Jeremías 5:2

Ay eb' stz'acan sloc in b'i ayic syac'an sti' eb', palta d'a es sloc in b'i chi' eb', xchi Jehová.

Jeremías 4:2

Aq'uec e ti' d'a vichan̈, tzeyac'an elc'och tas tzeyala'. Ichato chi' b'ian, ol in yic'anchaan̈ masanil nación, ol vac'an in vach'c'olal d'a eb', xchi.

A Ch'an̈ B'ab'el Libro Samuel 20:20

Tzin julb'at oxeoc in jul-lab' ta', ichato ay junoc mach b'aj van in julvajb'ati.

A Ch'an̈ B'ab'el Libro Samuel 20:22

Palta tato sval jun: A jun in jul-lab' chi', najatto ay d'a ichan̈b'at chi', tato xin chi d'a vin̈, tzach b'at d'a najat a col a b'a yujto a Jehová tzach checanb'ati.

A Ch'an̈ B'ab'el Libro Samuel 20:36

Ix yalan vin̈ d'a vin̈ quelem chi': —Elan̈chamel ol b'at ic'cot in jul-lab' ol in julb'at tic, xchi vin̈. Ix b'at vin̈ quelem chi' b'ian. A val sb'at vin̈ chi', ix julvajb'at vin̈aj Jonatán chi' d'a yichan̈b'at vin̈.