A Ch'an̈ B'ab'el Libro Samuel 20:19 - Chuj San Mateo Bible

¹⁹ Palta axo chab'ej d'a yemc'ualil, sb'at a c'ub'ejel a b'a b'aj a c'ub'ejnaquel a b'a junel. Tza tan̈vej d'a slac'anil q'uen q'ueen scuch Ezel.

Chuj San Sebastian Bible

¹⁹ Palta a chab'ej, tz'at a c'ub'c 'el a b'a 'a 'ajtil xit' a c'ub'c 'el a b'a 'a jun 'el, tzach c'och 'a stz'ey q'uen tzcuch Ezel.

A Ch'an̈ B'ab'el Libro Samuel 20:19 Referans Kwoze

A Ch'an̈ B'ab'el Libro Samuel 19:2

yuj chi' ix yalan vin̈ d'a vin̈ icha tic: —Van snaan vin̈ in mam ach smilchamoc. Yuj chi' te lista tzutej a b'a q'uic'an, tza c'ub'ejel a b'a d'a junoc b'aj te c'ub'eltac.

A Ch'an̈ B'ab'el Libro Samuel 20:5

Ix tac'vi vin̈aj David chi': —A q'uic'an tz'och q'uin̈ yuj yalji q'uen uj, yovalil tzin em c'ojan in va d'a stz'ey vin̈ rey chi'. Elocab' d'a a c'ool tzin c'ub'ejcanel in b'a d'a caltac te' tic, masanto d'a yemc'ualil chab'ej.

A Ch'an̈ B'ab'el Libro Samuel 20:18

Ix yalanxi vin̈aj Jonatán chi': —Q'uic'an tz'och q'uin̈ yuj yalji q'uen uj, scheclaji to malaj ach yujto secan tz'ajcan b'aj tzach em c'ojan.

A Ch'an̈ B'ab'el Libro Samuel 20:20

Tzin julb'at oxeoc in jul-lab' ta', ichato ay junoc mach b'aj van in julvajb'ati.

A Ch'an̈ B'ab'el Libro Samuel 19:1

Ix yalan vin̈aj Saúl d'a vin̈aj Jonatán yed' d'a eb' ay yopisio to smilcham vin̈aj David eb'. Palta te xajan vin̈aj David chi' yuj vin̈aj Jonatán chi',

A Ch'an̈ B'ab'el Libro Samuel 20:35

D'a val sacb'inaj d'a junxo c'u, ix b'at vin̈ yil vin̈aj David chi', icha yaj yalancan eb' vin̈, tzac'anoch jun vin̈ quelem unin yuj vin̈.