A Ch'an̈ B'ab'el Libro Samuel 18:7 - Chuj San Mateo Bible

⁷ Van sb'itan eb' ix tz'elta eb' ix, syalan eb' ix icha tic: Smilal eb' ajc'ool ix smilcham vin̈aj Saúl. Lajlajun̈ miltac ix smilcham vin̈aj David, xchi eb' ix.

Chuj San Sebastian Bible

⁷ A yic wan sb'itn eb' 'ix cha, tzyaln eb' 'ix 'ixtic: 'Ec'b'al mil eb' 'ajc'ojl smil cham Saúl. Ax David 'ec'b'al lajn̈e mil eb' smil chamoc, xchi eb' 'ix.

A Ch'an̈ B'ab'el Libro Samuel 18:7 Referans Kwoze

A Ch'an̈ B'ab'el Libro Samuel 21:11

Axo eb' schecab' vin̈aj Aquis chi' ix alan icha tic: —A jun vin̈ tic aton vin̈aj David, icha rey yaj vin̈ d'a Israel. Aton vin̈ sb'itaj yuj eb' ix ix ayic sq'ue chennaj eb' ix, syalan eb' ix icha tic: Smilal eb' ajc'ol ix smilcham vin̈aj Saúl. Lajlajun̈ miltac ix smilcham vin̈aj David, xchi eb' ix, xchi eb'.

A Ch'an̈ B'ab'el Libro Samuel 29:5

Yujto a vin̈aj David tic b'itajnac yuj eb' ix ix, ayic sq'uenac chennaj eb' ix, yalannac eb' ix icha tic: Smilal eb' soldado ix smilcham vin̈aj Saúl. Lajlajun̈ mil ix smilcham vin̈aj David, xchi eb' ix.

Ex 15:21

Ix b'itan ix María d'a yichan̈ eb' ix icha tic: Co b'itejec sb'i Jehová, yujto te satub'tac ix aj yac'an ganar oval. Ix mucchajcan noc' chej d'a yol a' mar yed' eb' vin̈ ed'jinac noc', xchi ix.

A Ch'an̈ Schab'l Libro Samuel 6:5

Axo vin̈aj David yed' masanil eb' chon̈ab', val d'a smasanil sc'ol eb' ix b'itan d'a tzalajc'olal, ix q'ue cheneljoc eb' d'a yichan̈ Jehová van yoch te' arpa yed' salterio, panderas, castañuelas yed' platillo.

A Ch'an̈ Schab'l Libro Samuel 18:3

Ix tac'vi eb' vin̈: —Maay mamin rey, max yal-laj a b'ati, yujto a eb' ajc'ol chi' a ach tzach sayec' eb', a on̈ pax tic ta tzon̈ colchaji, ma tzon̈ cham nan̈aloc yuj eb', malaj quelc'ochi, palta a ach tic ec'b'al snivanil elc'och d'a yichan̈ 10 miloc on̈ a on̈ tic. Yuj chi' vach' tzach can d'a yol chon̈ab' tic. Tato ay b'aj ijan tzon̈ ac'ji ganar, b'at on̈ a colo', xchi eb' vin̈.

A Ch'an̈ B'ab'el Libro Samuel 21:12

Ix cham val yab'an juntzan̈ lolonel chi' vin̈aj David chi', yuj chi' ix xiv vin̈ d'a vin̈aj Aquis chi'.

A Ch'an̈ Schab'l Libro Samuel 23:1

Aton juntzan̈ slajvub' slolonel vin̈aj rey David tic: A vin̈aj David yuninal vin̈aj Isaí, ix ic'jivalchaan̈ vin̈ yuj Dios Axon̈ej Ochi. Ix sic'jiel vin̈ yuj Dios chi' yic tz'och vin̈ reyal d'a scal eb' yin̈tilal vin̈aj Jacob. Te vach' sb'itan vin̈ d'a scal eb' yetisraelal. A vin̈ ix alan icha tic: