A Ch'an̈ B'ab'el Libro Samuel 18:21 - Chuj San Mateo Bible

²¹ Yuj chi' ix snaan vin̈ to ol yac' junxo ix yisil vin̈ chi' yetb'eyumoc vin̈aj David chi', yic vach' yuj ix ol miljoccham vin̈aj David chi' yuj eb' filisteo. Ix yalan vin̈aj Saúl d'a vin̈aj David d'a schaelal: —A ticnaic, val yel ol ach och in n̈i'oc, xchi vin̈.

Chuj San Sebastian Bible

²¹ 'Ix snan Saúl 'ixtic: 'Oj wac' 'ix wisl tic yistloc win David, sec yuj 'ix ax ya'x ganar David yuj eb' filisteo, xchi. Yuj cha, xyaln Saúl chi 'ixtc 'a David 'a scha'ejmal: —A ticnec b'i'an, 'oj och in n̈i'oc, xchi cob' winac.

A Ch'an̈ B'ab'el Libro Samuel 18:21 Referans Kwoze

A Ch'an̈ B'ab'el Libro Samuel 18:17

Ix lajvi chi', ix yalan vin̈aj Saúl d'a vin̈aj David chi': —Svac' ix b'ab'el visil scuchan Merab etb'eyumoc, an̈ej to jelann̈ej tzutej a b'a d'a oval, tzac'an oval cuj a on̈ schon̈ab' on̈ Jehová tic, xchi vin̈. Ix sna vin̈aj Saúl icha chi' yujto malaj sgana vin̈ yoch smul smilan vin̈aj David chi', vach' ama tato a eb' filisteo smilan vin̈ snaan vin̈.

Jeremías 9:8

A tas tz'elta d'a sti' eb' lajan icha jul-lab' jay ye scham anima yuuj. Axon̈ej es tzec' yal eb'. Vach' sc'umlan sb'a eb' yed' eb' yamigo yalani, palta axo d'a spensar eb' van snaani tas ol yutej eb' yac'an chucal d'a eb' yamigo chi'.

A Ch'an̈ B'ab'el Libro Samuel 18:26

Ix b'atxi eb' ay yopisio chi' yal d'a vin̈aj David chi'. Ix schaan sc'ol vin̈ yoch sn̈i'oc vin̈ rey chi'. Ayic manto c'ochlaj sc'ual,

Ex 10:7

Ix yalan eb' vin̈ ay yopisio yed' vin̈ rey chi': —¿B'aq'uin̈ ol yactej juntzan̈ vinac tic on̈ stzuntzani? ¿Tas yuj max actejel jun chon̈ab' chi' yic sb'at och eb' ejmelal d'a Jehová sDiosal chi'? ¿Tom max nachajvalel jab'oc uuj, ina toxo ix juvicanb'at co chon̈ab' tic? xchi eb'.

Jeremías 5:26

A d'a in chon̈ab' tic, ay val eb' anima te chuc, say modo eb' tas tz'aj yixtan eb' anima eb', icha eb' tz'ac'anem syaalil noc' much.

Pr 29:5

A eb' stz'ac yal vach' lolonel d'a eb' yamigo, van yac'anem syaalil eb' yamigo eb' chi'.

Salmos 38:12

A eb' sgana in smilanchamoc, van yac'anem in yaalil eb'. A eb' snib'an yac' chucal d'ayin, an̈ej chucal syal eb' d'a in patic. Max ochlaj vaan eb' snaub'tan̈an tas ol in yutoc d'a elc'altac.

A Ch'an̈ B'ab'el Libro Samuel 18:22

Ix stz'acan yal vin̈ d'a eb' vin̈ ayoch d'a yopisio yuuj: —Tzex lolon yed' vin̈aj David e ch'ocoj, tzeyalan d'a vin̈ icha tic: A vin̈ rey, tzach ste xajanej vin̈, tzach co xajanejpax a on̈ tic. Yuj chi' ach ochocab' sn̈i'oc vin̈ rey chi', xe chi d'a vin̈, xchi vin̈aj Saúl chi'.