A Ch'an̈ B'ab'el Libro Samuel 18:17 - Chuj San Mateo Bible

¹⁷ Ix lajvi chi', ix yalan vin̈aj Saúl d'a vin̈aj David chi': —Svac' ix b'ab'el visil scuchan Merab etb'eyumoc, an̈ej to jelann̈ej tzutej a b'a d'a oval, tzac'an oval cuj a on̈ schon̈ab' on̈ Jehová tic, xchi vin̈. Ix sna vin̈aj Saúl icha chi' yujto malaj sgana vin̈ yoch smul smilan vin̈aj David chi', vach' ama tato a eb' filisteo smilan vin̈ snaan vin̈.

Chuj San Sebastian Bible

¹⁷ Xlajw cha, xyaln cob' Saúl 'a David 'ixtic: —Tzwac' 'ix in b'ab'l 'isl tzcuch Merab estziloc, 'in caw wal jeln ach a'n owal, caw tzach sc'anlb'ej Jehová yic tzya'n owl cu'uj, xchi. Yujto sna Saúl, to wach' man̈oc tz'och smul smiln cham David, yel xo wach' to a eb' filisteo tzmiln chamoc.

A Ch'an̈ B'ab'el Libro Samuel 18:17 Referans Kwoze

A Ch'an̈ B'ab'el Libro Samuel 25:28

Tzac'an nivanc'olal d'a in patic a in a checab' in tic. Val yel a Jehová ol ochn̈ej ed'oc d'a opisio yed' eb' in̈tilal, ina to yuj Jehová tzac' oval, malaj chucal pax tza c'ulej.

A Ch'an̈ B'ab'el Libro Samuel 18:25

Ix yalanxi vin̈aj Saúl chi' d'a eb' ay yopisio chi': —Alec d'a vin̈, max stuplaj ix visil tic vin̈ icha sb'eyb'al eb' anima, an̈ej syic'cot 100-oc sjolom svinaquil eb' vin̈ filisteo vin̈ d'ayin. Icha chi' tz'aj in pacan in b'a d'a eb' vajc'ol chi', xe chi d'a vin̈, xchi vin̈ rey chi'. Icha chi' ix yutej vin̈ rey chi' yalani yic smiljicham vin̈aj David chi' yuj eb' filisteo chi'.

A Ch'an̈ B'ab'el Libro Samuel 17:25

Ay eb' ix alani: Ina vin̈ ix elta d'a scal eb' filisteo chi', sb'uchvaj vin̈ d'ayon̈ a on̈ israel on̈ tic. Ix yal vin̈ rey, tato ay mach syac' ganar smilancham jun vinac tic, te nivan b'eyumal ol yac' vin̈ d'ay, syac'anpax ix yisil vin̈ yetb'eyumoc, axo eb' sc'ab' yoc maxtzac stuplaj eb' d'a vin̈ rey chi', xchi eb'.

A Ch'an̈ B'ab'el Libro Samuel 18:21

Yuj chi' ix snaan vin̈ to ol yac' junxo ix yisil vin̈ chi' yetb'eyumoc vin̈aj David chi', yic vach' yuj ix ol miljoccham vin̈aj David chi' yuj eb' filisteo. Ix yalan vin̈aj Saúl d'a vin̈aj David d'a schaelal: —A ticnaic, val yel ol ach och in n̈i'oc, xchi vin̈.

A Ch'an̈ B'ab'el Libro Samuel 17:47

Masanil eb' anima molanec' tic, ol nachajel yuj eb' to man̈oc q'uen espada, man̈oc q'uen lanza syac'lab'ej Jehová yic scolanel eb' schon̈ab'. A jun oval tic yic Jehová, a' ol ex ac'anoch d'a yol co c'ab', xchi vin̈ d'a vin̈.

Salmos 55:21

C'ununi slolon vin̈, palta axo d'a spensar vin̈, an̈ej oval sgana vin̈. Te c'ununi syutej vin̈ sloloni, palta icha q'uen espada te jay ye, icha chi' yaj slolonel vin̈ chi'.

Salmos 12:2

Syesej eb' d'ay junjun. D'a chab'satil slolon eb' d'ay junjun yic slaj yixtan sb'a eb'.

A Ch'an̈ Schab'l Libro Samuel 12:9

¿Tas yuj ix a patiquejel in checnab'il, ix a c'ulej tas to max scha in c'ool? Ix a milcham vin̈aj Urías heteo yed' q'uen yespada eb' amonita. Ix ic'ancan ix yetb'eyum vin̈ chi'.

A Ch'an̈ Schab'l Libro Samuel 11:15

Ix yalanb'at vin̈ d'a ch'an̈ icha tic: Tzac'och vin̈aj Urías tic d'a yichan̈ b'aj te ov yac'an oval, tzex el d'a stz'ey vin̈ yic vach' scham vin̈, xchib'at vin̈.

Dt 17:7

A eb' testigo chi' sb'ab'laj julanoch q'ueen d'a jun anima chi'. Ichato chi' sjulanoch q'ueen masanil eb' anima d'ay. Icha chi' tz'aj yel jun chucal chi' d'a e cal.

Nm 32:29

—Tato masanil eb' vinac d'a yin̈tilal Gad yed' d'a yic Rubén lista yaj yac'an oval, ol ec' eb' eyed'oc d'a yol a' Jordán icha yalan Jehová, masanto ol eyic' lum luum chi', ichato chi' tzeyac'an lum Galaad tic smacb'enoc eb'.

Nm 32:27

A on̈xo tic jun, ol on̈ b'at d'a oval b'aj ol yal sc'ol Jehová, icha val alan chi', xchi eb'.

Nm 32:20

Ix tac'vi vin̈aj Moisés chi' d'a eb': —Syal eyic'ancan luum tato tz'elc'och icha val tas tzeyal chi', ol eyac'n̈ej oval icha syal Jehová.

Nm 21:14

Aton juntzan̈ lugar chi' sb'inaj b'aj tz'ib'ab'ilcan yab'ixal oval yic Jehová, b'aj syal icha tic: On̈ ec'ta d'a chon̈ab' Vaheb d'a yol yic Sufá, d'a yoltac a' Arnón.

A Ch'an̈ B'ab'el Libro Samuel 14:49

Ay oxvan̈ yuninal vin̈aj Saúl chi', aton vin̈aj Jonatán, vin̈aj Isúi yed' pax vin̈aj Malquisúa. Ay pax chavan̈ yisil vin̈, jun ix scuch Merab, aton ix b'ab'el, axo ix schab'il, scuch Mical.

A Ch'an̈ B'ab'el Libro Samuel 17:36

Yuj chi', taxon̈ej a junoc noc' choj, ma junoc noc' oso, schamn̈ej noc' vuuj. Icha chi' ol vutej jun vin̈ ch'oc chon̈ab'il chi'. ¿Tas yuj sb'uchvaj vin̈ d'a eb' soldado yic Dios Pitzan?

A Ch'an̈ B'ab'el Libro Samuel 18:27

ix b'at vin̈aj David chi' yed' eb' soldado, ix smilancham 200 eb' vin̈ filisteo vin̈. Tz'acan ix yic'cot sjolom svinaquil eb' vin̈ vin̈ d'a vin̈aj Saúl chi' yic tz'ochcan vin̈ sn̈i'oc vin̈. Ix lajvi chi', ix yac'an ix Mical yisil vin̈aj Saúl chi' yetb'eyumoc vin̈.

A Ch'an̈ B'ab'el Libro Samuel 30:26

Ayic ix c'och vin̈aj David chi' d'a chon̈ab' Siclag, ix schecanb'at eb' schecab' vin̈ d'a eb' yichamtac vinaquil Judá, aton eb' yamigo vin̈, yuj yac'anb'at vin̈ jab'oc tastac ix b'at yiq'uec' chi', yuj chi' icha ix aj yalan vin̈ chi', icha chi' ix aj yalan eb' checab' chi', ix yalan eb' icha tic: Ina jab' tas ix b'at vic'canec' d'a eb' ayoch ajc'olal d'a Jehová svac'b'at tic d'ayex, xchicot vin̈aj David, xchi eb'.

A Ch'an̈ Schab'l Libro Samuel 6:16

Ayic ix javi te' scaxail trato chi' d'a schon̈ab' vin̈aj David chi', d'an̈anelta ix Mical yisilcan vin̈aj Saúl d'a sventena. Ix yilan ix to a vin̈aj David chi' sq'ue chennaj vin̈ d'a yichan̈ Jehová, yuj chi' ix chab'axq'ue sc'ol ix d'a vin̈.

Pr 26:24

A eb' chuc spensar, vach'n̈ej syutej eb' sloloni, palta axo d'a spensar eb', ata' ayec' schucal pensaril eb' chi',

Pr 26:25

vach'chom man̈ jantacoc svach'il slolon eb' d'ayex, man̈ e cha eyab'i, yujto a eb' chi', an̈ej chucal sna eb' sc'ulej d'ayex.

Pr 26:26

Vach'chom max snib'ej eb' sch'oxel schucal, palta yovalil ol checlajelta d'a yichan̈ anima smasanil.