A Ch'an̈ B'ab'el Libro Samuel 17:43 - Chuj San Mateo Bible

⁴³ Ix yalan vin̈ icha tic d'a vin̈aj David chi': —¿Tom tz'i' in tzila' yuj chi' tzach cot d'ayin yed' te' a te' chi'? xchi vin̈. Ix syamanoch vin̈ scatab'an vin̈aj David chi' d'a sb'i sdiosal.

Chuj San Sebastian Bible

⁴³ 'Ix yaln win 'ixtc 'a David: —¿Tom tz'in tzela, yuj cha, tzach cot yet' a te 'ayin? xchi win 'a 'a. Xlajw cha, scatb'tzan win Goliat David chi 'a sb'i jun tzo'n̈ scomn dios.

A Ch'an̈ B'ab'el Libro Samuel 17:43 Referans Kwoze

A Ch'an̈ Schab'l Libro Samuel 9:8

Ix em n̈ojan vin̈aj Mefi-boset chi', ix yalan vin̈: —Mamin rey, ¿tas val yuj tz'oc' a c'ol d'ayin? A in a checab' in tic lajan in icha junoc noc' chamnac tz'i', xchi vin̈.

A Ch'an̈ Schab'l Libro Samuel 3:8

Yujto ix yal jun chi' vin̈aj Is-boset chi' d'a vin̈aj Abner chi', yuj chi' ix te cot yoval vin̈, ix yalan vin̈ icha tic: —¿Tom tz'i' in tzila', tocval van vac'anoch in b'a yed' eb' ajc'ol yic Judá tic? A in tic, te vach'n̈ej ix vutej in b'a d'a eb' ayto yuj sb'a yed' vin̈ a mam yed' d'a eb' vach' yac'an yed' vin̈, maj ach vac'paxoch d'a yol sc'ab' vin̈aj David, axo ticnaic tzac'an yovalil d'ayin yuj jun ix ix chi'.

A Ch'an̈ B'ab'el Libro Samuel 24:14

Mamin rey, natonab'i to a ach tic sreyal ach Israel. A inxo van in a sayanec' tic, tocval ay jab'oc velc'ochi. Lajan in val icha noc' chamnac tz'i', ma icha val noc' c'ac.

Pr 26:2

Tato malaj yuuj tz'alji junoc catab' lolonel, malaj b'aq'uin̈ tz'elc'ochi. Lajan icha junoc noc' tz'unun ton̈ej tz'ec' jen̈en̈oc, ma icha noc' san̈capech tz'ec' d'a satchaan̈, malaj b'aj tz'och vaan.

A Ch'an̈ Schab'il Libro Yic Yab'ixal Eb' Rey 8:13

Ix yalan vin̈aj Hazael d'a vin̈ icha tic: —A in tic te malaj jab'oc velc'ochi, lajan in icha junoc noc' tz'i'. ¿Tas val ol aj in c'ulan tas icha chi'? xchi vin̈. Ix tac'vi vin̈aj Eliseo chi' d'a vin̈: —Toxo ix yal Jehová d'ayin to a ach ol ach ochcan sreyaloc Siria tic, xchi vin̈.

A Ch'an̈ Schab'l Libro Samuel 16:9

Ix yalan vin̈aj Abisai yune' ix Sarvia d'a vin̈aj rey David chi' icha tic: —Mamin rey, ¿tas yuj sb'ajvajcot jun vin̈ icha noc' chamnac tz'i' tic d'ayach? Cha in b'ati, b'at in xiquel sjolom vin̈, xchi vin̈.

Gn 27:29

Tzijtum anima ol ach ac'an servil. Masanil nación ol yaq'uem sb'a d'ayach. Yajal ol ach aj d'a yib'an̈ eb' yin̈tilal vin̈ uc'tac. Ol yaq'uem sb'a eb' d'ayach. Ol can scatab' Dios d'a yib'an̈ eb' chuc syutej sb'a d'ayach, palta ol yac' svach'c'olal d'a yib'an̈ eb' vach' syutej sb'a d'ayach, xchi vin̈.

Nm 22:6

Yuj chi' cotan̈ d'a elan̈chamel yic tzul a catab'an eb', yujto yelxo nivan sb'isul eb' d'a quichan̈. Tato icha chi' tope ol yal vac'an ganar eb' yic tzin pechanel eb' d'a co lum tic, yujto vojtac to a a catab' yed' a vach' lolonel tzala', tz'eln̈ejc'ochi, xchib'at vin̈.

Jueces 9:27

Ayic q'uin̈xo te' uva, tz'el eb' d'a spatiquel chon̈ab', yic smolan te' eb', sb'oan vino eb'. Ix yac'anoch jun q'uin̈ eb', ix och ijan eb' sva'i yed' yuc'vi an̈ eb' d'a yol stemplo sdiosal. A val ta' te chuc ix yal eb' d'a spatic vin̈aj Abimelec chi'.

A Ch'an̈ B'ab'el Libro Samuel 14:12

A val d'a jun rato chi' ix avajemta eb' d'a vin̈aj Jonatán yed' d'a vin̈ yed'nac vin̈ chi': —Lemec, q'uean̈eccot d'a tic, ay jun tas ol cal eyab'i, xchi eb' filisteo chi'. Axo ix yalan vin̈aj Jonatán d'a vin̈ ajun yed' chi': —Ol ach q'uen̈ej tzac'an vuuj, yujto a ticnaic ol yac'och eb' filisteo tic Jehová d'a yol co c'ab' a on̈ israel on̈ tic, xchi vin̈.

A Ch'an̈ Schab'l Libro Samuel 16:5

Ayic ix c'och vin̈aj rey David d'a Bahurim, ix elta jun vin̈ scuchan Simei yuninal vin̈aj Gera, ayto yuj sb'a yed' vin̈aj rey Saúl chamnac.

A Ch'an̈ B'ab'el Libro Yic Yab'ixal Eb' Rey 20:10

Ix schecanxicot eb' schecab' vin̈ chi' junelxo d'a vin̈aj rey Acab chi', ix yalancot vin̈: Aocab' juntzan̈ dios tz'ac'anoch in yaelal tato max in satel Samaria chi' d'a juneln̈ej. Man̈ ol yab'laj sc'alemal yic syic'ancot jun jopoc yic junjun eb' in soldado, xchi vin̈.

A Ch'an̈ B'ab'el Libro Samuel 24:15

Yuj chi' aocab' Jehová tzon̈ b'eyc'olan co chavan̈il, mach on̈ ay co mul. Aocab' tz'ilan tas tzin utej tic, tzin scolanel d'ayach, xchi vin̈.