A Ch'an̈ B'ab'el Libro Samuel 17:33 - Chuj San Mateo Bible

³³ —Max yal-laj a b'at ac' oval yed' jun vin̈ filisteo chi', yujto quelem unin ach, palta a jun vin̈ chi', toxonton ac'um oval vin̈ yictax ix cotoch vin̈ quelemal, xchi vin̈aj Saúl chi'.

Chuj San Sebastian Bible

³³ —Matz tac' a 'at ac' owl yet' win filisteo cha, yujto quelm acht 'unin, ax winac toxn 'a'm owl winac yic xcot'ch win quelmal, xchi Saúl.

A Ch'an̈ B'ab'el Libro Samuel 17:33 Referans Kwoze

Nm 13:31

Ix tac'vi juntzan̈ eb' vin̈ ix xid'ec' chi' icha tic: —Man̈ ol yal-laj cac'an oval yed' eb' chon̈ab' chi' yujto te tec'an eb' d'a quichan̈, xchi eb' vin̈.

Apoc 13:4

Ix yaq'uem sb'a eb' d'a jun dragón chi', yujto ix yac'b'at sb'inajnaquil d'a jun Noc' sb'i chi'. Ix yac'anpaxem sb'a eb' d'a jun Noc' sb'i chi'. Ix laj yalan eb': —¿Toc ay junocxo stzac'van d'a jun Noc' sb'i tic? ¿Tom ay junoc syal yac'an oval yed'oc? xchi eb'.

Dt 9:2

A eb' anima cajan ta', chaan̈ steel eb', a vin̈aj Anac ay yin̈tilal eb'. Ix eyab' yalji: ¿Mach val junoc syal stec'b'an sb'a d'a yichan̈ eb' yin̈tilal vin̈aj Anac? xchi eb'.

Salmos 11:1

A Jehová svac'och yipoc in c'ool, yuj chi' nab'an̈ej tzeyal d'ayin: Ixic, c'ub'ejel a b'a d'a caltac te' icha syutej sb'a noc' much.

A Ch'an̈ B'ab'el Libro Samuel 17:56

Mamin rey, man̈ vojtacoclaj, xchi vin̈aj Abner chi'. —Scan d'a yol a c'ab' a c'anb'ani mach ay yic vin̈, xchi vin̈ rey chi'.

A Ch'an̈ B'ab'el Libro Samuel 17:42

Ayic ix iljicot vin̈aj David chi' yuj jun vin̈ filisteo chi', ix yilan vin̈ to te vach' yilji snivanil vin̈, palta malaj yelc'och vin̈ d'a vin̈, yujto quelem unin vin̈.

A Ch'an̈ B'ab'el Libro Samuel 17:34

Ix tac'vi vin̈aj David chi' icha tic: —A in a checab' in tic, ayic tzin tan̈van noc' scalnel vin̈ in mam, ay b'aj sjavi noc' choj, ma noc' oso yic tzul yic'anb'at noc' calnel chi' noc',