A Ch'an̈ B'ab'el Libro Samuel 16:19 - Chuj San Mateo Bible

¹⁹ Yuj chi', ix yac'b'at schecab' vin̈aj Saúl d'a vin̈aj Isaí chi', ix yalanb'at vin̈: Ac'cot vin̈ uninal aj David d'ayin, vin̈ stan̈van noc' a calnel, xchib'at vin̈.

Chuj San Sebastian Bible

¹⁹ Yuj cha, xya'n 'at Saúl schecb' 'a Isaí, xyaln 'at 'ixtic: 'A' cot win onnal David 'ayin, win 'ilm calnelu, xchi.

A Ch'an̈ B'ab'el Libro Samuel 16:19 Referans Kwoze

A Ch'an̈ B'ab'el Libro Samuel 17:15

A vin̈aj David chi', ay b'aj xid'ec' vin̈ b'aj ay vin̈aj Saúl chi', smeltzajxi vin̈ d'a Belén yic sb'at stan̈van noc' scalnel vin̈ smam vin̈ chi'.

A Ch'an̈ B'ab'el Libro Samuel 16:11

Yuj chi' ix sc'anb'an vin̈ d'a vin̈aj Isaí chi': —¿Tom an̈ej eb' vin̈ uninal tic? xchi vin̈. —Ayto junxo vin̈ tzac'an unin, aycanb'at vin̈ tan̈voj calnel, xchi vin̈aj Isaí chi'. —Ac'b'at yic'umal vin̈ an, tato max ja vin̈, man̈ ol on̈ valaj, xchi vin̈aj Samuel chi'.

Am 1:1

A in Amós in tic tan̈vum in noc' d'a chon̈ab' Tecoa. Ayic ayoch vin̈aj Uzías reyal d'a Judá, axo vin̈aj Jeroboam yuninal vin̈aj Joás ayoch reyal d'a Israel, chab' ab'il d'a yalan̈tax jun nivan quixcab', ix yalan juntzan̈ lolonel tic Dios d'ayin yic svalel d'a chon̈ab' Israel.

Salmos 113:8

yic vach' tz'em c'ojan eb' d'a scal eb' yetanimail ay yelc'och d'a yol schon̈ab' chi'.

A Ch'an̈ B'ab'el Libro Yic Yab'ixal Eb' Rey 19:19

Ix meltzaj vin̈aj Elías chi' d'a jun lugar chi', ix ja vin̈ b'aj ayec' vin̈aj Eliseo yuninal vin̈aj Safat. Van sd'ocvi lum vin̈ yed' lajchave' mojan̈ noc' mam vacax. A vin̈ ed'jinac noc' tzac'anto sb'ati. Ix c'och vin̈aj Elías chi' d'a stz'ey vin̈, ix yac'anb'at jun sjucan pichul vin̈aj Elías chi' d'a yib'an̈ vin̈.

A Ch'an̈ B'ab'el Libro Samuel 16:18

Ix yalan jun vin̈ yetb'eyum eb' vin̈ ayec' chi' icha tic: —Ay val jun vin̈ vojtac a in tic, yuninal vin̈ vin̈aj Isaí aj Belén, te vach' schalan te' arpa chi' vin̈, an̈ejtona' te vach' vin̈ d'a oval. Te ay spensar vin̈ sloloni, vach' yiljipax snivanil vin̈. Ayoch Jehová yed' vin̈ squila', xchi vin̈.

A Ch'an̈ B'ab'el Libro Samuel 16:20

Ix sc'anab'ajej vin̈aj Isaí chi', ix yac'ancot vin̈aj David chi' vin̈ d'a vin̈aj Saúl chi'. Ix yac'ancot jun noc' b'uru vin̈ yed' vin̈, cuchb'il jun icatzil pan yuj noc' yed' jun tz'uum ayem vino d'a yool yed' pax jun noc' yune' chiva.