A Ch'an̈ B'ab'el Libro Samuel 15:24 - Chuj San Mateo Bible

²⁴ Ix tac'vi vin̈aj Saúl chi', ix yalan vin̈: —Yel toni, ix och in mul, maj in c'anab'ajej tas ix yal Jehová yed' tas ix al d'ayin, yujto ix in xiv d'a eb' soldado ajun ved'oc, ix in cha vab' tas ix yal eb'.

Chuj San Sebastian Bible

²⁴ —Yel toni 'ix 'och in mul, ma'ix in yiclj tas xyal Jehová, atn tas xyal 'ayin yujto in xiw 'a eb' soldado ajun wet' tic, 'ix in yiclni tas xyal eb'.

A Ch'an̈ B'ab'el Libro Samuel 15:24 Referans Kwoze

A Ch'an̈ Schab'l Libro Samuel 12:13

Ix schaan smuloc vin̈aj rey David d'a yichan̈ vin̈aj Natán chi', ix yalan vin̈: —D'a val yel, ix och in mul d'a Jehová, xchi vin̈. Ix yalanpax vin̈aj Natán chi': —Yel ton tzala', palta ix ac'ji lajvoc a mul chi' yuj Jehová, yuj chi' man̈xo ol ach chamlaj.

Pr 29:25

A xivc'olal d'a eb' quetanimail, lajan icha junoc yaal, palta tan̈vab'il on̈ yuj Jehová tato scac'och co pensar d'ay.

Nm 22:34

Ix yalan vin̈ d'a yángel Jehová chi' icha tic: —Ix och in mul d'ayach, man̈ vojtacoc tato a ach tza mac in b'e tic, yuj chi' tato max scha a c'ol tzin b'ati, syal in meltzaji, xchi vin̈.

Apoc 21:8

Palta ay eb' scomon xivi yed' eb' max yac'och sc'ool d'ayin, eb' chuc sc'ulej, eb' milumcham anima, eb' tz'em d'a ajmulal, eb' ajb'aal yed' eb' ajchum, eb' tz'em cuman d'a juntzan̈ comon dios yed' masanil eb' tz'esani, a d'a yol jun c'ac' icha n̈ajab' sq'ue n̈iln̈on yoc calan yaj yed' azufre ol scha spac eb', aton jun schab'il chamel, xchi Dios.

Gl 1:10

Ayic svalanb'at juntzan̈ tic d'ayex, ¿tom in gana ste tzalaj junoc anima ved' e naani? Maay, an̈ej Dios in gana stzalaj ved'oc. Man̈ jab'oc tzin na' to stzalaj eb' ved'oc. Q'uinaloc a eb' anima in gana stzalaj ved'oc, man̈ in schecab'oc am Cristo syal chi'.

Mt 27:4

Yuj chi', ix yalan vin̈ d'a eb' vin̈: —Ix och val in mul, yujto ix vac'och Jesús chi' d'a yol sc'ab' chamel, palta malaj jab'oc smul, xchi vin̈. Palta ix yalan eb' vin̈: —A on̈ tic, malaj coch d'a a mul chi'. A chumxo d'a chi', xchi eb' vin̈.

Ex 23:2

Man̈ eyac'och e b'a yed' eb' sc'ulan chucal. Man̈ eyac'och e b'a testigoal d'a es yed' eb' anima sc'ulan chucal.

Jeremías 38:5

Ix tac'vi vin̈aj rey Sedequías chi' d'a eb' vin̈ icha tic: —Ichocab'ta', syaln̈ej e c'ulan tas e gana d'a vin̈, malaj jab'oc tas syal valan d'ayex, xchi vin̈.

Job 31:34

yujto tzin xiv d'a eb' anima, talaj chuc tas syal eb' d'ayin. Maj in macoch in b'a d'a yol in pat yujto in xiv yuj tas syal eb' in c'ab' voc.

A Ch'an̈ B'ab'el Libro Samuel 15:30

Ix yalan vin̈aj Saúl chi' —Yeltoni ix och in mul, palta elocab' d'a a c'ol tzach meltzaj ved'oc yic ay velc'och d'a yichan̈ eb' yajalil co chon̈ab' yed' d'a yichan̈ eb' quetchon̈ab' smasanil. Meltzajan̈ ved'oc, tzon̈ och ejmelal d'a Jehová co Diosal, xchi vin̈.

A Ch'an̈ B'ab'el Libro Samuel 15:15

—A d'a chon̈ab' Amalec ix cot noc', yujto a val noc' calnel te vach' ix yic'cot eb' soldado yed' noc' vacax yic ol och silab'il d'a Jehová co Diosal. Axo masanil juntzan̈xo, ix co sateli, xchi vin̈.

A Ch'an̈ B'ab'el Libro Samuel 15:9

Palta a vin̈aj Saúl chi' yed' eb' soldado, maj smilchamlaj vin̈aj Agag chi' eb'. Maj smilpaxchamlaj noc' vacax eb' te vach', noc' calnel, noc' yunetac vacax te b'aq'uech, noc' yunetac calnel yed' juntzan̈ocxo tastac te ay stojol. Axo masanil tas malaj val yelc'ochi, ix satel eb' smasanil.

A Ch'an̈ B'ab'el Libro Samuel 2:29

¿Tas yuj malaj yelc'och juntzan̈ silab', ma ofrenda tic d'a yol a sat to a in tzin chec yac' eb' d'a in cajnub'? ¿Tas yuj axon̈ej eb' vin̈ uninal chi' tzic'chaan̈ d'a vichan̈, tzeyac'an b'aq'uechb'oc e b'a yuj svach'il yofrenda eb' in chon̈ab' syac' d'ayin?

Ex 10:16

D'a elan̈chamel ix avtajxicot eb' vin̈ chavan̈ chi' yuj vin̈ rey chi', ix yalan vin̈ d'a eb' vin̈ icha tic: —Ix och in mul d'a sat Jehová e Diosal yed' d'ayex.

Ex 9:27

Yuj chi' ix schecan vin̈ rey avtajxicot eb' vin̈ chavan̈ chi', ix yalan vin̈: —Toxo ix nachajel vuuj ticnaic to a in ay in mul yed' in chon̈ab' tic. Palta a Jehová, te tojoln̈ej syutej.

Gn 3:17

Ix yalanpax Jehová Dios d'a vin̈aj Adán chi' icha tic: —Yujto ix a c'anab'ajej ix etb'eyum tic a loan sat te te' ix vala' to max a lo'o, a ticnaic jun, uuj tzin catab'ejcan lum luum tic, yuj chi' d'a scal yaelal ol ach vaoc yacb'an ayach ec' d'a yolyib'an̈q'uinal tic.

Gn 3:12

Ix tac'vixi vin̈ icha tic: —A ix ix, ix ac' vetb'eyumoc, a ix, ix ac'an te' d'ayin, yuj chi' ix in lo te', xchi vin̈.

A Ch'an̈ B'ab'el Libro Samuel 26:21

Ichato chi' ix yalan vin̈aj Saúl chi': —Ach David, svojtaquejel ticnaic ma to a in ix och in mul. Icha junoc malaj spensar, icha chi' svutej in b'a, te chuc tzin c'ulej d'ayach. Yuj chi', meltzajan̈. Man̈xo ol vac'laj chucal d'ayach, yujto a d'a jun c'u tic ix a ch'oxeli to ay velc'och d'a yol a sat, xchi vin̈.

Salmos 51:4

Ix och val in mul chi' d'ayach. Ix in c'ulej chucal d'a yol a sat. Yuj chi' smoj val ac'an in yaelal. Max yal-laj yalchaj chucal d'ayach ayic tzin a ch'olb'itani.