A Ch'an̈ B'ab'el Libro Samuel 14:45 - Chuj San Mateo Bible

⁴⁵ Ix tac'vi eb' anima smasanil: —Tocval ol co cha cham vin̈aj Jonatán tic, yujto a yuj vin̈, on̈ colchaj a on̈ israel on̈ tic. Man̈ smojoc icha chi'. Yojtac Jehová co Diosal. Val yel malaj junoc xil sjolom vin̈aj Jonatán tic ol em d'a sat luum. Yujto a tas toxo ix elc'och ticnaic, a Dios ix colvaj qued'oc, xchi eb'. Icha chi' ix aj scolchajcanel vin̈aj Jonatán chi' yuj eb' yetchon̈ab', yuj chi' majxo chamlaj vin̈.

Chuj San Sebastian Bible

⁴⁵ Palta 'ix yaln eb' chon̈b' 'ixtc 'a Saúl: ¡Tom tztac' scham Jonatán, yujto yuj winac on̈ colchji! ¡Man̈ smojc 'ixta'! Yojc wal Jehová to may 'oj 'i'noc Jonatán tic, yujto a Dios 'ix yamc'ab'n winac, xchi eb'. 'Ixta 'ix yutj eb' chon̈b' scoln can 'el Jonatán. Yuj cha, ma'ix chami.

A Ch'an̈ B'ab'el Libro Samuel 14:45 Referans Kwoze

A Tas Sc'ulejnac Eb' Schecab' Jesús Hechos 27:34

Yuj chi' tzin tevi d'ayex to tzex va'i yic vach' ol ochxoc eyip, yujto malaj junoc on̈ ol on̈ chamoc. An̈ejtona' malaj junoc on̈ ol on̈ lajvoc, xchi vin̈ d'a eb'.

Lc 21:18

Palta man̈ ol ex satel-laj, man̈ val junoc xil e jolom ol satb'atoc.

A Ch'an̈ Schab'l Libro Samuel 14:11

Palta ix ochn̈ej tean ix d'a vin̈ rey chi': —Tzin tevi d'ayach mamin rey, to tzac' a ti' d'a yichan̈ Jehová co Diosal to a jun in c'ab' voc snib'ej yac'anec' spac schamel vin̈ vune' chi', mocab' smilcham junxo vune' chi', yic max te javi cuselal d'a vib'an̈, xchi ix. Ix tac'vi vin̈ rey chi': —Svac' in ti' d'a yichan̈ Jehová to malaj jab'oc tas ol ic'an vin̈ une' chi', xchi vin̈.

A Ch'an̈ B'ab'el Libro Yic Yab'ixal Eb' Rey 1:52

Ix tac'vi vin̈ rey chi' icha tic: —Tato vach' syutej sb'a vin̈, max spitej sb'a vin̈ d'ayin, man̈ ol chamlaj vin̈. Palta tato ay chucal ol sc'ulej vin̈ jun, yovalil ol cham vin̈, xchi vin̈.

2 Co 6:1

A on̈ tic quetmunlajvumal co b'a d'a smunlajel Dios, yuj chi' tzon̈ tevi d'ayex to max e patiquejel-laj svach'c'olal ix yac' d'ayex.

Mt 10:30

Palta a exxo tic, yelxo val nivan eyelc'och d'a yichan̈ masanil noc' cotac much chi'. Ina masanil xil e jolom b'isb'il yuuj. Yuj chi', man̈ ex xivoc.

Apoc 19:14

Tzac'anoch eb' soldado aj satchan̈ yuuj. Te vach' spichul eb' ayochi, te sacpax yilji. Malaj jab'oc miic ayoch d'ay. Ayq'ue eb' yib'an̈ junjun schejal sacsac quilani.

Apoc 17:14

Ol yac'lej eb' yac'an oval yed' jun Calnel sb'i, palta ol ac'joc ganar eb' yuuj. Yujto A' Yajal yaj d'a eb' yajal, Rey pax yaj d'a eb' rey. Axo eb' tzac'anoch yuuj, avtab'il eb' yuj Dios, sic'b'ilel eb' yuuj, aton eb' sc'anab'ajani, xchi jun ángel chi' d'ayin.

A Tas Sc'ulejnac Eb' Schecab' Jesús Hechos 21:19

Yuj chi' ix sc'anb'ej sc'ol eb' vin̈ vin̈aj Pablo chi'. Ix laj yal vin̈ d'a eb' yuj jantac tas ix sc'ulej Dios yed'oc d'a scal eb' man̈ israeloc.

A Tas Sc'ulejnac Eb' Schecab' Jesús Hechos 15:12

A ix yab'an juntzan̈ chi' eb', ix em numnaj eb' smasanil. Ix lajvi chi', ix smaclan yab' eb' tas syal vin̈aj Bernabé yed' vin̈aj Pablo. Ix yalan eb' vin̈ to tzijtum milagro ix sb'o Dios, ayic ix ec' eb' vin̈ d'a scal eb' man̈ israeloc.

1 Co 3:9

Yuj chi' a on̈ tic, quetmunlajvumal co b'a cac'an servil Dios. A exxo, icha yaj juntzan̈ avb'en chi' eyaj d'a yichan̈ Dios. An̈ejtona', icha yaj junoc pat van sb'oan Dios, icha chi' eyaji.

Ro 15:18

Max yal vic'anchaan̈ in b'a yuj tas sc'ulejnac juntzan̈xo eb' tz'ac'an servil Dios. Palta max in xiv valani tas ix sc'ulej Cristo ved'oc, yic svac' sc'anab'ajej eb' man̈ israeloc. Ix in ec' vac' yab'ix eb'. Ay pax juntzan̈ tas ix in ch'ox d'a scal eb'.

A Tas Sc'ulejnac Eb' Schecab' Jesús Hechos 14:27

Ayic ix c'ochxi eb' vin̈, ix laj yavtejcot eb' creyente eb' vin̈ ayec' ta'. Ix yalan eb' vin̈ d'a eb' jantac tas ix sc'ulej Dios yed' eb' vin̈. Ix laj yalanpax eb' vin̈ to a Cajal Jesús ix chaan yac'och eb' man̈ israeloc d'a sc'ool.

Is 13:3

Toxo ix vavtej eb' vin̈ in soldado te tec'an, toxo ix val d'a eb' vin̈ ac'um oval sic'b'ilxoel vuuj, ol tzalaj eb' vin̈ ayic ol in satanel eb' ayoch ajc'olal d'ayin yuj yoval in c'ool, xchi Jehová, xin chi.

Nehemías 9:27

Yuj chi' ac'nacoch eb' co mam quicham chi' d'a yol sc'ab' eb' ajc'ool, ixtajnac val eb' yuj eb'. Palta ayic van yab'an syail eb' chi', sc'anannac a colval eb'. A achxo jun, ayach ec' d'a satchaan̈, ab'nac slesal eb' chi', yujto oc'nac val a c'ol d'a eb', yuj chi' ac'naccot eb' scolan eb' d'a yol sc'ab' eb' ajc'ool chi'.

2 Cr 19:11

A vin̈aj Amarías sat sacerdote yaji, an̈ej vin̈ syal yalani tas ol aj sb'o tastac yic Jehová. Axo vin̈aj Zebadías yuninal vin̈aj Ismael, yajal yaj vin̈ d'a scal eb' yin̈tilal Judá, an̈ej vin̈ syal yalan tas ol aj pax yic vin̈ rey yaji. Ol colvaj pax eb' vin̈ levita eyed'oc. Tec'an tzeyutej e b'a, aq'uec eyip d'a eyopisio tic. A mach vach'n̈ej tas ol sc'ulej, ol ochn̈ej Jehová yed'oc, xchi vin̈.

A Ch'an̈ B'ab'el Libro Samuel 19:5

Ix ila' to ix sb'ec sb'a vin̈ schami ayic ix smilancham vin̈ filisteo vin̈, icha chi' ix aj scolchaj co chon̈ab' tic yuj Jehová. A jun chi' ix il val. Ix ach te tzalaji. ¿Tas yuj tza na' a milcham vin̈, ina to malaj jab'oc smul vin̈ d'ayach? xchi vin̈.

A Ch'an̈ B'ab'el Libro Samuel 14:23

Ix och eb' d'a spatic eb' filisteo chi', masanto d'a yichan̈b'at Bet-avén, icha chi' ix aj scolan chon̈ab' Israel Jehová d'a jun c'u chi'.

A Ch'an̈ B'ab'el Libro Samuel 14:46

Ix lajvi chi', majxo b'atlaj vin̈aj Saúl yed' eb' soldado spech eb' filisteo chi', yuj chi' ix laj meltzaj eb' filisteo chi' d'a schon̈ab'.

A Ch'an̈ B'ab'el Libro Samuel 11:13

Ix tac'vi vin̈aj Saúl chi': —Maay, a d'a jun c'u tic, malaj junoc quetchon̈ab' syal schami, yujto a Jehová ix on̈ colani, xchi vin̈.