A Ch'an̈ B'ab'el Libro Samuel 1:13 - Chuj San Mateo Bible

¹³ Man̈ chaan̈oclaj slesalvi ix, an̈ej d'a spensar ix slesalvi d'a Jehová, ton̈ej tz'ib'xi sti' ix, a snaan vin̈aj Elí chi' to uc'um an̈ ix.

Chuj San Sebastian Bible

¹³ A 'ix Ana cha, mun a spixn 'ix tzleslwi, matz 'ab'x tas tzyal 'ix, cojn sti 'ix tz'ib'xi. A snan win Elí to 'u'm 'an̈ 'ix,

A Ch'an̈ B'ab'el Libro Samuel 1:13 Referans Kwoze

Ro 8:26

An̈ejtona' tz'och Yespíritu Dios qued'oc ayic man̈ tz'acanoc co pensar. Yujto man̈ cojtacoc chajtil scutej co lesalvi icha sgana Dios. Ay b'aj ton̈ej tzon̈ c'acvi yujto max nachaj cuuj tas scutej calan co b'a d'a Dios chi'. Yuj chi', a Yespíritu Dios slesalvi cuuj.

A Tas Sc'ulejnac Eb' Schecab' Jesús Hechos 2:13

Palta ay juntzan̈xo eb' jun, ton̈ej ix b'uchvaj eb'. Ix yalan eb': —A juntzan̈ eb' tic, uc'uman̈ eb', xchi eb'.

Zacarías 9:15

A Jehová Yajal d'a Smasanil ol colvaj yed' eb' schon̈ab'. Ol satjoquel syamc'ab' yic oval eb' ajc'ol chi' yuj eb', choc'xon̈ej ol ajcanoc. Ol el val yav eb' chon̈ab' chi' icha uc'um an̈, yujto ix yac' ganar eb' yajc'ol eb' chi'. Ol b'ud'joc val eb' yuj jantac vino ol yuq'uej, icha tz'aj sb'ud'ji nivac uc'ab' yuj schiq'uil noc' silab', aton stob'jiec' d'a sch'aac altar.

Salmos 25:1

Mamin Jehová, tic val sval in b'a d'ayach.

1 Co 13:7

Tato yel sco xajanej co b'a, scac' techaj masanil tasi, scac'och d'a co c'ool to vach'n̈ej sc'ulej eb' quetanimail, scac'n̈ejoch eb' yipoc co c'ool. Yaln̈ej tas junoc sja d'a quib'an̈, tec'ann̈ej scutej co b'a.

Nehemías 2:4

—¿Tas svutej in colvaj d'ayach ticnaic jun? xchi vin̈ rey chi'. Yuj chi' ix in lesalvi d'a sDiosal satchaan̈.

A Ch'an̈ B'ab'el Libro Samuel 1:12

Te junip ix lesalvi ix d'a yichan̈ Jehová, yuj chi' ix och q'uelan vin̈aj Elí chi' d'a sti' ix.