A Ch'an̈ B'ab'el Libro Yic Yab'ixal Eb' Rey 8:16 - Chuj San Mateo Bible

¹⁶ Ayic yalannac icha tic: Atax vic'annaquelta eb' in chon̈ab' d'a Egipto, mantalaj b'aj tzin siq'uel junoc chon̈ab' d'a e cal b'aj sb'ojiq'ue junoc in pat b'aj tzin cajnaji. An̈ej vin̈aj David ix in siq'ueli yic tz'och vin̈ reyal d'a scal eb' in chon̈ab' Israel tic, xchi Jehová chi'.

Chuj San Sebastian Bible

¹⁶ Yictax wi'n 'elt eb' e mam eyichm ax israel tic 'a Egipto, mant 'a 'aj in si'jnac 'el junc chon̈b' 'a e cal, yic ata tzb'o junc watut 'aj tzin 'aj cajan. Cojn ach in si'jnac 'elta yic tza'n reyl 'a in chon̈b' Israel tic, xchi.

A Ch'an̈ B'ab'el Libro Yic Yab'ixal Eb' Rey 8:16 Referans Kwoze

A Ch'an̈ B'ab'el Libro Samuel 16:1

Ix lajvi chi', ix yalan Jehová d'a vin̈aj Samuel chi' icha tic: —¿B'aq'uin̈ ol actej a cus yuj vin̈aj Saúl chi'? Maxtzac yal in c'ool to ol yac'n̈ej yajalil vin̈ d'a chon̈ab' Israel tic. A ticnaic, ac' b'ud'joc noc' a ch'aac yed' aceite, tzach b'at d'a spat vin̈aj Isaí d'a Belén, yujto toxo ix in siq'uel jun vin̈ yuninal vin̈ yic tz'och reyal sq'uexuloc vin̈aj Saúl chi', xchi d'a vin̈.

1 Cr 28:4

Palta a Jehová co Diosal chi' ix in sic'ancaneli yic tzin och reyal d'a co chon̈ab' tic d'a juneln̈ej, yujto a' ix sic'anel yin̈tilal Judá, yic syac'an yajalil d'a masanil quin̈tilal. Axo d'a yin̈tilal Judá chi', a yin̈tilal vin̈ in mam ix sic'caneli, axo pax d'a yin̈tilal vin̈ in mam chi', a in ix in siq'uel d'a scal eb' vuc'tac yic tzin och reyal d'a co chon̈ab' tic.

A Ch'an̈ B'ab'el Libro Yic Yab'ixal Eb' Rey 8:29

Tzin c'an val d'ayach to max iq'uel a sat d'a junjun c'u yed' d'a junjun ac'val d'a templo tic, jun ix ala' to a d'ay ol ach b'inajoc.

Dt 12:11

Axo jun lugar ol sic'canel Jehová yic tz'och yicoc, ata' ol eyac' masanil tas ix val d'ayex to ol e c'ulej. Ata' ol eyac' noc' silab' stz'ai yed' juntzan̈ silab' yuj eyic'anchaan̈ Jehová chi', e diezmo, e colval yed' eyofrenda sic'b'ilel eyuj b'aj ix eyac' e ti' eyac'ani.

Salmos 132:13

Mamin Jehová, a ach ix a sic'canel lum tzalan Sion yic tzach cajnaj ta', yujto icha chi' snib'ej a c'ool.

Jeremías 7:12

Ixiquec b'aj ec'nac chon̈ab' Silo b'aj ec'nac in cajnub', aton jun chi' in sic'naquel d'a sb'ab'elal b'aj in ch'oxnac in b'a. Ata' ol eyila' tas vutejnac in satanel yuj smul eb' e mam eyicham.

Salmos 78:70

Ix sic'anel jun schecab', aton vin̈aj David, vin̈ tan̈vum calnel.

Nehemías 1:9

Palta tato ol ex meltzajxoc d'ayin jun, ol e c'anab'ajan in checnab'il, tze b'eyb'alani, vach'chom sacleminac eyajcanb'at b'aj slajvic'och yolyib'an̈q'uinal tic, ol ex in molb'ejxicot d'a jun lugar to sic'b'ilel vuuj, b'aj tz'och ejmelal d'ayin, xa chi.

A Ch'an̈ Schab'il Libro Yic Yab'ixal Eb' Rey 23:27

Yuj chi' ix yal Jehová icha tic: Ol viq'uel Judá d'a vichan̈, icha vutejnac Israel. Ol in patiquejcanel Jerusalén, jun chon̈ab' sic'b'ilel vuuj yed' jun templo tic, jun valnac yuuj to a d'ay tz'och ejmelal d'ayin, xchi.

A Ch'an̈ B'ab'el Libro Yic Yab'ixal Eb' Rey 11:36

Junxon̈ej in̈tilal ol vac'can d'a vin̈ yic vach' ayto mach ol naancot vin̈ in checab' aj David d'a vichan̈ d'a Jerusalén tic, aton jun chon̈ab' in sic'naccanel b'aj tz'och ejmelal d'ayin.

Dt 12:5

A d'a jun lugar ol sic'canel Jehová d'a scal eyin̈tilal to yic yaji, ata' ol b'at eyaq'uem e b'a d'ay.

1 Cr 17:3

A d'a jun ac'val chi' ix lolon Dios d'a vin̈aj Natán chi', ix yalan d'a vin̈ icha tic:

Salmos 89:3

Alnac: Ay jun in trato yed' vin̈aj David in checab' ix in siq'ueli, ix vac'can in ti' d'a vin̈, ix valan d'a vin̈ icha tic: