A Ch'an̈ B'ab'el Libro Yic Yab'ixal Eb' Rey 7:2 - Chuj San Mateo Bible

² Ix sb'oanpaxq'ue jun nivan pat vin̈, te levan ix aj yool. Ix yac'an scuch vin̈ Spatil Te Te' yic Líbano. 45 metro ix aj sc'atul, 22 metro yed' nan̈alxo ix aj yol schiquin, 13 metro yed' nan̈alxo ix ajq'ue schaan̈il. Chan̈ tzol ix ajoch yoyal, nab'a c'ute'. Axo d'a sjolomtac te' oy chi', ix ec' te' patzab' nab'a c'ute'.

Chuj San Sebastian Bible

² An̈jtona', xya'n b'o pax jun n̈a tzcuch Calte yic Líbano. 45 metro x'aj spac'b'il, nan̈l yoxl schawinc metro x'aj schiquin, nan̈l schan̈lajn̈il metro x'aj ste'il, chan̈ tzol te 'oy c'ute x'och yoyloc. Ax 'a sjolm te 'oy cha, ata can̈n q'ue te patzb' to c'ute'.

A Ch'an̈ B'ab'el Libro Yic Yab'ixal Eb' Rey 7:2 Referans Kwoze

A Ch'an̈ B'ab'el Libro Yic Yab'ixal Eb' Rey 10:17

Ix lajvi chi' ix schecanpax b'ojoc 300-xo cotac smaclab'il jul-lab' chi' vin̈, ay am vaqueoc libra q'uen oro ix och d'a junjun. Ix yac'och juntzan̈ chi' vin̈ d'a yol jun pat scuchan Spatil Te te' yic Líbano.

2 Cr 9:16

Ix lajvi chi', ix schecanpax vin̈ b'ojoc 300 xo yunetac maclab' jul-lab' chi'. Ay am vaqueoc libra q'uen oro ix och d'a junjun. Axo d'a jun nivan pat scuchan Te te' yic Líbano ix yac'can vin̈.

Cantares 7:4

A a jaj, lajan val icha junoc torre nab'a marfil. A yol a sat, lajan icha chab' a' n̈ajab' d'a chon̈ab' Hesbón, junn̈ej ay d'a spuertail yic Bat-rabim. Axo a n̈i', lajan val yed' torre d'a Líbano, aton jun q'uelanb'at d'a chon̈ab' Damasco.

A Ch'an̈ B'ab'el Libro Yic Yab'ixal Eb' Rey 10:21

A scopa vin̈ rey chi', nab'a oro smasanil yed' jantac xalu yed' chen sc'anchaj d'a jun pat scuchan Spatil Te te' yic Líbano. Malaj junoc yamc'ab' chi' plata, yujto a d'a stiempoal vin̈aj rey Salomón chi', a q'uen plata chi' malaj yelc'och q'ueen.

A Ch'an̈ B'ab'el Libro Yic Yab'ixal Eb' Rey 7:3

A juntzan̈ te' patzab' chi' 45 te', ox tzol ix ajec' te', 15 te' d'a junjun tzol. Axo d'a yib'an̈ te' ix b'at te' nab'a c'ute' ix och yib'an̈oc jun pat chi'.

A Ch'an̈ B'ab'el Libro Yic Yab'ixal Eb' Rey 9:1

Ayic ix lajvi sb'oel stemplo Jehová yuj vin̈aj rey Salomón chi' yed' spalacio vin̈ yed' pax juntzan̈xo tas snib'ej vin̈ sb'o'o,

Is 22:8

A tas yipc'olal yaj yuj Judá, toxo ix sateli. A d'a jun tiempoal chi', ix eyil juntzan̈ yamc'ab' yic oval molb'il d'a jun nivan pat scuchan Spatil Te te' yic Líbano.