A Ch'an̈ B'ab'el Libro Yic Yab'ixal Eb' Rey 21:1 - Chuj San Mateo Bible

^1-2 Ayic ix lajvi yec'can juntzan̈ chi', a vin̈aj Acab rey d'a Samaria, ix snib'ej vin̈ sman jab' slum jun vin̈ aj Jezreel scuch Nabot. A jab' slum vin̈ chi' avab'il te' uva d'a sat, a d'a stz'ey spalacio vin̈ rey chi' ay. Ay jun c'ual ix yal vin̈aj Acab chi' d'a vin̈aj Nabot chi' icha tic: —Ac' jab' a lum chi' d'ayin, yic ata' svavej jab'oc vitaj, yujto d'a stz'ey in palacio ay. Axo junocxo lum te vach' svac' sq'uexuloc, mato tzin tup d'ayach icha stojol, xchi vin̈.

Chuj San Sebastian Bible

¹ 'Ay jun win 'aj Jezreel, Nabot sb'i winac, 'ay jab' slum win 'aj 'ay yawb'en uva 'a stz'ey 'aj 'ay sdespacho win Acab, win rey 'a chon̈b' Samaria.

A Ch'an̈ B'ab'el Libro Yic Yab'ixal Eb' Rey 21:1 Referans Kwoze

2 Cr 28:22

Vach'chom nivan yaelal ix javi d'a yib'an̈ vin̈aj Acaz chi', palta an̈eja' ix ochn̈ej smul vin̈ d'a Jehová.

Jueces 6:33

A d'a jun tiempoal chi', ix smolb'ej sb'a eb' madianita, eb' amalecita yed' eb' cajan d'a stojolal b'aj sjavi c'u, ix c'axpajec'ta eb' d'a yol a' Jordán, ix sb'oanq'ue scampamento eb' d'a yac'lical Jezreel.

Jeremías 5:3

Mamin Jehová, a eb' tza nib'ej, aton eb' yeln̈ej syala'. Yuj chi' ix ac'och syaelal eb' a chon̈ab' tic, palta malaj yelc'och d'a eb'. Ix ac' lajvoquem eb', palta maj nachajpaxel yuj eb'. Te pit spensar eb', icha stzatzil junoc q'uen q'ueen. Malaj sgana eb' syactejcan schuc b'eyb'al.

Is 9:13

Palta axo eb' schon̈ab' chi' jun, max sna sb'a eb' yalanxi sb'a d'a Dios, vach'chom ix ac'jioch syaelal eb'. Max yac'och sb'a eb' d'a yol sc'ab' Jehová Yajal d'a Smasanil.

A Ch'an̈ B'ab'el Libro Samuel 29:1

Ayic mantzac b'at eb' soldado filisteo d'a Sunem, molanxoec' eb' d'a Afec, axo eb' israel ayec' eb' d'a sjaj a a' yic Jezreel.

A Ch'an̈ Schab'il Libro Yic Yab'ixal Eb' Rey 9:21

Yuj chi' ix yalan vin̈aj Joram chi': —Aq'uecoch noc' chej d'a in carruaje yic oval, xchi vin̈. Yuj chi' ix b'ochaj scarruaje vin̈aj Joram sreyal Israel chi' yed' pax yic vin̈aj Ocozías sreyal Judá. Ix b'at eb' vin̈ junjun d'a yol scarruaje chi'. Ix b'at schaan vin̈aj Jehú chi' eb' vin̈. Ix schalaj sb'a eb' vin̈ d'a lum sluum vin̈aj Nabot d'a yol yic Jezreel.

A Ch'an̈ Schab'il Libro Yic Yab'ixal Eb' Rey 9:25

Ix lajvi chi' ix yalan vin̈aj Jehú chi' d'a vin̈aj Bidcar, vin̈ scolvaj yed'oc: —Iq'uelta vin̈ d'a yol scarruaje chi', tza yumancanb'at vin̈ d'a yol smacb'encan vin̈aj Nabot aj Jezreel, yujto tzato in nacoti to a ach jun ved'nac ach ayic tzac'an on̈ och d'a spatic scarruaje vin̈aj Acab smam jun vin̈ tic, ayic yalannaccan jun lolonel tic Jehová d'a yib'an̈ vin̈aj Acab chi' icha tic:

Miqueas 2:2

Tato syiloch sc'ol eb' d'a junoc luum, stoc'n̈ejec' eb'. Tato syiloch sc'ol eb' d'a junoc pat, syic'n̈ejec' eb'. Icha chi' tz'aj yixtaj eb' anima yed' yuninal yuj eb'.