A Ch'an̈ B'ab'el Libro Yic Yab'ixal Eb' Rey 2:10 - Chuj San Mateo Bible

¹⁰ Axo yic ix cham vin̈aj rey David chi', a d'a chon̈ab' scuch Schon̈ab' David, ata' ix mucchaj vin̈.

Chuj San Sebastian Bible

¹⁰ Ax 'a yic xcham rey David, ata 'ix mucx 'a jun lugar tzcuch Schon̈b' David.

A Ch'an̈ B'ab'el Libro Yic Yab'ixal Eb' Rey 2:10 Referans Kwoze

A Tas Sc'ulejnac Eb' Schecab' Jesús Hechos 2:29

Ex vetchon̈ab', te chequel tas ajnac vin̈ co mam quicham aj David chi'. Cojtac to chamnac vin̈, mucnajnac vin̈. A jun yed'tal b'aj mucan vin̈ chi', an̈eja' chequelto yajec' ticnaic.

A Tas Sc'ulejnac Eb' Schecab' Jesús Hechos 13:36

A vin̈aj David chi' ac'jinac servil eb' anima d'a jun tiempoal chi', icha sgana Dios. Slajvi chi' scham vin̈, smucchajnac vin̈ b'aj mucan eb' smam yicham. Axo snivanil vin̈ chi' c'anacb'ati.

1 Cr 29:28

Te b'eyum ix aj vin̈, te nivan pax ix aj yelc'och vin̈. Ichamilxo ix ic'an scham vin̈, ac'anc'olal ix cham vin̈. Axo vin̈aj Salomón vin̈ yuninal vin̈ ix ochcan reyal sq'uexuloc.

A Ch'an̈ B'ab'el Libro Yic Yab'ixal Eb' Rey 11:43

Ayic ix cham vin̈, ix mucchaj vin̈ d'a schon̈ab' vin̈aj David vin̈ smam. Ix lajvi chi' axo jun yuninal vin̈ scuchan Roboam ix ochcan reyal sq'uexuloc.

A Ch'an̈ B'ab'el Libro Yic Yab'ixal Eb' Rey 1:21

Palta tato max a b'ocan yaj jun tic, axo yic toxo ix ach chami, axom in miljicham yed' vin̈ vune' aj Salomón chi', xchi ix.

A Ch'an̈ B'ab'el Libro Yic Yab'ixal Eb' Rey 3:1

Ix yic'laj sb'a vin̈aj Salomón yed' ix yisil vin̈ sreyal Egipto yic tz'och junc'olal d'a scal schon̈ab' eb'. A d'a schon̈ab'can vin̈aj David ix ic'jib'at ix yuj vin̈ yacb'an sb'ochaj spalacio vin̈ yed' stemplo Jehová yed' pax muro d'a spatictac Jerusalén.

A Ch'an̈ Schab'l Libro Samuel 5:7

Vach'chom icha chi' ix yal eb', palta ix yac' ganar chon̈ab' Sion vin̈ rey chi', yuj chi' schon̈ab' vin̈aj David ix sb'iejcani.

1 Cr 11:7

Ix lajvi chi', ix cajnaj vin̈aj rey David d'a cuartel d'a Sion chi', yuj chi' Schon̈ab' Vin̈aj David ix sb'iejcani.

A Ch'an̈ B'ab'el Libro Yic Yab'ixal Eb' Rey 11:21

Axo yic yab'an specal vin̈aj Hadad d'a Egipto chi' to a vin̈aj rey David chamnacxo vin̈, chamnacxo pax vin̈aj Joab yajalil eb' soldado, yalan vin̈ icha tic d'a vin̈ sreyal Egipto chi': —Cha in meltzaj d'a in chon̈ab', xchi vin̈.

2 Cr 9:31

axo yic ix cham vin̈, ix mucchaj vin̈ d'a schon̈ab' vin̈aj David smam vin̈. Ix lajvi chi' axo vin̈aj Roboam yuninal vin̈ ix ochcan reyal sq'uexuloc.

A Ch'an̈ Schab'l Libro Samuel 5:9

Ix lajvi chi', ix cajnaj vin̈aj David chi' d'a cuartel ay d'a jun chon̈ab' chi', ix yac'an scuch vin̈ Schon̈ab' Vin̈aj David, ix laj sb'oanq'ue juntzan̈xo pat vin̈ d'a spatictac, ix schael yich b'aj ix mucchaj jun ch'olan.

A Ch'an̈ Schab'l Libro Samuel 7:12

Ayic ol lajvoc ec' a q'uinal, ayic mucb'il achxo, ol vac'och junoc uninal reyal a q'uexuloc, tec'tec' val ol vutej yopisio chi'.

A Ch'an̈ B'ab'el Libro Yic Yab'ixal Eb' Rey 8:1

A te' scaxail strato Jehová, ayec' te' d'a schon̈ab' vin̈aj David scuchan Sion. Axo vin̈aj Salomón ix naani to syic'b'at te' vin̈ d'a yol templo yacb'an molanec' masanil eb' anima d'a Jerusalén yuj snaancot q'uin̈ chinama eb' d'a yuquil uj scuchan Etanim. Yuj chi' ix smolb'an masanil eb' yichamtac vinaquil chon̈ab' Israel vin̈, eb' yajal yaj d'a junjun yin̈tilal eb' yed' eb' sat yaj d'a junjun macan̈ eb'.

A Ch'an̈ B'ab'el Libro Yic Yab'ixal Eb' Rey 14:31

Ayic ix cham vin̈aj Roboam chi', ix mucji vin̈ b'aj mucan eb' smam yicham d'a schon̈ab' vin̈aj David. Naama sb'i ix snun vin̈, amonita ix. Ix lajvi chi' axo jun yuninal vin̈ scuchan Abiam ix ochcan reyal sq'uexuloc.

A Ch'an̈ B'ab'el Libro Yic Yab'ixal Eb' Rey 15:8

Axo yic ix cham vin̈, ix mucji vin̈ d'a schon̈ab' vin̈aj David, axo jun vin̈ yuninal vin̈ scuchan Asa ix ochcan reyal sq'uexuloc.

A Ch'an̈ B'ab'el Libro Yic Yab'ixal Eb' Rey 15:24

Ayic ix cham vin̈, ix mucji vin̈ d'a schon̈ab' vin̈aj rey David b'aj mucan eb' smam yicham. Axo vin̈ yuninal vin̈ scuchan Josafat ix ochcan reyal sq'uexuloc.

A Ch'an̈ B'ab'el Libro Yic Yab'ixal Eb' Rey 22:51

Ayic 17 ab'ilxo yoch vin̈aj Josafat reyal d'a Judá, ix och vin̈aj Ocozías yuninal vin̈aj Acab reyal d'a Israel d'a chon̈ab' Samaria. Chab' ab'il ix yac' reyal chi' vin̈.

A Ch'an̈ Schab'il Libro Yic Yab'ixal Eb' Rey 8:24

Ayic ix cham vin̈aj Joram chi', ix mucji snivanil vin̈ b'aj mucan eb' smam yicham, aton d'a schon̈ab' vin̈aj David. Axo vin̈aj Ocozías vin̈ yuninal vin̈ ix ochcan reyal sq'uexuloc.

A Ch'an̈ Schab'il Libro Yic Yab'ixal Eb' Rey 9:28

Ix lajvi chi' ix ic'jib'at snivanil vin̈ yuj eb' vin̈ schecab' d'a Jerusalén d'a yol jun carruaje. Ix mucchaj vin̈ b'aj mucan eb' smam yicham d'a schon̈ab' vin̈aj rey David.

A Ch'an̈ Schab'il Libro Yic Yab'ixal Eb' Rey 14:20

Ix yic'anb'at vin̈ eb' vin̈ d'a yib'an̈ chej, ix mucji vin̈ d'a Jerusalén b'aj mucan eb' smam yicham vin̈ d'a schon̈ab'can vin̈aj David.

A Ch'an̈ Schab'il Libro Yic Yab'ixal Eb' Rey 15:38

Ayic ix cham vin̈aj Jotam chi', ix mucji vin̈ d'a schon̈ab' vin̈aj rey David, vin̈ smam yicham vin̈. Ix lajvi chi' axo vin̈aj Acaz yuninal vin̈ ix ochcan reyal sq'uexuloc.

A Ch'an̈ Schab'il Libro Yic Yab'ixal Eb' Rey 16:20

Ayic ix cham vin̈, ix mucji vin̈ b'aj mucan eb' smam yicham d'a schon̈ab'can vin̈aj David. Axo vin̈aj Ezequías yuninal vin̈ ix ochcan reyal sq'uexuloc.

2 Cr 24:16

A d'a schon̈ab' vin̈aj David ix mucji vin̈, aton b'aj smucchaj eb' vin̈ rey. A tas ix sc'ulej vin̈ te vach'n̈ej yuj svach'iloc eb' yetisraelal, vach' ix yutej vin̈ yac'an servil Dios yed' d'a stemplo.