A Ch'an̈ B'ab'el Libro Yic Yab'ixal Eb' Rey 16:8 - Chuj San Mateo Bible

⁸ Ayic 26 ab'ilxo yoch vin̈aj Asa reyal d'a Judá, ix schaanel yich vin̈aj Ela yuninal vin̈aj Baasa yac'an reyal d'a Israel d'a chon̈ab' Tirsa. Chab' ab'il ix yac' reyal chi' vin̈.

Chuj San Sebastian Bible

⁸ A 'a yic 26 ab'il yoch win Asa reyl 'a Judá, ata x'och win Ela sreyloc eb' israel 'a chon̈b' Tirsa, atn win yunnal Baasa. Chab' ab'il 'ix yac' win reyal.

A Ch'an̈ B'ab'el Libro Yic Yab'ixal Eb' Rey 16:8 Referans Kwoze

A Ch'an̈ B'ab'el Libro Yic Yab'ixal Eb' Rey 15:16

Ayn̈ej oval d'a scal vin̈aj Asa sreyal Judá yed' vin̈aj Baasa sreyal Israel.

A Ch'an̈ B'ab'el Libro Yic Yab'ixal Eb' Rey 16:7

Ix yalanxi Jehová d'a vin̈aj Jehú schecab', aton vin̈ yuninal vin̈aj Hanani, tastac yaelal ol javoc d'a yib'an̈ vin̈aj Baasa yed' eb' yin̈tilal yed' sc'ab' yoc, yujto te chuc tas ix sc'ulej vin̈ d'a yichan̈ Jehová. Yuj chi' ix stzuntzejcot yoval sc'ol Jehová chi' vin̈, icha sc'ulejnac vin̈aj Jeroboam. Ix cotpax yaelal d'a yib'an̈ vin̈ yujto ix satel yin̈tilal vin̈aj Jeroboam chi' vin̈.

A Ch'an̈ B'ab'el Libro Yic Yab'ixal Eb' Rey 16:9

Ay jun vin̈ Zimri sb'i, yajal vin̈ d'a nan̈al eb' soldado tz'ec' yed' carruaje yic oval, a vin̈ ix och ajc'olal d'a vin̈aj Ela chi'. Ay jun c'ual ayec' vin̈aj Ela chi' d'a Tirsa, d'a spat vin̈aj Arsa, vin̈ tz'ilan spalacio vin̈ rey. Axo ix aji, ix yuc' an̈ vin̈ rey chi', ix q'ue an̈ d'a sjolom vin̈.

Pr 28:2

Tato pit syutej sb'a junoc chon̈ab', toxon̈ej b'eleli yec' eb' tz'ac'an yajalil d'ay, palta tato aj pensar jun yajal junoc chon̈ab', syal yic'an b'ey d'a vach'il.

A Ch'an̈ B'ab'el Libro Yic Yab'ixal Eb' Rey 15:33

Ayic yoxilxo ab'il yoch vin̈aj Asa reyal d'a Judá, ix schaanel yich vin̈aj Baasa yuninal vin̈aj Ahías yac'an reyal d'a Israel, d'a chon̈ab' Tirsa. 24 ab'il ix yac' reyal vin̈.

A Ch'an̈ B'ab'el Libro Yic Yab'ixal Eb' Rey 16:6

Axo yic ix cham vin̈, ix mucji vin̈ d'a Tirsa, axo jun vin̈ yuninal vin̈ scuchan Ela ix ochcan reyal sq'uexuloc.

A Ch'an̈ B'ab'el Libro Yic Yab'ixal Eb' Rey 16:15

Ayic 27 ab'ilxo yoch vin̈aj Asa reyal d'a Judá, ix schaanel yich vin̈aj Zimri yac'an reyal d'a Tirsa, palta uquen̈ej c'ual ix yac' reyal chi' vin̈. A d'a juntzan̈ c'ual chi' ayec' eb' soldado yic Israel yac' oval d'a Gibetón d'a yol yic eb' filisteo.

A Ch'an̈ B'ab'el Libro Yic Yab'ixal Eb' Rey 16:21

Ix spoj sb'a chon̈ab' Israel, cha poj ix aj eb': Jun macan̈ eb', a vin̈aj Tibni yuninal vin̈aj Ginat snib'ej eb' tz'och reyal. Axo junxo macan̈ eb', ix can eb' yed' vin̈aj Omri.

A Ch'an̈ B'ab'el Libro Yic Yab'ixal Eb' Rey 16:23

Ayic 31 ab'ilxo yoch vin̈aj Asa reyal d'a Judá, ix schaanel yich vin̈aj Omri chi' yac'an reyal d'a Israel. 12 ab'il ix yac' reyal vin̈, vaque' ab'il ix ec' vin̈ d'a Tirsa.

A Ch'an̈ Schab'il Libro Yic Yab'ixal Eb' Rey 15:14

Axo vin̈aj Manahem yuninal vin̈aj Gadi ix cot yed' eb' vin̈ soldado d'a Tirsa, ix yac'an oval eb' vin̈ d'a chon̈ab' Tifsa. Ix smilancham masanil eb' anima eb' vin̈ ta' yed' masanil anima ay d'a yol smacb'en Tifsa chi'. Ix tecjielta yol sc'ol eb' ix yab'ix yuj eb' vin̈. Masanil tas ay ta', ix yic'b'at eb' vin̈. Icha chi' ix sc'ulej eb' vin̈ yujto maj chajioch eb' vin̈ yuj eb' aj chon̈ab' chi' d'a yol schon̈ab' chi'. Ix lajvi chi', ix c'och vin̈aj Manahem chi' d'a Samaria yac' oval yed' vin̈aj Salum chi'. Ayic ix lajvi smilancham vin̈aj Salum chi' vin̈, axo vin̈ ix ochcan reyal sq'uexuloc vin̈. A jantacto yab'ixal vin̈aj Salum chi' yed' tas ix aj yoch vin̈ ajc'olal d'a vin̈aj Zacarías, tz'ib'ab'ilcan b'aj aycan yab'ixal eb' vin̈ sreyal Israel.

A Ch'an̈ Schab'il Libro Yic Yab'ixal Eb' Rey 15:23

Ayic 50 ab'ilxo yoch vin̈aj Azarías reyal d'a Judá, ix och vin̈aj Pekaía yuninal vin̈aj Manahem reyal d'a Israel. Chab' ab'il ix yac' reyal vin̈ d'a Samaria.

A Ch'an̈ Schab'il Libro Yic Yab'ixal Eb' Rey 21:19

A vin̈aj Amón chi', 22 ab'il sq'uinal vin̈ ayic ix och vin̈ reyal d'a Judá. Chab' ab'il ix yac' reyal vin̈ d'a Jerusalén. Mesulemet sb'i ix snun vin̈, yisil ix vin̈aj Haruz aj Jotba.