A Ch'an̈ B'ab'el Libro Yic Yab'ixal Eb' Rey 16:6 - Chuj San Mateo Bible

⁶ Axo yic ix cham vin̈, ix mucji vin̈ d'a Tirsa, axo jun vin̈ yuninal vin̈ scuchan Ela ix ochcan reyal sq'uexuloc.

Chuj San Sebastian Bible

⁶ Ax yic xcham win Baasa cha, ata xmucx win 'a chon̈b' Tirsa. Ax jun yunnal tzcuch Ela, a 'ix 'ochx can reyl sjeloc.

A Ch'an̈ B'ab'el Libro Yic Yab'ixal Eb' Rey 16:6 Referans Kwoze

A Ch'an̈ B'ab'el Libro Yic Yab'ixal Eb' Rey 14:17

Ix lajvi chi' ix pax ix yetb'eyum vin̈aj Jeroboam chi', ix c'och ix d'a Tirsa. A val yochc'och ix d'a yol sti' spat, ix cham vin̈ unin chi'.

A Ch'an̈ B'ab'el Libro Yic Yab'ixal Eb' Rey 15:21

Ayic ix yab'an vin̈aj Baasa icha chi', ix yactan vin̈ sb'oanq'ue chon̈ab' Ramá, ix meltzaj vin̈ d'a chon̈ab' Tirsa.

A Ch'an̈ B'ab'el Libro Yic Yab'ixal Eb' Rey 16:8

Ayic 26 ab'ilxo yoch vin̈aj Asa reyal d'a Judá, ix schaanel yich vin̈aj Ela yuninal vin̈aj Baasa yac'an reyal d'a Israel d'a chon̈ab' Tirsa. Chab' ab'il ix yac' reyal chi' vin̈.

A Ch'an̈ B'ab'el Libro Yic Yab'ixal Eb' Rey 15:25

Ayic schab'ilxo ab'il yoch vin̈aj Asa reyal d'a Judá, ix schaanel yich vin̈aj Nadab yuninal vin̈aj Jeroboam yac'an reyal d'a Israel, chab' ab'il ix yac' reyal vin̈.

A Ch'an̈ B'ab'el Libro Yic Yab'ixal Eb' Rey 14:20

A vin̈aj Jeroboam chi', 22 ab'il ix yac' reyal vin̈. Axo yic ix cham vin̈, a jun vin̈ yuninal vin̈ scuchan Nadab ix ochcan reyal sq'uexuloc.

A Ch'an̈ B'ab'el Libro Yic Yab'ixal Eb' Rey 15:16

Ayn̈ej oval d'a scal vin̈aj Asa sreyal Judá yed' vin̈aj Baasa sreyal Israel.

A Ch'an̈ B'ab'el Libro Yic Yab'ixal Eb' Rey 16:28

Ayic ix cham vin̈, ix mucji vin̈ d'a Samaria, axo jun vin̈ yuninal vin̈ scuchan Acab ix ochcan reyal sq'uexuloc.