A Ch'an̈ B'ab'el Libro Yic Yab'ixal Eb' Rey 14:2 - Chuj San Mateo Bible

² Ix yalan vin̈aj Jeroboam chi' d'a ix yetb'eyum icha tic: —A ticnaic ixic d'a Silo. Ata' cajan vin̈aj Ahías, vin̈ schecab' Dios, aton vin̈ aljinac to a in ol in ochcan reyal d'a jun chon̈ab' tic. Q'uexel a pichul yic vach' malaj mach ol naanoc to vetb'eyum ach.

Chuj San Sebastian Bible

² Yuj cha, 'ix yaln win Jeroboam chi 'a 'ix yistzil 'ixtic: —A ticnec, 'ixc 'a chon̈b' Silo muc'uc, yujto ata 'ay win Ahías win schecb' Dios, win 'ix aln 'ayin chajtlto an 'oj woch reyl 'a jun chon̈b' tic. Jel-l a pichul, mac a sat, sec ma'oj ach yilch eb' toto wistzil ach.

A Ch'an̈ B'ab'el Libro Yic Yab'ixal Eb' Rey 14:2 Referans Kwoze

A Ch'an̈ Schab'l Libro Samuel 14:2

Yuj chi' ix b'at schec vin̈ ic'joccot jun ix ix te jelan spensar cajan d'a Tecoa. Ix yalan vin̈ d'a ix icha tic: Tz'ac cus val a b'a, tzac'anoch pichul yic cusc'olal. Man̈ ac'och perfume d'ayach. Icha val junoc ix ix to ayxo syamanoch yoc' yuj junoc chamnac, icha chi' tzutej a b'a.

A Ch'an̈ B'ab'el Libro Samuel 28:8

Ix sq'uexanel spichul vin̈aj Saúl chi' yic sreyal, axo yic eb' comon anima ix yac'och vin̈. Ix yic'anb'at chavan̈xo soldado vin̈ yed'oc, ix b'at vin̈ d'ac'valil yic sb'at sc'anb'ej sb'a vin̈ d'a jun ix ix chi', ix yalan vin̈ d'a ix: —Tzin tevi d'ayach to in gana tzavtej spixan jun mach ol val tic, xchi vin̈.

2 Cr 18:29

Ix yalan vin̈ sreyal Israel chi' d'a vin̈aj Josafat chi' icha tic: —Ayic ol co yamanoch oval chi', ol in q'uexel in pichul yic in reyal tic, a achxo tic, ol ac'n̈ejcanoch a pichul yic a reyal chi', xchi vin̈. Yuj chi' ix sq'uexel spichul vin̈ sreyal Israel chi', ix och eb' vin̈ yac' oval chi' schavan̈il.

Lc 12:2

yujto jantacn̈ej tas c'ub'anel ticnaic, ol laj checlajelta. Yed' pax jantacn̈ej c'ub'eltac yaji, ol ojtacajeloc.

A Ch'an̈ B'ab'el Libro Yic Yab'ixal Eb' Rey 22:30

Ix yalan vin̈aj Acab d'a vin̈aj Josafat chi': —A in tic, ol in q'uexel in pichul yic ol vac' oval chi', a achxo tic, ayocab'n̈ej och a pichul yic reyal tic, xchi vin̈ d'a vin̈. Ix sq'uexanel spichul vin̈ chi', ix och vin̈ d'a scal oval chi'.

Josué 18:1

Ayic ix lajvi yac'an ganar masanil lum luum chi' eb' israel, ix smolb'an sb'a eb' smasanil d'a Silo, ix sb'oanq'ue scajnub' Jehová eb', aton b'aj sch'ox sb'a Jehová chi'.

A Ch'an̈ B'ab'el Libro Yic Yab'ixal Eb' Rey 14:1

A d'a jun tiempoal chi', ix ilyaan vin̈aj Abías yuninal vin̈aj Jeroboam.

A Ch'an̈ B'ab'el Libro Yic Yab'ixal Eb' Rey 14:4

Icha chi' ix yutej sb'a ix. Ix sq'uexel spichul ix, ix b'at ix d'a Silo chi'. Ix c'och ix d'a spat vin̈aj Ahías chi'. A vin̈aj Ahías chi', maxtzac yal-laj yilan vin̈, te icham vinacxo vin̈.

A Ch'an̈ B'ab'el Libro Yic Yab'ixal Eb' Rey 20:38

Ix lajvi chi' ix b'at vin̈ schecab' Dios chi' smaclej vin̈ rey d'a yol b'e. Ix sq'uexanel sb'a vin̈, ix smusan sat vin̈ d'a jun c'apac.

2 Cr 28:4

An̈ejtona', ix sn̈us pax silab' vin̈ yed' incienso d'a juntzan̈ lugar b'ajtac chaan̈ yed' d'a yichtac te te' c'ayum xiil.