A Ch'an̈ B'ab'el Libro Yic Yab'ixal Eb' Rey 13:11 - Chuj San Mateo Bible

¹¹ A d'a jun tiempoal chi' ay jun vin̈ schecab' Dios te icham vinacxo cajan d'a Betel chi'. A eb' yuninal vin̈ ix alan d'ay tas ix sc'ulej vin̈ schecab' Dios d'a Betel d'a jun c'u chi', aton vin̈ ix cot d'a Judá. Ix yalanpax eb' d'a vin̈ smam chi' tas ix yal vin̈ checab' chi' d'a vin̈ rey chi'.

Chuj San Sebastian Bible

¹¹ A 'a yic jun tiempoal cha, 'ay jun schecb' Dios caw 'ichm winc xo cajn 'ec' 'a Betel cha. 'Ix yaln eb' yunnal 'a 'a, yuj smasnil tas 'ix sb'o jun schecb' Dios chi 'a chon̈b' Betel, 'ix yaln pax eb' 'a smam chi yuj tas 'ix yal jun schecb' Dios chi 'a win rey.

A Ch'an̈ B'ab'el Libro Yic Yab'ixal Eb' Rey 13:11 Referans Kwoze

A Ch'an̈ Schab'il Libro Yic Yab'ixal Eb' Rey 23:18

Ix yalan vin̈: —Actejeccani, malaj junoc mach syaman sb'aquil chi', xchi vin̈. Yuj chi' majxo yamjilaj sb'aquil jun vin̈ schecab' Dios chi' yed' sb'aquil junxo vin̈ schecab' Dios cotnac d'a Samaria.

A Schab'il Carta San Pedro 2:16

Axo noc' b'uru, cojtac to max yal-laj slolon noc', palta a noc' cachjinac vin̈ d'a smul chi'. Lolonnac noc' icha anima. A noc' cachannac och vaan vin̈ yuj sman̈ pensaril van sc'ulan chi'.

1 Ti 3:5

Yujto a mach man̈ ojtannacoc yilan yol spat, ¿tas ol yutoc yilan yiglesia Dios?

Mt 7:22

Ato yic ol ja jun c'ual chi', tzijtum eb' ol alan d'ayin: Mamin, Mamin calnac val el a lolonel. Yuj a poder quic'naquel juntzan̈ enemigo d'a eb' anima. An̈ejtona' yuj a poder, tzijtum milagro co ch'oxnac, xcham eb' d'ayin.

Ez 13:16

A eb' stz'ac yaloch sb'a in checab'oc chi', aton eb' tz'alan d'a eb' yetisraelal tas tz'ac'ji yil eb' yalani. Syalan eb' to malaj tas ol javoc d'a yib'an̈ Jerusalén, aton eb' tic yed' tas syal eb' chi' sch'ox eb' ix ac'anoch q'uen taan̈ d'a yichtac pat. Palta a in val Jehová Yajal in svala' to man̈ ichoc syal eb' chi' svala', xchi Jehová.

Ez 13:2

Ach anima, al juntzan̈ in lolonel tic d'a juntzan̈ eb' syaloch sb'a in checab'oc d'a eb' etisraelal, aton eb' scomon lolon d'a yol yico'. Al d'a eb' to smaclej yab' in lolonel eb', a in Jehová e Yajal in tic sval icha tic:

A Ch'an̈ B'ab'el Libro Yic Yab'ixal Eb' Rey 13:25

Ay juntzan̈ eb' vin̈ vinac ix ec' ta', ix yilan eb' vin̈ to telanec' snivanil jun chamnac d'a yol b'e chi', axo noc' choj chi' ayec' noc' d'a stz'ey. Ix b'at eb' vin̈ b'aj cajan vin̈ icham vinac schecab' Dios chi', ix yalan eb' vin̈ tas ix yil eb' vin̈ d'a yol b'e chi'.

A Ch'an̈ B'ab'el Libro Samuel 10:11

A mach ojtannac vin̈aj Saúl chi' d'a yalan̈taxo, ayic ix yilan eb' yoch vin̈ ejmelal, ix yilanpax eb' to ix q'uexmaj vin̈ icha juntzan̈xo eb' vin̈ schecab' Jehová, ix yalan eb': ¿Tas tz'ic'an vin̈ yuninal vin̈aj Cis tic? ¿Tom ipan vin̈ schecab' Jehová yaji? xchi eb'.

Nm 24:2

Axo ix yilanb'at chon̈ab' Israel vin̈, d'a stzolal yaj junjun in̈tilal eb' yed' scampamento, ix och Yespíritu Dios d'a vin̈,

A Ch'an̈ B'ab'el Libro Yic Yab'ixal Eb' Rey 13:10

Ch'ocxo jun b'e b'aj ix meltzaj vin̈ schecab' Dios chi', man̈xooclaj d'a jun b'e b'aj ix c'och vin̈ d'a Betel chi'.

A Ch'an̈ B'ab'el Libro Yic Yab'ixal Eb' Rey 13:12

Ix sc'anb'an vin̈ icham chi' d'a eb' yuninal chi' icha tic: —¿Tas b'eal b'aj ix b'at vin̈ schecab' Dios chi'? xchi vin̈. Ix yalan eb' vin̈ b'aja b'e b'aj ix b'at vin̈ chi'.