A Ch'an̈ B'ab'el Libro Yic Yab'ixal Eb' Rey 1:42 - Chuj San Mateo Bible

⁴² Vanto val slolon vin̈aj Joab chi', ix c'och vin̈aj Jonatán yuninal vin̈aj Abiatar, ix yalan vin̈aj Adonías d'a vin̈: —Ochan̈coti, ach vach' a pensar, tecan vach' tas tzul ala', xchi vin̈.

Chuj San Sebastian Bible

⁴² Wanto wal spaxtin cha, 'ix c'och Jonatán, yunnal Abiatar ya'mal 'och sti eb' 'anma 'a Dios. 'Ix yaln Adonías 'ixtic: —'Ochn̈ta ach tic, caw wal niwn el'chi, wach' am tas tzwul ala', xchi 'a 'a.

A Ch'an̈ B'ab'el Libro Yic Yab'ixal Eb' Rey 1:42 Referans Kwoze

A Ch'an̈ Schab'l Libro Samuel 15:36

Ata' ay pax vin̈aj Ahimaas yed' vin̈aj Jonatán yuninal eb' vin̈ chavan̈ chi'. Masanil tas tzab'i, a d'a eb' vin̈ tzalb'ati, axo eb' vin̈ ol alancot d'ayin, xchi vin̈ rey chi' d'a vin̈aj Husai chi'.

A Ch'an̈ Schab'l Libro Samuel 18:27

Ix yalanxi vin̈ stan̈vumal chon̈ab' chi': —A jun vin̈ b'ab'el chi' icha val sb'ey vin̈aj Ahimaas yuninal vin̈aj Sadoc svila', xchi vin̈. Ix tac'vi vin̈ rey chi': —Tato a vin̈ chi', vach' spensar vin̈, vach' am tas ol ul yal vin̈, xchi vin̈.

A Ch'an̈ Schab'l Libro Samuel 17:17

Axo pax vin̈aj Jonatán yed' vin̈aj Ahimaas ato b'aj sq'ueul sjaj a' Rogel d'a stitaquel chon̈ab', ata' ayec' eb' vin̈ yic vach' malaj mach tz'ilan yec' eb' vin̈ d'a yol chon̈ab' chi'. Axo jun ix checab', ix b'at alan d'a eb' vin̈ d'a elc'altac tas yaji. Ixn̈ej val yab' eb' vin̈, ix b'at eb' vin̈ yal d'a vin̈aj rey David chi'.

A Ch'an̈ Schab'l Libro Samuel 15:27

Ix yalanxi vin̈ rey chi' d'a vin̈aj sacerdote Sadoc chi': —Ach schecab' Dios, meltzajan̈ d'a junc'olal yed' vin̈aj Abiatar yed' chavan̈ eb' eyuninal tic, vin̈aj Ahimaas, vin̈ ico' yed' vin̈aj Jonatán vin̈ yic vin̈aj Abiatar.

Is 57:21

A eb' sc'ulan chucal, malaj jab'oc vach'il ol scha eb', xchi Jehová.

A Ch'an̈ Schab'il Libro Yic Yab'ixal Eb' Rey 9:22

Ayic ix yilan vin̈aj Joram chi' to a vin̈aj Jehú sc'ochi, ix yalan vin̈: —Ach Jehú, ¿tom d'a ac'anc'olal tzach javi? xchi vin̈. Ix yalan vin̈aj Jehú chi': —Tom ijan ac'anc'olal tzin javi yacb'an a ix a nun ix Jezabel, an̈eja' yac'anem sb'a ix d'a juntzan̈ sdiosal yed' d'a yajb'aalil, xchi vin̈.

A Ch'an̈ B'ab'el Libro Yic Yab'ixal Eb' Rey 22:18

Ix yalan vin̈aj Acab chi' d'a vin̈aj Josafat chi': —Ina ton sval d'ayach to a jun vin̈ tic malaj jab'oc tas vach' syal vin̈ d'a vib'an̈, an̈ej chucal syal vin̈, xchi vin̈.

A Ch'an̈ B'ab'el Libro Yic Yab'ixal Eb' Rey 1:41

Ato val slajvi sva vin̈aj Adonías yed' eb' ix yavtej, ix yab'an vin̈ yoch jun av chi'. Ix yab'anpax vin̈aj Joab yoc' noc' ch'aac, ix yalan vin̈: —¿Tas yaj jun av tz'och d'a chon̈ab' chi'? xchi vin̈.

A Ch'an̈ B'ab'el Libro Yic Yab'ixal Eb' Rey 1:43

Ix tac'vi vin̈aj Jonatán chi': —Tocval vach'. A ticnaic toxo ix ac'jioch vin̈aj Salomón reyal yuj vin̈aj rey David sq'uexuloc.