Mateo 26:69 - Iroaquerari Itioncacaantaqueca Aapani Irioshi: Tsavetacoquerica Amajirote Jesoquirishito

⁶⁹ Iriraquea Peerero choocatiraja ichoocaque ontaniqui pampatejijaniquiqui. Iroompaquea ocoraquepojaque aparo yomperajitaca ocanque: —Aviatimpa aisa itsipapinitimpi Jesoshi Garireaquitica.

Mateo 26:69 Referans Kwoze

Mateo 26:71

Ariquea yogaitsivetanaja ontaniqui sotomorontsiqui amenitsitajariquea aisa otsipa manquigarentsi, ocantsijigariquea choocajianquitsica oraniqui: —Iricatica irio itsipavijire Jesoshi Nasarequitica.

Yantajiguica 5:37

Ariqueate oquejetaca aisa coramani itioncacotacaantajiaquerigueti majirontatsica irajaanire intsataque querocaca ivegaracani maasano, choocaqueate itsipa, irira Garireaquitica icantajitica Jorashini. Iriatimpa inintavetaca iranaantaqueme inquejetaquemparime Teorashini. Ariqueate iquejetaca iriatimpa yoguijajiavetanacari oshequini caquinte, cotanquitsi iroompa imetojajitaquerigueti ariqueate iporocajianaque oguijajiavetacarica.

Joanca 7:52

Icantsiijaariquea iriatimpajia: —¿Avirocajate aisa Garireaquitica? Iintsijate pisavicaventamajatero Itioncacaantaqueca Aapani Irioshi, pamenaqueroquea tee oncanteji imponeaquempa tsavetantatsica Garireaqui.

Joanca 7:41

Itsipapaequeate cantajianquitsica: —Iriguentiqueate Quirishito. Cotanquitsiquea itsipapae cantajianquitsicaquea: —¿Arimpaquea imponeaquempa Quirishito Garireaqui?

Joanca 1:46

Icantiriqueate Natanaere: —¿Choocampaca cameetsatatsica poneanquitsica Nasarequi? Icantiriqueate Jeripe: —Caacatejate pamene.

Mateo 26:58

Iriraquea Peerero yoguijatacovetanacari cotanquitsiquea impoivaetapojaque. Oraquea yarejetapojacarogueti pampatejijaniquiqui itsovironaquitequi saserorote anaantamajatanquitsica, iquijapojaque otantoqui, yamenajiapojiri coaretajia quempoguijajiguiroca teemporo, savisaviitaque oraniqui. Ariquea isavicapoji iriatimpa iramenacotimentavaqueriniji Jesoshi querocaca incojitaquerini.

Mateo 26:3

Ariquea icapiocajiaca itsoviaguiteritequi Caipashi maasano saserorotejia anaantajianquitsica, tsatacaantajiguiroca itioncacotanaqueca Moishishini aisa jivajiguirica joriojia. Iriraquea Caipashi iriguenti saserorote anaantamajatanquitsica.

Mateo 21:11

Iriatimpajia icanquequea: —Iriguenti Jesoshi tsavetantatsica quenapojatsica Nasarequi Garireaqui.

Mateo 26:70

Yomanacotanacaquea, icanquero: —Tee notsatsitavaquempiroji. Iquemitsijigariquea maasano choocajianquitsica oraniqui.