Mateo 20:31 - Iroaquerari Itioncacaantaqueca Aapani Irioshi: Tsavetacoquerica Amajirote Jesoquirishito

³¹ Irira choocajianquitsica icantomajajiaqueriquea icantsijiavetari irisanticotanaquenijite, cotanquitsiquea iriatimpajia arimpate icajemamajatsijianaca: —¡Nomajirote, Ichoviquitanaqueca Taavini, pimpintsatacotenashiatsi!

Mateo 20:31 Referans Kwoze

Mateo 19:13

Iroompaquea icoraquecoraqueitaquequea itsipapae yamajiapojiniriquea Jesoshi chaajaniquiripae impamijiavaqueriniji iramanacoventajiaqueriquea. Iriraquea itsatacaanejia yamenajiavaquerigueti yamajiapojirigueti icantomajavaqueriquea.

Corosaquitica 4:2

Imaica noncantajiaquempi maasano aato piperajiga pamanajiguerigueti Aapani Irioshi, pinquenquejamajajiguero, aisa picancani pishinevenquempari pincanqueri: “Ariotesaa.”

1 Tesaronicaquitica 5:17

Pincoquempaniquea pamanajiaqueri Aapani Irioshi.

Mateo 15:23

Cotanquitsiquea iriraquea Jesoshi teequea incanteji, manaquea isanticotanaque. Ariquea iquempejiquempejiipojiri itsatacaanejia, icantajiaqueri: —Intsijate pinquemisanteroja cameetsanijite oanajenijite, manaqueate oguijaguijaipojacaji ocajemavaepoji.

Irocashi 18:39

Irirajia jivajivaitapojirica Jesoshi icantavetariquea irisanticotanaquenijite, cotanquitsiquea iriatimpa arimpaqueate icajemitsimajatanacaquea: —¡Jesoshii, Ichoviquitanaqueca Taavini, pimpintsatacotenashiatsi!

Mateo 9:27

Iroompaquea yoanajigueti Jesoshi yoguijaguijaitanajiri mavite shamponcajari icajemacovaetavaqueri icanqueri: —¡Ichoviquini Taavini, pimpintsatacogajoitenashiatsi!

Mateo 20:30

Ariquea oraniqui isavicajiaquequea mavite shamponcajari ocaravoquitapojigueti quenavoquirontsi. Irooquea iquemacojiavaquerigueti Jesoshi coraquetapoji icajemitsijianacaquea icanqueri: —¡Nomajirote, Ichoviquitanaqueca Taavini, pimpintsatacotenashiatsi!

Mateo 20:32

Icatiapojacaquea Jesoshi icajemajiaqueri icanqueri: —¿Taaquea pinintajiaque?