Tson'fa'cho 7:36 - Cofán: Chiga Tevaen'jen

³⁶ Moisésja Egipto andeni sefani'su agattoen'choma, sefani'su canjaen'choma'qque canjan'jen. Cu'a Marni'qque tsa'caen tsomba ingi tayopi'su coenzandeccuma Egipto'ye somboemba ccushaen. Toya'caen tsendeccu cuarenta canqque'fave a'i menia can'jensi Moisésja tsa'caen sefani'su canjaen'choma canjaen.

Tson'fa'cho 7:36 Referans Kwoze

Éxodo 14:21

Moisés tise tivema marnga yasasi Na'su Chigaja chiga sombo'jeni'su fingiama moe. Tsa'caen moesi quian'me jipa pa'cco cose fingiamba enttinge'ye marma doña. Tsa'caen doñamba tsu Na'su Chiga enttinge marma san'ame tson

Éxodo 12:41

Nane tsa'caen cuatro ciento treinta canqque'fave nepi'cho a'ta tsu poiyi'cco israendeccu tsain'bitsse atapa'chondeccuja Na'su Chiga sundarondeqquia'caen tsa ande'ye sombo'fa.

Éxodo 33:1

Na'su Chigaja Moisésnga su: —Va'ttie sombopa que Egiptone somboen'cho aindeccui'ccu jaja. Nane ña Abraham, Isaac toya'caen Jacobnga supa tise'pa omba'su dushundeccunga afeye su'cho andeni jaja.

Éxodo 16:35

Israendeccuja cuarenta canqque'fa pa'cco tsesu manáma amba canse'fa. Nane a'i can'jeni nepiya'ngae tsu tsa'caen an'jen'fa. Canaán andeni nepipa ca'niña'ngae tsu manáma an'jen'fa.

Hebreo'su 8:9

Tsaja ña o'tie a'i'ccu fae'ngae injancco'fa'choa'cambi tsu. Tayopi tise'pa coenzandeccui'ccu fae'ngae injanccopa gi tise'pama anga Egipto ande'ye somboeñe. Tsa'ma ñama paña'ma in'jan'fambisi gi tise'pama ccane'qque pañambi –qquen tsu Na'suja su.

Tson'fa'cho 13:18

Tsa'caen somboensi cuarenta canqque'fave israendeccu a'i menia can'jen'fasi Chigaja tise'pa egae tsincon'choma attembiqquia'caen tise'pama fuitepa angacan.

Tson'fa'cho 7:42

Tsonsi Chiga Quitsaja tsendeccuma catiqquia'caen tson cuintsu osha'cho sefacconi'su jincho'choma chigama'caen iñajan'faye. Tsa'cansi tsu tayopi'su Chiga Aya'fama afasundeccuja qquen tevaen'fa: Israendeccu, que'ija cuarenta canqque'fave a'i menia can'jemba ¿ñoa'me ñanga ti qui afe'fa que'i osha'choma fi'ttipa afe'choma?

Salmos 95:10

Tsa'cansi cuarenta canqque'fave gi tsendeccuma iyicca'yepa qquen su: ‘¡Va aindeccuja ña manda'choma pañambipa tise'pa in'janqquia'caen injanga canse'fa!’

Deuteronomio 8:4

Tise'pa tsa'caen cuarenta canqque'fave a'i menia jacan'fa'ni'qque tise'pa ondiccu'je'cho sarupa tssoruve dambi ni tise'pa tsu'tte'qque ppu'fambi.

Éxodo 3:20

Tsane'da gi ña oshacho'choma canjaemba egiptosundeccuma dyoñaña osha'cho egave daqque'sui'ccu tise'pama iña'ccaemba. Tsa'caen tsonsi tsu faraónjan que'ima somboeña.

Salmos 95:8

“Tayopisundeccuja Meribani injama'choi'ccu se'pipa toya'caen tsequi a'tayi Masah a'i menia'qque pañañe se'pi'fa. Tsa'ma que'i injama'choi'ccu tsendeqquia'caen se'pi'fajama ñama ñoa'me pañañe.

Juan 4:48

Tsonsi Jesúsja su: —¿Que'ija ccushaemba canjaen'choma attembi'ta ti qui in'jan'faya'bi?

Hebreo'su 3:9

Que'i tayopi'su coenzandeccuja tsa'caen a'i menia can'jemba Ñama pañambipa injanga Ñama patsu qquen tsincon'fa. Ñajan cuarenta canqque'fave tise'pama ñotsse tsonsi tsu atte'fa. Atte'ma toya in'jambipa Ñama patsu qquen tsincon'fa.