Tson'fa'cho 5:34 - Cofán: Chiga Tevaen'jen

³⁴ Tsonsi fa'e na'suyi, Gamaliel, qquen inisecho'cho, bo'fa'chonga jangi ccutsu. Nane tsaja fariseondeccu in'jan'cho a'i tsu, Moisés manda'choma atesian'su. Poiyi'cco a'i tsu tisema ñotsse in'jamba paña'fa. Tsa tsu ccutsupa manda cuintsu Jesúsne afasundeccuma cuarto'ye re'riccone joqquitssiansi tisupayi condaseccoye.

Tson'fa'cho 5:34 Referans Kwoze

Tson'fa'cho 22:3

—Ñajan israe'su a'i. Ñajan Cilicia andeni, Tarso canqqueni isusi gi vani Jerusaléni jipa coen. Gamaliel –tsa poiyi'cco que'i atesu'cho atesian'su– tsu ñama atesian. Nane pa'cco tayopi'su coenzandeccu manda'choma ñoa'me tansintsse atesiansi gi ñajan Chiga in'jan'chove ñoa'me tsoñe in'jan. Nane que'i ja'ño a'ta Tise in'jan'chove ñoa'me tsoñe in'janqquia'caen gi ña'qque tayoe in'jan.

Lucas 2:46

Tsa'caen toequi japa tres a'ta tta'ttá jacamba tisema atte Chiga ettini Chiga manda'choma atesiansundeccui'ccu condasé dyai'choma. Nane atesiansundeccu su'choma pañamba osha'chove iñajampaña'jen.

Lucas 5:17

Fae a'ta Jesús a'ima atesian'jen'ni fariseo in'jan'chondeccu Chiga manda'choma atesiansundeccu'qque tisenga bo'fa. Nane poi Galilea ande'su canqquene, Judea ande'su canqquene'qque tsu ji'fa. Jerusaléne'qque jipa bopa paña'fa. Tsonsi Na'su Chiga Jesúsma quiñaensi a'ima ccushaen.

Tson'fa'cho 4:15

Tsa'camba tsendeccuma joqquitssiañe manda'fa bo'je'cho cuarto'ye. Tsa'caen joqquitssiamba nasundeccuja tisupayi qquen condasecco'fa:

Jeremías 26:16

Tsonsi nasundeccu poi aindeccu'qque pañamba Chigama afasundeccu, Chiga aya'fama afasundeccunga'qque su'fa: “Va a'ija shacapambi tisema fi'ttiye. Ñoa'me tsu Na'su ingi Chigaja tisema moe va su'choma inginga condaye.”

Jeremías 26:17

Toya'caen majan coenzandeccu'su ccutsupa tseni bo'cho aindeccunga qquen su'fa:

Juan 3:10

Jesúsja afapa su: —Queja israe atesian'suta ¿ma'camba qui atesumbi tsama?

Tson'fa'cho 5:21

Tsa'caen susi pañamba ccaqui a'ta sinte'yi Chiga ettinga ca'nimba ti'tsse atesiañe ashaen'fa. Tsa'ma atesumbe Chigama afa'su na'su, tisupanaccui'ccu poi nasundeccuma ttu'se boña'fa, nane poi israe'su coenzandeccuma. Tsa'caen bo'fasi na'suja manda picco'je'cho etti'ye Jesúsne afasundeccuma somboe'nga'faye.

Tson'fa'cho 5:27

Ipa nasundeccu bo'fa'chonga ccutsiansi Chigama afa'su na'su tsendeccuma iñajampaña:

Tson'fa'cho 5:35

Joqquitssian'fasi Gamalielja nasundeccu bo'fa'chonga su: —Israendeccu, injama'tse ma'caen qui tson'faya va aindeccuma.