Tson'fa'cho 21:24 - Cofán: Chiga Tevaen'jen

²⁴ Queja tsendeccui'ccu fae'ngae Chiga ettinga japa qui que'qque asettuqquia'caen onjoña'cho. Tsomba tise'pa afepoen'choma'qque afepoeña'cho cuintsu tise'pa tosema chattuya'choe. Qquen tso'ninda poiyi'cco a'i tsu atesu'faya tise'pa tayoe quene paña'choja aqquia afopoen'cho tsu. Toya'caen tsu atesu'faya que Moisés manda'choma ñotsse in'jamba canse'choma.

Tson'fa'cho 21:24 Referans Kwoze

Tson'fa'cho 21:26

Tsomba Pablo tsa cuatro a'ima angapa fae'ngae asettupa onjon'fa. Onjon nanimba Chiga ettini japa conda'fa siete a'ta pasasi tise'pa Chiganga afe'choma afeye.

Tson'fa'cho 24:18

Qquen tson'jemba gi asettupa onjomba Chiga ettini ja. Tse'tti can'jemba majain'ccuyi'qque afaccombi gi ni a'ima qquejeccoembi gi. Tsa'caen ña Chiga ettini can'jen'choma tsu majan Asia ande'su israendeccuja ñama atte'fa.

Tson'fa'cho 18:18

Tsonsi Pabloja bo'tsse Corintoni can'jemba jaye ashaen. Jayipa fae'ngae in'jan'chondeccuma chigambiamba barconga otse Siria andeni jaye. Toya'caen Priscila, Aquila'qque Pabloi'ccu jaja'fa. Toya otsembi'te Cencrea canqqueni can'jemba Pabloja asettu'je'choma canjaeñe tise tosema cha'ttian.

1 Corinto'su 9:20

Israendeccui'ccu gi israe'su a'ia'caen canse cuintsu israendeccu pañamba Jesucristove in'jan'faye. Nane tsendeccu Chiga manda'choma pañasundeccui'ccu can'jemba gi ña'qque manda'cho mandaqquia'caen tson'jen cuintsu tsendeccu ñama pañamba Jesucristove in'jan'faye. Nane ñoa'me tsa manda'cho ñama mandambisi tisu in'jamba gi tsa'caen tson'jen.

Éxodo 19:14

Chiga tsa'caen susi pañamba Moisésja ande aindeccuma ñoñañe cuintsu Chigama iñajan'jen'faye. Aindeccu tise'pa sarupama ma'ppan'fasi

Galacia'su 2:12

Majan a'i Santiagone toya jimbi'te Pedroja israembindeqquiai'ccu fae'ngae an'jen. Tsa'ma tsendeccu jisi Pedroja chhiyitevaeñe in'jan'chondeccu tisema afase'fasa'ne dyojopa israembindeqquiai'ccu fae'ngae an'jen'cho antte.

Juan 11:55

Israendeccu Chiga panshaen'cho injienge'cho fiesta pan napiji. Tsa'ma fiesta toya napimbi'te tsain'bio a'i tise'pa canqque'ye sombopa Jerusaléni jaja'fa asettupa onjoñe.

Juan 3:25

Tsonsi majan Juanma shondosundeccuja faesu israe'sui'ccu condasecco'fa asettupa onjon'chone.

Job 1:5

Fiestaen'choma nanisi Jobja tise dushundeccuma ttu'sepa tise'pane Chigama iñajan. Sinte'yi jangipa ovejama oque oraemba Chigama iñajan poiyi'cco tise'pa egae tsincon'chone. Nane Jobja in'jamba'qque tise dushundeccu Chigama afase'fasa'ne tsa'caen tson.

Jueces 13:5

Tsandie du'shuve qui isuya. Tiseja tisu tosema chattu'jeya'bi tsu. Nane tsa du'shuja toya isuyembiteyi Chiga ñotsse injan'chopa tsu nazareo a'iya. Tisei'ccu tsu Na'su Chigaja ashaeña israendeccuma filisteondeccu'ye ccushaeñe.”

Éxodo 19:10

Na'su Chigaja su: —Japa aindeccuma ja'ño tu'i'qque ñoñajan cuintsu ñame injan'jen'faye. Nane sarupama'qque tsu ma'ppamba