Tson'fa'cho 20:25 - Cofán: Chiga Tevaen'jen

²⁵ ¡Que canjan! Ja'ño gi in'jan que'ija ccatsse ñama atte'faya'bi. Nane poiyi'cco majanga ña Chiga aindeccuve daya'chone conda'chondeccu ccatsse ñama atte'faya'bi.

Tson'fa'cho 20:25 Referans Kwoze

Tson'fa'cho 28:31

Chiga aindeccuve daya'chone tsu candusian. Toya'caen Na'su Jesucristone tsu atesian'jen. Poiyi'cconga tsa'caen dyombi'tsse condasesi majañi'qque tisema se'pi'fambi.

Tson'fa'cho 20:38

Pablo “Ccatsse ñama atte'faya'bi qui” qquen susi tsu i'na'fa. Tsa'caen i'namba Pabloi'ccu fae'ngae barco duseni ja'fa camoeñe.

Mateo 4:23

Jesúsja pa'cco Galilea ande'ye jacan. Jacamba tseni'su Chiga Aya'fama atesian'jen'ttinga ca'nimba Chigambe aindeccuve daya'chone ñotsse condase'choma atesian'jen. Toya'caen aindeccu osha'cho paqque'sui'ccu paji'fasi Jesúsja tise'pama ccushaen.

Colosa'su 2:1

In'jan gi que'i vama atesu'faye: Ñoa'me gi que'ima in'jamba injama'choni vana'jen. Laodiceasundeccuma nane poiyi'cco ñama toya attembindeqquiama'qque gi ñajan tsain'bitsse in'jamba tsa'caen vana'jen.

Galacia'su 1:22

Judea'su Cristove in'jamba bo'fa'chondeccuja toya ñama cachuimbe'yi

Romanos 15:23

Tsa'ma ja'ño gi vani'su sema'bama tayo nani. Tsain'bitssi canqque'fa que'ini pasia'su jiye in'jamba

Tson'fa'cho 8:12

Tsa'ma Felipe jipa Chiga aindeccuve daya'chone toya'caen Jesucristove in'jaña'chone'qque condasesi tsendeccuja pañamba in'jan'fa. Tsa'caen Jesucristove in'jamba tsandiendeccu, pushesundeccu'qque fetiye'fa.

Lucas 16:16

Chiga manda'cho, Chiga Aya'fa afasundeccu tevaen'jen'qque ingima tayoe atesian. Tsa'ma Juan jipa ma'caen Chiga aindeccuve dapa canseya'chone ñotsse condase'choma candusiañe ashaen. Ja'ño tsain'bio a'i pañamba quia'me in'jan'fa Chiga aindeccuve daye.

Lucas 9:60

Tsa'ma Jesúsja tisema su: —Antteja cuintsu ñame in'jambindeqquia tsa'caen vasepa pa'chondeccuma a'tuye. Tsa'ma queja ñame in'jamba japa ma'caen Chiga aindeccuve dapa canseya'chone condaseja.

Mateo 13:52

Tsonsi tsu su: —Poi Chiga manda'choma atesian'su majan pañamba Chigama na'sian'cho a'ive da'ta tsa'o nasiaca'on tsu. Tsa tsa'o na'su tise'pa an'bian'chone tayopi'su ñotssia jincho'choma canjaeñe osha. Toya'caen tsu cuna ñotssiama canjaeñe osha.

Mateo 13:19

Majan a'ija Chigama na'sian'cho aindeccuve daya'chone paña'ma in'jan'fambi. Tsendeccuja tsaiqui utufanga gaiñasi sheque'choacan'fa tsu. In'jambisi cocoya na'su jipa chhiriria choma anqquia'caen tise'pa injama'cho'ye tsa Chiga Aya'fama paña'jen'choma aqquepoen.

Mateo 10:7

Japa candusian'faja qquen: “Ja'ño tsu Chiga que'ima ttu'se Tisema na'sian'cho aindeccuve da'faye.”

Mateo 4:17

Jesús tseni japa candusiañe ashaemba su: —Que'i egae tsincon'choma chi'ga'faja. Ca'tsa qui Chigama na'sian'cho a'ive daji'fa.