Tson'fa'cho 17:32 - Cofán: Chiga Tevaen'jen

³² Tsa'caen Pabloja pa'choma ccase qquendyaen'chone afasi majan pañasundeccuja feña'fa. Tsa'ma cca'indeccuja su'fa: —Jai'ngae gi tsane ccase paña'faya.

Tson'fa'cho 17:32 Referans Kwoze

Tson'fa'cho 26:8

¿Ma'camba qui que'ija in'jan'fambi Chiga pa'chondeccuma ccase qquendyaeña'chone?

Tson'fa'cho 17:18

Majan tisei'ccu cachuicco'chondeccuta tsu epicoro in'jan'choma atesiansundeccu. (Tsendeccuja “injanga canseya'cho” qquen in'jamba atesian'jen'fa.) Toya'caen majan faesu tisei'ccu cachuicco'chondeccuta tsu estoico in'jan'choma atesiansundeccu. (Tsendeccuja “osha'cho tsaveqque'su” qquen supa tsa'caen atesian'jen'fa.) Tsendeccu Pabloma cachuipa condaseccoye ashaen'fa. Majandeccuja su'fa: —¿Mingae afa qquen tson'jemba tsu vaja qquejecan? Toya'caen faesuja su'fa: —Vata tsu faesu chigane condase'su. Nane Pabloja Jesúsne, Jesús papa ccase qquendya'chone afasi tsu tsa'caen su'fa.

2 Corinto'su 6:2

Nane Chigaja su: Paña'jen'cho a'ta gi que'ima paña. Ccushaeña'cho a'ta gi que'ima fuite. ¡Que canjan! Ja'ño tsu paña'jen'cho a'ta. Ja'ño tsu ccushaeña'cho a'ta.

Tson'fa'cho 25:19

Nane tise'pa Chigave in'jan'chone tsendeccuja Pabloma ccaningae in'jamba afacco'fa. Toya'caen majan Jesúsne tsu afacco'fa. Cca'ija Jesús tayo pa qquen susi Pabloja toya canse qquen su.

Tson'fa'cho 24:25

Tsa'ma Pabloja ñotsse in'jamba canseya'chone, toya'caen a'i tisu injama'cho ai'voma ñotsse an'biaña'chone, Chiga jai'ngae tsangae injama'choma somboeña'chone'qque condasesi Félixja pañamba dyo. Tsa'caen dyopa su: —Ja'ñojan jaja. Maqui osha'ta gi ccase quema ttu'seya.

Tson'fa'cho 2:13

Tsa'ma cca'indeccuja feñamba su'fa: —Tsendeccuja ccusipa ya'caen afa'fa.

1 Corinto'su 4:10

Sumbi a'ive da'fa qquen tsu cca'indeccuja ingine in'jan'fa. Tsa'ma Cristoja ñotssi qquen canjaeñe gi tsa'caen tsincon'fa. Nane que'ija Cristove in'jamba osha'choma qui atesu'fa. Ingija quin'su mechoqquia'caen can'jensi que'ija quinsupa'fa. Osha'choma oshacho qquen qui in'jan'fa. Cca'indeccu que'ima ñotsse in'jamba ingimajan feña'fa.

Lucas 14:18

Tsa'ma ttuseye'chondeccuja pañamba poiyi'cco ccaningae tsoña'chove condaseye ashaen'fa. Fa'eja tisema su: “Ñajan jiye oshambi. Nasipama chavapa gi can'su jayi. Chigáne ñama anttéja ña jimbecañe.”

1 Corinto'su 1:23

Tsa'ma ingi Cristo avuja'cconga pa'chone candusiansi israendeccu pañamba ansange'fa. Israembindeqquia'qque “injiengembitssia” qquen su'fa.

Tson'fa'cho 13:41

Que can'faja afasesundeccu. Can'boen ccutsupa pa'faja. Ña Chiga gi que'i canseite ccaningae tsoña. Tsa'caen tsonsi qui in'jan'faya'bi cca'i que'inga condase'ni'qque.

Hebreo'su 13:13

Tsa'cansi jinge ingi'qque canqque joccani jaqquia'caen va ande'su in'jan'choma catipa Jesúsve in'jamba tisia'caen dyombi'tsse vana'faye.

Hebreo'su 11:36

Toya'caen a'ija majan Chigave in'jan'chondeccuma afasepa ma'ppi'fa. Candenai'ccu tandamba picco'je'cho ettinga picco'fa.

Lucas 23:36

Sundarondeccu'qque tisenga catsepa inzatssia o'fa tsaja tsa'ccuma cui'ña qquen co'fe'fa.

Lucas 23:11

Herodes, tise sundarondeccu'qque Jesúsma chi'gapa afase feña'jen'fa. Ñotssia na'su sarupa'cain'ccu tisema ondiqquiamba toequi Pilatonga maña.

Lucas 22:63

Tsonsi Jesúsma indisundeccuja tisema afasepa tsse'tsse'fa.

Génesis 19:14

Tsa'caen susi Lotja tise dusundeccunga japa conda. Nane tayo tsu antteye su cuintsu tsendeccu tise onquengendeccuma pusheye. Tise'pama su: —Jangipa va'ttie joqquitssipa ja'faja. Ñoa'me tsu Na'su Chiga va canqquema sefaen catiye tson'jen. Tsa'ma tise dusundeccu pañambipa feña'fa.

Tson'fa'cho 17:33

Tsa'caen su'fasi Pabloja anttepa somboin ja.

1 Corinto'su 15:12

Nane ingija Cristo papa tayo qquendya'chone condasesi ¿ma'caen tsu majan que'i'suja su'fa: “Pa'chondeccuja ccase qquendya'faya'bi.”?