Tson'fa'cho 14:14 - Cofán: Chiga Tevaen'jen

¹⁴ Tsa'caen tson'jen'fasi Jesúsne afasundeccu Bernabé, Pablo'qque a'i in'jan'choma attepa tisupa ondiccu'jema chitta'fa. Tsa'caen tsu tson'fa a'i in'jan'choma se'pi'chove canjaeñe. Tsomba a'inga butto catsepa quia'me afa'fa:

Tson'fa'cho 14:14 Referans Kwoze

Mateo 26:65

Jesús tsa'caen susi joccapitssia Chigama afa'su na'su iyicca'yepa tsama canjaeñe in'jamba tisu ondiccu'jema chi'ttapa su: —¡Chigama tsu afase'je! ¿Micomba gi camba afasundeccuveyi ti'tsse ronda'je'fa? Tayo gi paña'fa tise Chigama afase'choma.

Tson'fa'cho 14:4

Tsa'ma tsa canqque'su a'i fae'ngae in'jan'fambi. Enttingeja israendeccui'ccu in'jan'fa. Faesuja Jesúsne afasundeccui'ccu in'jan'fa.

Marcos 14:63

Qquen susi Chigama afa'su na'suja iyicca'yepa tisu ondiccu'jema chi'ttapa su: —¿Toya ti shaca camba afasundeccuja?

2 Reyes 5:7

Tsa'ma Israel na'su Acabja tsa tevaen'jema camba tisu ñombi'yepa iyicca'ye'choma canjaeñe in'jamba tisu na'su ondiccu'jema indipa chi'tta. Chittapa su: —¿Ñanda ti gi Chiga, a'ima qquendyaeñe toya'caen fi'ttiye oshaye'ta cuintsu Siria'su na'su na congomba paqque'sui'ccu dañonge'choma ña ccushaeñe moeñe'da? Aqquia tsu ñai'ccu iyiccoye in'jamba qquen tsincon.

Números 14:6

Toya'caen Josué, Caleb'qque fae'ngae andema cañe jacansundeccupa tisupa ñombi'ye'choma canjaeñe in'jamba ondiccu'jema chi'ttapa

1 Corinto'su 9:1

¿Cristo moensi conda'sumbi ti gi? ¿Oshambi ti gi cca'i Cristo moensi condasia'caen canseye? Ñajan tso'fei'ccu ingi Na'su Jesucristoma atte. Nane Na'su mandasi ña condasesi que'ija Na'su Jesús a'ive qui da'fa.