Tson'fa'cho 12:6 - Cofán: Chiga Tevaen'jen

⁶ Pedroma fi'ttiya'cho a'ta napiji'ni tsequi cose Pedroja picco'je'cho ettini ana'jen. A'tasi Herodesja tisema somboeña'cho a'inga canjaemba fi'ttiye. Pedro tsa'caen ana'jensi tseccuni dos sundaro tisei'ccu can'jen'fa. Toya'caen dos candenai'ccu tandansi sundaro enttingeni tiseja ana'jen. Toya'caen faesu sundarondeccuja sombo'ttini ronda'je'fa, majan indiye'cho sombosa'ne.

Tson'fa'cho 12:6 Referans Kwoze

Tson'fa'cho 21:33

Tsonsi coronelja catsepa Pabloma indiye manda; indipa cuintsu dos candenai'ccu tandan'faye. Tsomba iñajampaña jongoesu inise tsu Pabloja, tise mingae tsincon'chove'qque.

Hebreo'su 13:6

Chiga tsa'caen susi gi ñoa'me avujatsse in'jamba su'fa: Na'su Chigaja ñama fuite'su tsu. Dyombe gi can'jeña. ¿Ma'caen tsu a'ija ñama dañoña?

2 Timoteoga 1:16

In'jan gi cuintsu Chiga Onesíforo'pama mende'yepa ñotsse tsoñe. Nane Onesíforoja ñama candenai'ccu tandan'chone ansangembe'yi ñama tsain'bitsse fuite'je.

Efeso'su 6:20

Ñoa'me tsama condaseye gi Jesúsma shondo'su. Tisene condasepa gi yoshavai'ccu tandañemba can'jen. Chiga mandaqquia'caen tsu dyombi'tsse condaseya'cho. Tsa'cansi ñane Chigama iñajan'faja cuintsu Tise fuitesi ñajan Cristone tsa'caen dyombi'tsse condaseye.

Tson'fa'cho 28:20

Tsa'camba gi que'ima ttu'se attepa condaye. Nane israendeccu Cristo jiya'chone in'jan'chove in'jamba gi va candenai'ccu tandañe.

Tson'fa'cho 5:23

su'fa: —Japa gi atte'fa picco'je'cho ettima toenga yavepa ta'etsse picco'cho. Coira'su sundarondeccu'qque tsu sombo'ttini ccutsu'fa. Tsa'ma fettapa cansi indiye'chondeccuve me'i'on.

Mateo 28:4

Coira'su sundarondeccu'qque tisema attepa ttun'dundu'je'e dyopa paqquia'caen amppi ccui'fa.

Génesis 22:14

Omboe Abrahamjan tsa oque'je'nima inisian “Jongoesuve shaca'ninda Chigaja afeya.” Nane toya tsu a'ija su'fa: “Jongoesuve shaca'ninda tise ccotta'ccone tsu Na'su Chigaja afeya.”

Tson'fa'cho 12:5

Tsa'caen Pedro picco'je'cho ettinga piccoyesi Jesúsve in'jan'chondeccuja ti'tsse'tsse Chigama iñajan'fa tisene.